قرار وزير الداخلية بخصوص مد فترة سحب ملفات شرطة للقسم الخاص


وزير الداخلية يمد فترة قبول طلبات الالتحاق بقسم الضباط المتخصصين الإثنين، 19 فبراير 2018 وافق اللواء مجدى عبد الغفار وزير الداخلية على مد فترة قبول طلبات المتقدمين للالتحاق بقسم الضباط المتخصصين بكلية الشرطة من حاملى المؤهلات العليا والحاصلين على درجتى "الدكتوراه والماجيستير" فى التخصصات التى سبق الإعلان عنها لمدة ثلاثة أيام، اعتبارًا من الغد الثلاثاء الموافق 20 الجارى وحتى يوم الخميس الموافق 22 الجارى . يأتى قرار وزير الداخلية فى ضوء الإقبال المتزايد من الطلبة المتقدمين للالتحاق بالقسم الخاص بكلية الشرطة، وحرصًا على إتاحة الفرصة أمام كافة الراغبين فى الإلتحاق بالأكاديمية .

تجارب التقديم - تجربة مقدمة من العضو ادهم علي لشرح الطبي المتقدم بالتفصيل متخصصين حربية



هنتكلم عن تجربتي2018 ونصايحي في يوم( العرض الطبي العام) حربية متخصصين2018
او ما يعرف بالطبي المتقدم او العرض العام
مش هنختلف في المسميات من اولها عشان خلقي ضيق فمتزعلنيش منك
وسيبني اكمل كلام اتفقنا
(تجربتي كطالب كلية حقوق) وهي بتنطبق علي الكل بإختلافات لاتذكر يعني
علي بركه الله نبدأ:

(1)- الصيام وده اول وأهم حاجه تصوم تقريبا 6 ل 8 ساعات ويفضل 8 قبل وقت الكشف (عياده التحاليل) وبتفصيل اكتر عشان البوست ده بتاع التفاصيل هتصوم من 10 بليل كده عشان تبقي جاهز للتحاليل وقت الكشف الساعة 6 الصبح او اي وقت حسب هتدخل عياده التحاليل امتي يعني
نصايح:
-الصيام عن الاكل والمشروبات ويفضل الميه كمان بس لو عطشت اوي اشرب حاجه بسيطه منعاً للتعب مش اكتر (التحليل مطلوب تكون صايم )
مش زي الطبي الاولاني عن الأكل بس
لانه كان يخص كشف السونار انما ده دم وبول وكده

-لما تبقي هناك متدخلش الحمام وهتتمنع اصلا في الغالب انك تدخل عشان هتحتاج تاخد عينه بول فمتفضيش المخزون الاستراتيجي يا معلم ووقت التحليل متلاقيش حاجه

(2)- هتكون لابس سلب سبعه ابيض زي الطبي الاولاني وفيه ناس كانت لابسه شورت ابيض وبيقولهم شموره بس متجيبش لنفسك الكلام
امشي بالمطلوب من الاول احسن لفت الانتباه في الكشف الطبي مش في مصلحتك اسمع مني (نصيحه غالية)
وتاخد معاك جاكت محترم تقيل تلبسو وقت الكشوفات لأن الجو الصبح زفت

(3)- هتكلم بترتيب العيادات بالنسبالي بتختلف من شخص لأخر علي فكره

- اول حاجه اسمها كشف ظاهري بيجيلك رتبه ظابط يوقف مجموعتك صف وبيشوف ايدك ويخليك ترفعها تفردها وشكلك العام ووشك وضوافرك ونضافتك العامة وبيشوف ايدك بتعرق ولا لأ فإمسح ايدك في الشورت معظم الوقت سواء في الكشف ده او في كشف الجلدية عشان ناس كتير طلعت بسبب ده (نصيحه غاليه) واخر حاجه بيخليك تغمز بعينك مره اليمين ومرة الشمال وكده خلاص

-اول عياده قوام وتناسق اللي هي وزن وطول
لو تمام بتكمل مش تمام بتتعرض مستشار بيشوفك
ويشوف هيئتك وطولك علي الحيطه لو الجهاز طلعك قصير مثلا
او يشوف لو وزنك زاد ترهلات ولا عضل
او لو خسيت بزياده يشوف ده خلاك نحيف ومعضم ولا عادي
وهكذا لو شافك تمام بيرجعك مجموعتك الوضع معجبوش يبقي مفيش نصيب

- تاني عياده الاشعة بتدخل زي االطبي الاولاني والدكتور جوه بيوجهك تعمل ايه وتقف ازاي
الغريب بقي ان فيه ناس طلعت اشعه رغم انها عدت في الاشعه اللي كانت في الطبي الاول وللأسف مفيش ليها مستشار او التماس لو وقعت فيها

-تالت عياده كانت التحاليل وبتاخد استيكرات عليها اسمك واسماء انواع تحاليل الدم وبتروح تبصم مع الدكتور علي استيكر منهم وبيديك (علبه لتحليل البول - و5 انابيب اللي بيتحط فين الدم بتاعك ) بتلزق عليهم الاستكرات دي وغالبا الدكتور بيساعدك في القصه دي
وبتدخل لدكتور في اوضه ياخد منك عينه الدم وبعدها بتروح الحمام عشان تاخد لنفسك عينه البول وعسكري بياخد منك العلبة اللي بتملاها في الحمام

- رابع عياده كانت الرمد بتدخل وبيعملك اختبار عمي الألوان عالسريع وبيخليك تقعد تاني وبيقفلك عين وتشوف بالتانيه زي الاختبار في الطبي الاولاني بس برتم اسرع شوية مش اكتر

- خامس عياده كانت الباطنه بيفضل يحسس علي بطنك ويضغط ويخليك تفرد دراعاتك فوق وقدام وتتنفس ويحط السماعة وحاجات زي كده كان عالسريع بردو

-سادس عياده كانت الجلدية وطلع ناس كتيره فيه للأسف اغلبهم كانو طلعوا بردو في الطبي الاول جلدية وراحو لمستشار وعداهم لكن وقعوا تاني في الطبي المتقدم بس بتكون لاسباب واضحه الصراحه الكلام ده علي مجموعتي اللي كانت معايا زي (حبوب غزيره في الوش او الظهر- علامات وخياطه واضحة في الوش)

النصائح المهمه جدا جدا هنا : - امسح ايدك في الشورت في العياده دي قبل ما تدخل واثناء منتا واقف وطبعا وايدك جنبك عشان متلفتش الانتباه فيحس انك بتعمل حاجه غلط واصلا الدكتور في الطبي الاولاني كان بيقولنا امسح ايدك بس مش كل الدكاترة بتقول فخاف انت علي مصلحتك من البداية الناس مش زي بعضها
(تاني) امسح كف ايدك كويس في الشورت عشان اتنين من مجموعتي وقعو بسبب حاجه بسيطه زي دي وهما اصلا في العادي معندهمش المشكله دي
-النصيحه التانيه بخصوص حلاقة الدقن بلاش تحلق عكس اتجاه نمو الشعره عشان هتطلعلك حبوب ممكن توقعك في الكشف الحل عن تجربة تسيب الدقن كام يوم ومتحلقهاش الا قبل ما تسافر للكشف بساعات وتحط بلسم بعد الحلاقة علي الاقل لو ممنعش الالتهاب هيأخره لبعد الكشف (نصيحة غاليه )
- (تالت) مره امسح كف ايدك في الشورت سواء عندك مشكله العرق دي او لأ الواحد بيحزن علي الناس لما تبقي سليمة وتطلع علي حاجه زي دي

- سابع عياده الاسنان زي الطبي الأولاني وكانت عالسريع بيقولك افتح بوقك وعض علي سنانك وشكرا

-تامن عياده العظام هي والجلدية اكتر عيادتين طلعو ناس بأسباب واضحة وأسباب غير واضحه بيبقي نفس الكشف زي الطبي الأولاني اذا مكنش اكتر انتو اخواتي يعني العياده دي الطبي الأولاني كان بيبقي فيها بال30 واحد واكتر
انما في الطبي المتقدم بيبقي نص العدد تقريبا فبيبقي في تركيز اكتر
وانا من تجاربي بقول ان العياده دي بيبقي مطلوب منا اكبر تصفية للعدد
ففيه ناس كتير بتيجي في الرجلين فنصيحتي في العياده دي مترتبكش ومتشدش رجلك جامد فيحس انك بتحاول تخبي حاجه وتلفت انتباهه
ابعد عن لفت الانتباه في العياده دي خالص ده لمصلحتك طالما انت وصلت لطبي متقدم يبقي بنسبة كبيرة سليم متربكش نفسك عشان الربكه دي لوحدها هتتسبب في طلوعك . العياده بيطلع فيها حوالي 3 او 5 من المجموعة في الاغلب منهم اللي عنده فعلا مشكله وفلت في زحمه الطبي الأولاني
ومنهم تصفيه اعداد وهنا بقي انت ونصيبك

- تاسع عياده كانت الأنف والأذن نفس الطبي الأولاني وكانت عالسريع

- عاشر عياده كانت الجراحه نفس اللي حصل في الطبي الأولاني بالظبط

- العياده ال11 كانت النفسية وبتقول اسمك وكليتك و44 و66 نفس الاختبار الطبي الأولاني عالسريع بردو

- العياده ال 12 كانت قاع العين نفس اللي حصل في الطبي الأولاني
-العياده ال 13 الموجات الصوتيه (السونار) مشتغلتش اصلا لسبب غير معروف

- العياده ال 14 كانت رسم القلب نفس اللي حصل في طبي الاولاني اهم حاجه متخفش ومترهبش نفسك ولا تجري وانت رايح للعياده مثلا عشان دقات قلبك متزيدش وتقع في الكشف ده
غير كده انت تمام مدام عديته قبل كده

- العياده ال 15 القلب وهي نفس الفكره بس دكتور بيسمع دقات قلبك بالسماعة وخلاص علي كده خليك هادي دي اهم حاجه

- العياده ال16 السمعيات هي غرفة كده شبه الاسانسير وبتدخلها وتقعد علي الكرسي وتلبس سماعة علي راسك والدكتور بره وانت ضهرك ليه وهو بيعملك شبه صفاره او زنه كده وبتبقي خفيفة جدا يعني متتغرش بكلمه صفاره دي خالص هتحس انها زنه خفيفة كده يا إما من الودن اليمين او الشمال ولما تسمع الصفاره الخفيفه في اليمين بترفع ايدك اليمين ولو سمعت من ودنك الشمال بترفع ايدك الشمال وهو بيفضل يقلب الصفارة بين الودنين وانت تفضل تشاور بقي علي حسب سمعت منين
اختبار سهل بس ركز لأن الصوت خفيف عكس ما هتتوقع فركز مع اي صوت

بتخلص انت ومجموعتك وبتنزل تلبس وتستني النتيجه وبعد نص ساعه
بتعرف نتيجه كل الكشوفات ما عدا التحاليل طبعا

اللي وقع في كشف واحد بس ليه عرض علي مستشار تاني يوم
بس فيه عيادات ملهاش للاسف
زي عياده الاشعة اللي بيقع فيها بيبقي ملوش نصيب لكن الاغلب فيه
واللي وقع في اكتر من عياده بيبقي ملوش نصيب

واللي بينجح في كل العيادات قالوله تعالي بعد يومين اسأل الاستعلامات علي نتيجه التحاليل لو نجحت فيها بتتمتحن في نفس اليوم رياضي متقدم
لو لقدر الله منجحتش في التحاليل يبقي مفيش نصيب

واللي رايح يسأل علي نتيجه التحاليل يبقي طبعا رايح وجاهز ومعاه لبس للرياضي ومايوة عشان نطة الثقة
وهما طلبو كمان أصل شهاده التخرج تكون معاك
وموقف التجنيد تاخد الاصل والصورة احتياطي

و محدش يعرف تفاصيل الرياضي المتقدم لسه واخيرا اتمني اكون وفقت في توصيل كل معلومة عن اليوم ده
ولو نسيت حاجه فإعذروني ولو كلامي شوفته غلط سيبك خالص من البوست ده واعمل انت بوست وقول الصح من وجهه نظرك وفيد الناس
الغرض الاول هو الاستفاده ودي تجربتي وبشاركها معاكو مش اكتر
............بتمني للجميع التوفيق .........
(وعسى أن تكرهوا شيئا وهو خير لكم
وعسى أن تحبوا شيئا وهو شر لكم
والله يعلم وأنتم لا تعلمون)
اعمل اللي عليك وسيبها علي ربنا
الخير فيما اختارة الله 

مجموعه من اكثر الاسئلة تداول علي جروبات التقديم بخصوص متخصصين شرطة


1- الملف بيتسلم امتي ؟
الملف بيتسلم بعد الرياضي او الطبي حسب الطلب 


2- مدة تسليم الملف؟

 بتكون من استلامك للملف لقبل الهيئة باسبوع 

3- نتيجة احتبار القدرات بتظهر امتي ؟
بعد يوم او اتنين من الاختبار 


4-هل في تظلم في القدرات ؟
لا مفيش تظلم في القدرات 


5- نتيجة القوام والمقاس بتظهر امتي وفين ؟
بتظهر بعد يومين حد اقصي وبتظهر علي الانترنت علي موقع اكاديمية الشرطة هنا
http://academy.moiegypt.gov.eg/policeonlineservices/new_search.aspx


6-هل لازم اخلص جيش عشان اقدم متخصصين ؟
لا عادي تقدر تقدم من غير ما تخلص الجيش 


7-ينفع تاجيل اختبار القوام والمقاس ؟
لمدة يومين فقط 


8-الاختبار الطبي كام يوم ؟
يوم واحد فقط 


9-القيود لمين وينفع تعذرات ؟
القيود للاب والجدين ولو تعذر يكون من العباسية للجدين فقط 


10- فية تظلم في الكشف الطبي ؟
ايوة من تاني يوم تقدر تعمل تظلم


ملخص اول يوم سحب ملفات متخصصين شرطة بالتفصيل


  1. مكان الكلية في التجمع الاول هتلاقي ميكروباص بيروح هناك في رمسيس وعند الدائري
  2. الدخول من 6 الي 9 فقط روح بدري افضل عشان مترجعش
  3. الدخول من بوابة 5 للناس الي متعرفش
  4. لازم يكون معاك شهادة الثانوية العامة الاصلية والي كان دبلوم وكمل كلية مش بيتقبل
  5. شهادة الجامعة اصل الشهادة او مؤقتة بس لازم يحدد فيها القسم
  6. مؤهل الوالدين وصور بطايقهم
  7. 4 صور شخصية خلفيه بيضاء خليهم بزيادة زي ما قولنا يعني 6
  8. لو معهد ليك تقديم بس لازم تجيب شهاده المعادله وعليها الختم
  9. ممنوع تجيب موبايل بكاميرا
  10. اسئله القدرات اسئله اختر وصح وغلط وعاديه 
  11. ارقام استعلامات الكلية ٢٤١٠٩١٠٢ – ٢٤١٠٩١١٧ 
  12. تخصص حاسبات ومعلومات اتلغي من الاعلان حسب ما حصل مع الناس 
  13. لازم تاخد معاك ورقه بيضاء مكتوب فيها بيانات الاهل منهم الاب والجدين والاعمام والخالات
  14. مشكلة تخصص هندسة طرق دا للاسف غير محددة ممكن تروح وتسال في الكلية افضل 
  15. نتيجة اختبار القدرات بعد يومين من يوم الاختبار 
  16. رابط معرفة النتيجة http://academy.moiegypt.gov.eg/policeonline…/new_search.aspx 
  17.  

الاوراق المطلوبه لتقديم الضباط المتخصصين بكلية الشرطة


  1. كارت الطول والوزن (بتستلمة لما تسحب الملف)
  2. شهادة حسن سير وسلوك مرفقة بالملف يتم تحريرها بمعرفة الكلية المقيد بها الطالب
  3. صورة لوجة البطاقه الشخصية وصورة تانية للخلف برضو
  4. صورة معتمدة من شهادة المؤهل أو بيان الدرجات
  5. أصل شهادة ميلاد الطالب المميكنة
  6. صور من شهادات التفوق الرياضي معتمدة من الاتحاد الرسمي للعبة إن وجد
  7. موقف الطالب من التجنيد أو نموذج 110 جند
  8. قيد عائلي للوالد
  9. قيد عائلي للجدين
  10. في حالة عمل والد أو والدة الطالب بالأعمال الحرة يتم إرفاق المستندات التي تثبت ذلك من خلال البطاقة الضريبية والسجل التجاري أو حيازة الاراضى الزراعية أو خلافه
  11. في حالة سفر الوالد أو الوالدة للخارج يتم عمل توكيل لأحد الأقارب للتوقيع على الملف مع إرفاق صورة التوكيل المعتمد من جهة إصداره وصورة بطاقة الوكيل وصورة جواز السفر وصورة عقد العمل موثق من الخارجية وشهادة تحركات من مصلحة الجوازات والهجرة من مجمع التحرير
  12. في حالة وفاة الوالد ترفق شهادة الوفاة أما إذا كان أحدهما أو كلاهما بالمعاش يرفق بيانات المعاش معتمدة من المعاشات أو جهة العمل قبل الخروج على المعاش
  13. صورة وجهة بطاقة الوالد – صورة ظهر بطاقة الوالد
  14. صورة معتمدة من مؤهل الوالد إن وجد
  15. صورة وجه بطاقة الوالد صورة ظهر بطاقة الوالدة
  16. كارت طولي للوالدين معا وفى حالة الطلاق أو الانفصال أو السفر لأحد الوالدين يتم تثبيت صورة منفردة مع كتابة السبب خلف الصورة وفى حالة وفاة أحدهما يتم تثبيت صورة للذي هو على قيد الحياة
  17. صورة معتمدة من مؤهل الوالدة ان وجد
  18. صورة من مستندات الأملاك والمدخرات للوالد والوالده
    ---------------------

    الاوراق المطلوبه فى القيد العائلى اول حاجه انت هتعمل 3 قيد...
والدك
جدك من ناحيه الوالد
جدك من ناحيه الوالده
اولا قيد الوالد ....
  1. صوره من بطاقه الرقم القومى للوالد او شهاده الميلاد<كمبيوتر> فى حاله الوفاه
  2. صوره لبطاقه الرقم القومى للوالده او شهاده الميلاد كمبيوتر
  3. صوره من شهادات ميلاد الابناء (اخواتك يعنى) كمبيوتر
  4. صوره من وثيقه الزواج فى حاله تعدد الزوجات
  5. صوره من وثيقه الطلاق فى حاله وجود واقعات طلاق
  6. صوره لشهاده الوفاه فى حاله وجود حالات وفاه لأى فرد من افراد الاسره

ثانيا : القيد العائلي للجد ابو الوالد ..
  1. صور بطايق الابناء بما فيهم والدك
  2. صورة بطاقة جدك
  3. صور بطاقة جدتك لو عايشين .. لو متوفيين اللي متوفي فيهم تطلعله شهادة ميلاد ووفاة كمبيوتر

ثالثا : القيد العاءلي للجد ابو الوالدة
  1. صور بطايق الابناء بما فيهم والدتك
  2. صورة بطاقة جدك وصورة بطاقة جدتك واللي متوفي فيهم تطلعله شهادة ميلاد ووفاة كمبيوتر

شروط التقديم لقسم الضباط المتخصصين بكلية االشرطة 2017



  1. ان يكون مصري الجنسية ومن ابوين مصريين
  2. ان يكون محمود السيرة حسن الخلق
  3. الا يكون قد سبق الحكم عليه بعقوبة جنائية في احدي الجرائم المنصوص عليها في قانون العقوبات او ما يماثلها من جرائم منصوص عليها في القوانين الخاصة او بعقوبة مقيدة للحرية في جريمة مخلة بالشرف او الامانة
  4. الا يكون قد سبق فصلة من خدمة الحكومة بحكم او بقرار تاديبي نهائي
  5. ان يكون مستوفيا لشروط اللياقة الصحية والبدنية والسن ومنها

    الا يقل طول الطالب عن 165سم للذكور و 160 سم للاناث
    الا يزيد السن في وقت التقديم عن 28 سنه للحاصلين علي البكالوريوس او الليسانس او ما يعادلها و 30 سنه للحاصلين علي الماجستير و 35 للحاصلين علي الدكتوراة في اول اكتوبر 2018
    الا تقل درجة الابصار عن النصف بكل العينين ويسمح الكشف بالنظارة
    الا يحصل علي نسبة اقل من 40% من مجموع الدرجات المقررة لاختبار اللياقة البدنية
    ان يجتاز بنجاح الكشف الطبي المتقدم والذي تجرية اللجنة الطبية المختصة
  6. الا يكون قد مضي علي حصولة علي المؤهل الجامعي او الدرجة العلمية اربع سنين بحد اقصي من تاريخ فتح باب التقديم


    وعن مزايا الالتحاق بقسم الضباط المتخصصين،

    مدة الدراسة عام دراسي واحد، ويمنح الدارس طوال فترة الدراسة مكافأة توازي المرتب المقرر للمؤهل الجامعي الحاصل عليه، ثم يمنح الخريج شهادة الدبلوم في مواد الشرطة، ويعين برتبة ملازم أول مع التمتع بكل المزايا المادية من مرتبات، وحوافز ورعاية صحية ورياضية واجتماعية وثقافي

التخصصات المطلوبة لكليات الشرطة 2017


التخصصات المطلوبة 


اولا طب
1- طب بشري 


  1. الرمد (ذكور واناث)(دكتوراة)
  2. باطنة واورام (ذكور واناث)(ماجستير)
  3. جراحة عامة (ذكور فقط)(ماجستير)
  4. جراحة مخ واعصاب (ذكور فقط)(ماجستير)
  5. جراحة اورام (ذكور فقط)(ماجستير)
  6. امراض صدرية (ذكور فقط)(ماجستير)
  7. عناية مركزة (ذكور فقط)(ماجستير)
  8. باطنة عامة (ذكور فقط)(ماجستير)
  9. امراض جلدية (اناث فقط)(ماجستير)
  10. تمريض (اناث فقط) (ماجستير)
  11. عام (ذكور واناث) (بكالوريوس)
2- علاج طبيعي (ذكور واناث) (بكالوريوس)
3- صيدلة (ذكور واناث) (بكالوريوس)
4- تمريض (ذكور واناث) (بكالوريوس)
5- طب بيطري (ذكور ) (بكالوريوس)
6- طب اسنان (ذكور ) (بكالوريوس)
ثانيا الهندسة الهندسة
  1. حاسبات (نظام 5/4 سنوات) (ذكور واناث) اقل تقدير جيد فما فوق (بكالوريوس-ماجستير-دكتوراة)
  2. هندسة اتصلات والكترونيات (ذكور فقط) اقل تقدير جيد فما فوق(بكالوريوس-ماجستير-دكتوراة)
  3. هندسة كهرباء قوي (ذكور فقط) اقل تقدير جيد فما فوق(بكالوريوس-ماجستير-دكتوراة)
  4. هندسة ميكانيكا قوي (ذكور فقط) اقل تقدير جيد فما فوق(بكالوريوس-ماجستير-دكتوراة)
  5. هندسة ميكانيكا سيارات (ذكور فقط) اقل تقدير جيد فما فوق(بكالوريوس-ماجستير-دكتوراة)
  6. هندسة ميكانيكا انتاج (ذكور فقط) اقل تقدير جيد فما فوق(بكالوريوس-ماجستير-دكتوراة)
  7. هندسة طبية (ذكور واناث) اقل تقدير جيد فما فوق (بكالوريوس-ماجستير-دكتوراة)
  8. هندسة عمارة (ذكور فقط) اقل تقدير جيد فما فوق(بكالوريوس-ماجستير-دكتوراة)
  9. هندسة بحرية (ذكور فقط) اقل تقدير جيد فما فوق(بكالوريوس-ماجستير-دكتوراة)
  10. هندسة طرق (ذكور فقط) اقل تقدير جيد فما فوق(بكالوريوس-ماجستير-دكتوراة)
    ثانيا تخصصات اخري

    1. لغات (انجليزي - ايطالي- روسي) (ذكور واناث) (بكالوريوس-ليسانس-ماجستير-دكتوراة)
    2.  اعلام (ذكور فقط)(بكالوريوس-ليسانس-ماجستير-دكتوراة)
    3.  اقتصاد وعلوم سياسية (ذكور فقط)(بكالوريوس-ليسانس-ماجستير-دكتوراة)
    4.  لغات (الماني- صيني- اسباني-ياباني-عبري-فارسي-هندي) (ذكور واناث) (بكالوريوس-ليسانس-ماجستير-دكتوراة
    5. لغات فرنسي (اناث فقط) (بكالوريوس-ليسانس-ماجستير-دكتوراة)
    6. علوم كيمياء  (اناث فقط) (بكالوريوس-ليسانس-ماجستير-دكتوراة)
    7. تجارة انجليزي محاسبة (ذكور واناث) (بكالوريوس-ليسانس)
    8. تجارة انجليزي ادارة اعمال (ذكورفقط) (بكالوريوس-ليسانس) 
    9. تجارة عربي محاسبة وادارة اعمال (ذكورفقط) (بكالوريوس-ليسانس)  (ذكورفقط) (بكالوريوس-ليسانس)  (ذكورفقط) (بكالوريوس-ليسانس)   (ذكورفقط) (بكالوريوس-ليسانس) 
    10. نظم معلومات ادارية عربي وانجليزي (ذكورفقط) (بكالوريوس-ليسانس) (ذكورفقط) (بكالوريوس-ليسانس)  (ذكورفقط) (بكالوريوس-ليسانس) 
    11. فنون تطبيقية نسيج (ذكورفقط) (بكالوريوس-ليسانس)  (ذكورفقط) (بكالوريوس-ليسانس)   (ذكورفقط) (بكالوريوس-ليسانس) 
    12. فنون تطبيقيه تصوير وتصوير ضوئي (ذكورفقط) (بكالوريوس-ليسانس  (اناث فقط) (بكالوريوس-ليسانس) 
    13. اكاديمية الفنون الجميلة - المعهد العالي للسينما - مونتاج سينمائي (اناث فقط) (بكالوريوس-ليسانس) (اناث فقط) (بكالوريوس-ليسانس)
    14. المعهد العالي للسينما - صوت (اناث فقط) (بكالوريوس-ليسانس) 
    15. اداب - مكتبات (اناث فقط) (بكالوريوس-ليسانس)
    16. خدمة اجتماعيه -اداب اجتماع -علم نفس (اناث فقط) (بكالوريوس-ليسانس)


ملحوظات
السن لحملة البكالوريوس 28 سنه.
حملة ماجستير 30 سنه.
حمله دكتوراه 35 سنه.

مسموح خريج 2014 الي 2017 انه يقدم.
مسموح حمله الماجستير والدكتوراه يقدموا بعدم تخطي 4 سنين من الحصول عليه.

التقديم من 5 فبراير الي 15 فبراير مقر أكاديمية الشرطة.

الكلية الحربية

عرض المزيد »

كلية الشرطة

عرض المزيد »