الكليه الحربية - شرح مختصر لكل ما تريد معرفتة عن اختبارات الكلية الحربية



طبعا كتير مننا بيبقي كل امله وامل اهله انو يبقي ظابط وبيبقى حلم لكل شخص عايز يخدم بلده بس كتير برده مدورش وعرف هو اى المطلوب منه عشان يحقق هدفه ، تعالى ناخدها خطوه خطوه والى هي بتبدا بعد اجتياز المرحله الثانويه ... 

اولا : اهم حاجه مطلوبه منك وهى مجموعك ف الثانويه العامه وهى الى بتحدد انت هتتدخل اى كليه من الكليات العسكريه ( فنيه عسكريه 92% – طب عسكرى (95-97%)– الدفاع الجوى 85% – الجويه 60% – الحربيه 70% – البحريه 70% – المعهد الفنى للقوات اللمسلحه 65% ) طبعا اى كليه شرف لاى مصرى انو يدخلها بس لكل شخص طموحات فلازم نركز ع المجموع كويس جدا . 

ثانيا : وهى اولى الخطوات وهي سحب ملف التقديم من الكليه الحربيه وبكل بساطه اليوم ده تقريبا اخف يوم بالنسبالك هتقضيه جوا الكليه الحربيه وانت بتروح بالبطاقه وبيبقي معاك تمن الملف والى هو 100 جنيه واليوم ده بتقييس وزن وطول وبتاخد محاضره من ظابط فى قاعه بداخل الكلية لطريقه ملئ الملف وبتتصور وبتستلم الصور بتاعتك وهى دى الى بتتحط جوا الملف ويبقي كده اليوم انتهي .

 ثالثا : بعد متملى الملف ونتخلص كل بياناتك بتمتحن امتحان السمات وهو عباره عن اسأله عامله ورياضه وتاريخ .. الخ بتظهر النتيجه خلال ايام والكليه بتبعت رسايل للطلبه اما كانت النتيجه لائق ام غير لائق وبيتحدد معاد الكشف الطبي . 

رابعا : نيجى الكشف الطبي وهو بيتجزا ليومين ، اليوم الاول بتمر ع العيادات اولها عياده القوام وده بتقييس وزنك وطولك وطبعا ليه مقاييس للوزن المثالى وهو الطول – 100 وبيسمحو احيانا ب 5 كيلو فوق او تحت الوزن المطلوب وبعدخا بتمر بعيادات الرمد ، الجلديه ، العظام ، البطنه ، انف واذن ، جراحه ، اسنان ..... نيجي الليوم التاني وهو يوم بيبقي عباره عن كشف القلب وتحاليل وقاع العين وكشوفات بسيطه . 

خامسا : الرياضى وده بيتحددلك فى اخر يو للكشف الطبي وده بقي اليوم الى بيطلع ناس كتير وفيه ناس بتقرر تنسحب لانها بتحس انها هتتعب ومش قد الكليه اليوم ده بتختبر فيه الضاحيه 1.5 كم وده ب 40 درجه جرى 100 متر 10 درجات 10عقله ب 40 درجه ولازم اقل حاجه 4 عدات الضغط 40 عده واقل حاجه 16 عده البطن 40 عده واقل حاجه 16 عده قفزه الثقه من ارتفاع 7.5 متر(اجبارى ) السباحه طول الحمام 20 درجه عرض الحمام 10 درجات مش اجبارى (اجبارى فقط للكليه البحريه ) ويبقي كده اليوم خلص .

سادسا : السمات او الاختبار النفسي هو الى انت بتختبر ع الاجهزه بتتسال اساله اساله شخصيه عنك او حل مسائل رياضيه او اشكال هندسيه وكل ده ليه وقت محدد طبعا وبيتحددلك معاد لكشف الهيئه وطبعا لازم تسلم ملف المرحله التانيه يومها او قبلها او بعدها المهم قبل كشف الهيئه 

سابعا : كشف الهيئه ده كشف مهم جدا ومن اصعب الكشوفات الى بتمر على الطلبه الى بتقدم بسبب الحاله النفسه الى بيمرو بيها خلال الاختبار واليوم ده انت بتلبس لبس موحد للجميه وهو جزمه سوده وشراب اسود وبنطلون اسود وحزام اسود وقميص نص كم ابيض اليوم ده انت بتدخل بتتعرض على قاده الكليات العسكريه وبتعرف نفسك وطبعا وانت داخل بتعرف انت المفروض هتعمل وبيتشرحلك كل حاجه هناك ولما بتدخل بتحط ورقه الرغبات ف الصندوق وتبدا تعرف نفسك وطبهعا بيبقي ف دكاتره وظباط قاعدين بيقيموك وبتاخد ع اساسها درجات وممكن حد من القاده يسالك او لا ولو اتسالت سؤال متعرفوش تقول معرفش يا فندم متفتيش وبتخرج واليوم ينتهى والاختبار ده نتيجته بتطلع مره واحده وبيبعت رساله للطلبه اللائقين فقط وبيتحدد معاد الكشف الطبي المتقدم .

ثامنا : الكشف الطبي المتقدم ده بيبقي زى الكشف الطبي العادي بس بيبقي ع السريع مش بيدققوا اوى فيه وينتهى اليوم وبيتحدد الكشف الرياضي المتقدم والى بيتكون من قفزه الثقه والضاحيه 3 كم و12 عقله وبيتحدد معاد الكشف النفسي المتقدم وهو نفس النفسي بس ع خفيف ومش بتعد ع الاجهزه ده بتاخد ورقه بتجاوب الاسئله الى بتتعرض على الشاشه قدامك وكده تنتهى الاختبارات وتنتظر رساله القبول ... والله الموفق والمستعان

الكلية الحربية

عرض المزيد »

كلية الشرطة

عرض المزيد »