الضباط المتخصصين - شرح تسليم ملف متخصصين حربية وبعض شروحات اخري للكشف الطبي 2017



اولا : اخر معاد لتسليم الملف يوم25/12/2017

تسليم الملف من بوابه 4

ثانيا : معلومات مهمه لازم تاخد بالك منها

  1. اي ختم ف الملف يكون ظاهر وال يختم ميختمش ع الكلام ال مكتوب ولو حصل تحاول تقراه لان الظابط هيخليك تقري الكلام دا
  2. ختم الهيئه بتاع سرك المعاش يكون واضح وتعرف ايه ال مكتوب فيه عشان لو سئلك
  3. ارواقك كلها اصول ماعدا الاملاك والمدخرات والكلام دا ماعدا 110 الخاصه بالتجنيد هتاخد الصوره والاصل للاطلاع
  4. اخر ثلاث ورقات تملاهم
  5. بطاقتك وبطاقة والدك تكون ساريه
  6. اي حد شغال عمل حر هتكتب نوع العمل وبين قوسين عمل حر
  7. اي حد واخد اعفاء طبي ميقدمش
  8. بالنسبه للاحتياط ييكون معاك الكارنيه وصوره منه
  9. اي بيانات زياده عن الخانات ال ف الورق هتسطر ورقه خارجيه زي ورقة البيانات وتضيف الزياده وهتدبسها معاها
  10. الملف يتملي بلون واحد ويفضل ملف المرحله الاولي بالازرق والتانيه بالاسود يفضل وليس شرط
  11. يكون معاك قلم ازرق عشان اختبار السمات
  12. الاسئله ال موجوده معاكم دي مش هتلاقوها هناك لان كل سنه بينزل اسئله مختلفه خالص
  13. لما تسلم الملف هتستلم كارت التردد ودا بيكون مكتوب فيه رقم القيد بتاعك ال هيتعاملوا معاك من خلاله تحفظه
  14. هتكتب البيانات ال موجوده ف كارت التردد وهدبس صوره من ال فاضلين معاك فيه
  15. بعد ما تخلص الاختبار الظابط هيقلك استني الرساله يوم كذا
  16. الرساله بتجيلك ع رقم من ال انت حطتهم ف الملف


ثالثا : ازاي تكون مستعد للطبي وايه هي العيادات بتعته بالتفصيل


الكشف الطبي للضباط المتخصصين

-------------------------------------------

دلوقتي حضرتك عديت في كشف السمات الحمد لله ودلوقتي الكشف الطبي اولا الطبي يومين متتابعين كالاتي

المطلوب قبل الكشف

حلق شعر الراس علي الدرجة 1 او 2

غسل الاذن وتلميع الاسنان

شراء سلب ابيض سبعة للبسة وقت الكشف

-----------------

اليوم الاول

-----------------

عياده التناسق .

بتدخل علي ميزان اليكتروني بتقيس وزنك وطولك مع بعض وخلي وزنك مثالي يعني اطرح من الطول 100وده الوزن المثالي

عياده النفسيه .

ودي عباره عن كشف مخارج الحروف واللدغ ودي من العيادات السهله والضابط هيخليك تقول مثلا 44 او 666او امر امير الامراء وهكذا

عياده الباطنه.

ودي عياده هتدخل تنام علي السرير والدكتور يضغط علي بطنك وخلاص

عياده الانف والاذن والحنجره .

الدكتور بيبص في الاذن لو الطبله مخرومه او كده والانف لو فيه اعوجاج في الحاجز الانفي ولو فيه حاجه من دول حاول تعالجهم قبل التقديم وملحوظه لازم تكون غاسل ودانك عند دكتور قبل متروح الكشف

عياده الاسنان .

ودي سهله برضو بيشوف الفكين متطابقين ولا لا وبيشوف الدروس لو بايظين

عياده الجراحه .

بتدخل علي الدكتور وتنزل اللبس وبيمسك الخصيتين وبيخليك تكح عشان يشوف فيه دوالي ولا لا وبعد كده بتلف وتوطي وبيشوف فيه عمليات بواسير او عمليات تانيه

عيادات الرمد .

ودي بتقيس النظر عباره عن لوحه فيها دواير بتقف علي مسافه معينه والعسكري بيشاور علي علامه وانت بتقول مفتوحه في انهي اتجاه وطب عسكري وفنيه عسكريه مسموح ليهم يكشفوا بالنضاره

عمي الالوان .

ودي بتبقا قبل ما تدخل عياده الرمد بيبقي فيه ضابط واقف بورق وفيه ارقام وانت بتقولو العدد اللي مكتوب كام

عياده العظام .

ودي من اصعب العيادات اللي كتير بيسقط فيها بتدخل تقف سبعه بيشوف شكل الجسم لو مش متناسق بيطلعك من قبل ما الكشف يبدأ وبعد كده بيشوف التقوس واللتصاق الفخدين وتراكب الركب وعدم تناسق الفقرات وهيخليك تعمل 3ضغطات وياريت تركزو في الكشف ده

عياده الجلديه .

بتدخل العياده والدكتور بيشوف عرق الايدين اللي عندو املاح كتير بيخرج وبعد كده بيشوف حب الشباب لو كتير هتسقط وبعد كده بيشوف لو فيه غرز او تعاوير لو فيه بشكل كبير بتخرج وبيشوف الحروق والوحمات لو فيه باينين اوي بتخرج

------------------------------

بعد متخلص كده اليوم الاول خلص هتروح تلبس هدومك وتستني عشان تسمع نتيجتك .بعد متخلص هتلبس لبسك وتستني نتجتك

-------------

اليوم التاني

-------------

عياده اشعه علي الصدر:

ودي عباره عن جهاز بتحط صدرك عليه وده سهل ان شاء الله

عياده القلب:

الدكتور بيحط سماعه علي قلبك وبيسوف نبضات قلبك وحاول وانت داخل العياده دي تبقي هادي ومتجريش عشان ضربات قلبك متزدش

عياده رسم القلب:

ودي بتنام علي السرير وبيركب جهاز علي قلبك ومشابك كده في رجلك وايدك وبيطلع رسم القلب من جهاز

عياده الموجات الصوتيه:

ودي بتبقا اشعه علي الكليتين

عياده قاع العين:

وما ادراك ما قاع العين هيتحطلك قطره بتحرق العين وبتدخل تقف صف والدكتور بيعدي منظار علي العين بعد كده بتقعدعلي جهاز بتحط عينك فيه والجهاز وده بيكشف حالات الحول والنظر الضعيف وعمليات الليزك

الكلية الحربية - معلومات مهمه لتقديم الذكور للكليه الحربية


شوية معلومات لازم يكون عندك خلفيه عنها

1 : التأخر ملهوش لازمه ف سحب الملف

عاوزين تتاخرروا ؟ اتاخروا ف تسليم الملف

ايه المطلوب لسحب الملف ؟! ولازم اكون حالق شعر ودقن ؟!

 
اولا : هتسحب الملف بالبطاقه فقط والملف ب 100 جندي

ثانيا : مش لازم بس الافضل تكون حالق لانك هتتصور والصور هتدبس ف الملف ( خفف ) وممكن لو لقي شعرك طويل او دقنك طويل هيتنك عليك ويقلك دا منظر واحد عاوز يعيش الحياه العسكريه


ايه ال هيتم ف يوم سحب الملف ؟! ذكور

بالنسبه للذكور : هتروح بدري وتكون هناك الساعه 6 او 7 بالكتير عشان تنجز وتخلص بدري وتكون حالق وظابط حالك ولابس لبس كويس ومحترم وممكن تاخد الفون معاك عادي هتدخل من بوابه رقم اربعه هيشوف بطاقتك وانت داخل ع البوابه بعد كدا هتدخل هتقعد ع كراسي تخت مظله ع حسب تخصصك والضابط بيشرح الاعلان وبيقول ع التخصصات المطلوبه بحيث لو تخصصك مش مطلوب متسحبش وتخسر نفسك بعد كدا هتتوجه ع منافذ بيع الملف هتديله بطاقتك وال 100 ج وبعد كدا هتتوزن وهيقيس طولك بعد كدا هتروح تتصور وبعد ما تتصور هتدخل قاعه الضابط هيشرحلك ملئ الملف ف انت تكون مركز وتراجع ملفك ورقه ورقه عشان سعات بيكون ناقص ولو لقيت ورقه ناقصه هتلاقي ف عسكري قاعد هتاخد منه الورقه الناقصه بعد كدا هتستلم صورك ومع السلامه تروح

سحبت الملف واتصورت وروحت هتعمل الاتي :

اولا : ف نفس اليوم تصور الملف صوره وتملاها وبعد ما تتاكد ان كل حاجه تمام تنقل كل ال عملته ف الملف الاصلي بس بلاش ذكاوه وحياه اهلك وتاخد الصوره وتروح تختمها من الكليه او من شغل والدك والكلام دا ال هتعمله بس هتكتب البيانات ف الصوره وتنقلها ف الاصل


اي ختم تختمه لازم يكون واضح عشان الظابط ميرجعكش تختمه تاني

السن بتاعك هتحسبه لغاية 1/1/2018

الورق يدبس مش يتلزق والصور ال اتصورتها ف الكليه هتدبسها ف مكانها ف الملف وال يفضل تحتفظ بيها معاك طول الوقت

ف بيانات للثانوي ف الملف املاها ولا ؟!

لا متملاهاش سبها فاضيه تملي ال تبع الكليه ولو حد كتب فيهم حاجه عادي مش مشكله ولو عاوز تملاهم بردو

ودا من وجهة نظري والله اعلم يكون افضل وياه بقا لو تدبس شهادة الثانويه بس خليك ف المضمون وسبهم فاضين

املي بيانات اخر ثلاث ورقات ؟!

اه تملاهم ما عدا ورقة مكتب التنسيق ال بالصفر ف اول الملف

- لو ف بيانات الاعمام الاخوال الخانات مش مكفيه اعمل ايه ؟!

هتجيب ورقه خارجيه وهتسطرها زي ال ف الملف وتكتب فيها الزياده وتدبسها ف الورقه ال ف الملف

- لو غلط ف حاجه ف الملف اعمل ايه مع انهم قايلين بلاش شطب ؟!

قدامك حلين :

الاول : لو الغلطه كبيره هتشيل الورقه دي من الملف وتروح تقلهم عندي ورقه ناقصه وتاخدها

الثاني : تاخد شرطه صغيره ع الغلط وتكتب الصح جنبها او فوقيها ومتقلقش

بالنسبه للاتنين الشهود اجبهم منين ؟؟

اي اتنين موظفين ف اي مصلحه حكوميه ( مدرسه - معهد - كليه - اي اداره حكوميه) يمضوا والمدير يمضي ف خانة الشاهد التالت ويختم بختم شعار الجمهوريه

وتتاكد من انهم كتبوا ارقام بطايقهم

بالنسبه لصفحه رقم 4 بند رقم 2 الخاص بالجواز مكتوب فيه الا يكون الطالب متجوز... الخ همضي ووالدي يمضي بردو ؟!

انت ملكش دعوه بالبند دا بمعني مش هيطبق عليك وعادي ينفع التقديم للمتزوجين وغيرك كتير مضي وكان متجوز واتقبل ودا خاص لثانوي بس لازم تمضي انت ووالدك

بالنسبه للملف الالكتروني :
اولا : موقع الملف هتلاقيه موجود ف الملف الورقي او هتدخل ع موقع الكليه الحربيه هتلاقي ع الشمال مكتوب المنظومه الالكترونيه هتدخل عليها هيظهرلك مربعين كما هو بالشكل 👇



هتدخل ع المربع ال ع اليمين ملكش دعوه بال ع الشمال
هتسجل بياناتك ويفضل تكون ف سيبر او ف مكان ف مطبعه عشان تطبعه

ملحوظه : حاول تملي الملف قبل ما تنوي انك تسلمه بيومين دا الافضل

الكلية الحربية - معلومات مهمه لتقديم الاناث ف الكليه الحربية



هنتكلم ف كام نقطه كدا مهمين

قبل ما اي حاجه هوضح حاجه للناس ال بتتذاكا انتوا تروحوا تستلموا الملف ف اي وقت فككوا من ال بيقلكم اتاخروا عشان نعرف الدنيا فيها ايه لا التأخر دا ملهوش لازمه ف سحب الملف عاوزين تتاخرروا ؟ اتاخروا ف تسليم الملف اولا : ف نقطه ف التخصصات بنات كتير مستغربه منها وهي الافضليه للضابطات المكلفات ف القوات المسلحه خلينا واحده واحده كدا يعني ايه مكلفات ؟ او بمعني اصح ابه هو التكليف ؟ - التكليف دا يست البنات خاص بصيادله وتمريض وطب لبه تقديم لوحده بيكون ف نص السنه بيبقا عباره عن ورق بتقدميه واختبارين تقريبا وهما طبي وهيئه بيبقا عباره عن 3 سنين ثانيا : ف نقطه كمان ف التخصصات ال نزلت كاتبين انهم طالبين اداب اجتماع واداب ..... وتمريض وف ناس كتير ف تربيه مثلا وتخصصها مطلوب بس مكتوب اداب او كانت ف معهد تمريض وهما كاتبين تمريض من غير توضيح

1 : بالنسبه للناس ال ف كليات تانيه وتخصصها مطلوب بس موضحين الكليه مش هقلك مينفعش تقدمي بس هقلك روحي اسئلي لان شهادتك بتعادل التخصص

المطلوب

2 : بالنسبه لتمريض احنا وصلنا انهم مش بيقبلوا معاهد بس بردوا روحي اسئلي

ثالثا : سحبتي الملف واتصورتي وروحتي

1 : ف نفس اليوم تصوري الملف صوره وتمليها وبعد ما تتاكدي ان كل حاجه تمام تنقلي كل ال عملتيه ف الملف الاصلي بس بلاش ذكاوه وحياه اهلك وتاخدي الصوره وتروحي تختميها من الكليه او من شغل والدك والكلام دا ال هتعمليه بس هتكتبي البيانات ف الصوره وتنقليها ف الاصل

2 : اي ختم تختميه لازم يكون واضح عشان الظابط ميرجعكيش تختميه تاني

3 : السن بتاعك هتحسبيه ل 1/1/2018

4 :

الورق يدبس مش يتلزق والصور ال اتصورتيها ف الكليه هتدبسيها ف مكانها ف الملف وال يفضل تحتفظي بيها معاكي طول الوقتلانهم هيطلبوا منك صور ف الاختبارات


5 : لو عمامك كتير او خوالك كتير او ابنائهم كتير هتسطري ورقه خارجيه زي ورقة البيانات وتكتبي الزياده فيها وتدبسيها مع الورقه ال ف الملف 6 : كل صفحه مطلوب فيها بيانات وعندك حد متوفي قبل ما تكتبي انه متوفي تشوفي اخر الصفحه او اوله مكتوب ايه لو مكتوب تملئ البيانات ف حالة الوفاه يبقا هتملي بيناته كانه حي بس ف هتكتبي ف خانه فيهم متوفي وتحطيها بين قوسين

رابعا : اختبار السمات

نتيجة قبولك ف الاختبار دا بتعتمد ع هيئة ملفك مش درجات الاختبار درجات الاختبار بتروح ع الهيئه بعد ما توصلك الرساله ويتحددلك معاد للطبي مينفعش تتخلفي عن المعاد دا لو مروحتيش ف المعاد هيعتبروكي بره لو نزلتي ف كشف واحد ممكن تعمليله التماس ف نفس اليوم ممكن تختبريه ف نفس اليوم وممكن ف اليوم ال بعده وبتتعرضي ع لواء دكتور


خامسا : الرياضي

ببصوا هو غالبا ال بيعدي طبي بيوصل هيئه لان الرياضي درجة النجاح فيه ممكن اي حد يجبها بس انا بقول غير كدا بنات الدفعه بتعتي دي بتوع ببااه وممااه اراهن ع اكتركم والله انهم ولا يعرفوا يلعبوا ولا ضغط ولا بطن ولما يجروا 5 متر ولا حاجه يتعبوا ويهنجوا الاختبار بالتفصيل ف البوست المثبت ع الجروب

معلومات هامة للتقديم







هتكلم عن 4 حجات مهمه وشاغله بال الناس حاليا
اولا : توضيح التخصصات المطلوبه
ثانيا : هتكلم عن كام نقطه ف الملف مهمين وممكن الناس تقف عليهم
ثالثا : معاد تقديم الملف واختبار السمات
رابعا : اسئله باجابتها
اولا : توضيح التخصصات المطلوبه
ف 3 نقط ف التخصصات مهمين
1 : الجزء الخاص بالطب صيادله بيطري تمريض ان يكون المتقدم حاصل ع المؤهل عام 2017 والسنوات السابقه له
بمعني ان  2014 ، 2015 ليهم تقديم لكن كلام مش مؤكد يعني ال يروح يسئل قبل ما يسحب
2: الجزء الخاص لباقي التخصصات ان يكون حاصل ع المؤهل سنه 2017 والسنه الماضيه له بمعني ال ليهم تقديم خريجي 2016 ، 2017 فقط
3: المعاهد والاكادميات ملهاش تقديم غير هندسه طيران امبابه والاكادميه الهندسيه بناء سفن
واي كليه خاصه ليها تقديم لكن تاخد الشهاده معاك لانهم بياخدوا من جامعات معينه لسه معرفتهاش
ثانيا : ف كام نقطه الناس هتسئل فيهم وهيقفوا عليهم
1 : ف الورقع الرابعه تقريبا ف اقرار كدا بتمضي عليه انت ووالدك هتلاقي مكتوب ان لا يكون المتقدم متزوجا دا انت ملكش دعوه بيه انت هتمضي وحتي لو متزوج هما مش هيطبقوا الشرط دا عليك لانه خاص بالثانوي
2 : عمل الوالد والوالده
اولا : والدك
لو شغال شغل حكومي هتكتب وهتملي بيانات وهيتختم من محل عمله
لو شغال شغل حر هتكتب شغل حر وبين قوسين نوع العمل دا ولو عنده محل هتجيب صوره البطاقه الضريبيه ومش لازم الختم
ثانيا : والدتك
لو مش شغاله هتكتب اسمها وف الوظيفه ربة منزل وتسيب الباقي فاضي
3 : لو قدمت قبل كدا هتلاقي ورقه خاصه بكدا هتكتب فيها قدمت سنه كام وخرجت من ايه ومتقلقش من النقطه دي
4 : لو بيانات عيلتك مش مكفيه الورقه هتكمل ف ورقه خارجيه وهتسطرها زي الورقه ال ف الملف وهتدبسها


5 : اي ورقه خارجيه ومطلوبه ف الملف هتدبسها اوعي تلزقها
6 : الصور ال انت اتصورتها هناك هتدبسهم ف الملف وال هيفضل تحتفظ بيه معاك ويكون معاك طةل الوقت حتي وانت ف الاختبارات
7 : سنك هتحسبه لغاية 1/1/2018
8 : اي حد متوفي هتشوف ف اخر الصفحه لو مكتوب تملي البيانات حتي ف حالة الوفاه هتكتب مؤهله ووظيفته قبل الوفاه وسنه لغاية وقت مماته
9 : اي خانه فاضيه ملهاش بيانات هتكتب لايكن اوعي تكتب حاجه تانيه غير الكلمه دي

ثالثا : معاد تقديم الملف واختبار السمات
اولا : معاد تسليم الملف
بيكون ف معاد مكتوب ع الملف المعاد دا انت مش ملزوم بيه بمعني ان ليك تقدم ف اي وقت بعد المعاد دا بس مينفعش تقدم قبل المعاد دا
ثانيا : اختبار السمات

مش هشرحه دلوقت بس هعمل موضوع كامل بيه وهنزلهولكوا




نصائح التقديم - مجموعة نصائح ليوم سحب الملف لتقديم متخصصين


نصائح هتعملها في يوم سحب الملف. 
 1:-تحلق شعرك علي الاول
 2:-اللبس لبس كويس عشان هتتصور وبلاش البناطيل المقطعه واللبس الفاقع ده اللبس حاجه كويسه هاديه كده والبنات نفس النظام
 3:-تسمع التعليمات
 4:-وانت بتسحب الملف لو ليك باقي متمشيش الا متاخدو 
 5:-عد صفحات الملف عشان لو ناقص حاجه فيه تجبها 
 6:-وانت بتقيس طول ووزن لو لقيت الطول والزن اللي جاينلك متغيرين عن طول ووزنك الحقيقييعني مثلا طولك 180وجايلك طول 165خليه يقيسك تاني 
 7:-احفظ رقم المجموعه اللي هتتصور فيها عشان بعد كده تاخد الصور
 8:-متخدش الموبايل

التخصصات المطلوبة للضباط المتخصصين بالكلية الحربية لعام 2017





الإعلان عن قبول دفعة جديدة من خريجى الجامعات بالكلية الحربىة ...

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

صدق الفريق أول / صدقى صبحى القائد العام للقوات المسلحة وزير الدفاع والإنتاج الحربى على الإعلان عن قبول دفعة جديدة من خريجى الجامعات بالكلية الحربية دفعة يناير 2018 الدفعة رقم (112) أطباء والدفعة رقم (76) مهندسين والدفعة رقم (64) مختلط والدفعة رقم (106) رئيسات تمريض وذلك إعتباراً من يوم السبت الموافق 2/12/2017م ، صرح بذلك اللواء أ ح / جمال أبو إسماعيل مدير الكلية الحربية ومدير مكتب تنسيق الكليات والمعـاهد العسكـرية وأضاف أن الدفعة المطلوبة من الأطباء تشمـل تخصصـات الطب البشرى الذكور من الحاصلين على درجات البكالوريوس والماجيستير والدكتوراة ، والحاصلين على البكالوريوس تخصصات طب الأسنان والبيطرى والصيادلة من الذكور والإناث الحاصلين على درجة البكالوريوس ورئيسات التمريض من الإناث الحاصلات على البكالوريوس كما يمكن للأطباء البشريين الحاصلين على درجة الماجيستير والدكتوراة الترشح للعمل كأعضاء هيئة تدريس بكلية الطب للقوات المسلحة بشرط أن يكونوا من تخصصات التشريح / كيمياء حيوية / الباثولوجيا / الفارماكولوجى/ الجراحة / الباطنة/ النساء / الأطفال/ الصحة العامة وطب المجتمع / الميكروبيولوجى .

ويشترط لدفعة الأطباء ( بشرى / أسنان) أن يكون قد أمضى فترة الإمتياز للأطباء وأن يكون المتقدم حاصلاً على تقدير جيـد فأعلـى وتقدير مقبول فأعلى لتخصصات صيادلة وبيطرى وتمريض إناث ، وأن يكون المتقدم حاصلاً على المؤهل عام 2017 والسنوات السابقة له على أن لا يزيد سن المتقدم فى الأول من يناير 2018 بالنسبة ( للأطباء البشريين وطب الأسنان) الحاصلين على درجة البكالوريوس عن (30) سنة ، والأطباء البشريين الحاصلين على درجة الماجستير عن (34) سنة والحاصلين على درجة الدكتوراة عن (38) سنة ، وبالنسبة للأطباء البيطريين والصيادلة ذكور وإناث الحاصلين على البكالوريوس (28) سنة ، وخريجات كلية التمريض إناث الحاصلات على درجة البكالوريوس عن (26) سنة .

وأشار إلى أن التخصصات المطلوبة للدفعة (76) مهندسين وتضم ( هندسة كهرباء قوى - حواسب – إتصالات إلكترونيات – ميكانيكا قوى - ميكانيكا إنتاج – هندسة بحرية "بناء سفن" - ميكانيكا سيارات– هندسة طيران– هندسة مدنى – هندسة عمارة - هندسة كيميائية- هندسة طبية ) ، ويشترط أن يكون المتقدم حاصلاً على المؤهل عام 2017 وما قبلها على أن لا يزيد السن فى الأول من يناير2018 عن 26 سنة وأن يكون المتقدم حاصلاً على تقدير مقبول فأعلى على أن يتم المفاضلة بين المتقدمين على أساس الدرجة العلمية أولاً ثم درجات النجاح فى باقى إختبارات القبول .


والدفعة (64 مختلط ) ذكور تخصصات من خريجى الجامعات كليات العلوم تخصصات ( كيمياء خاصة- مزدوجة– حيوية – تحليلية - ميكروبيولوجى – بيولوجى – جيولوجيا – حيوان – فيزياء – علوم حواسب وتكنولوجيا المعلومات ) ، وخريجى كليات الحقوق والتجارة شعبة محاسبة والزراعة والتربية الرياضية واللغات ( إنجليزى- عبرى– فرنسى– يابانى – سواحيلى ) علاج طبيعى، أداب علم نفس ، أداب إجتماع ، خدمة إجتماعية ، إعلام وصحافة وتخصصات الإناث من خريجات الجامعات بالدفعة (46 مختلط ) (علاج طبيعى – أداب علم نفس – أداب إجتماع) على أن يفضل أن تكون الإناث من الضابطات المكلفات بالقوات المسلحة ويشترط للدفعة المطلوبة من المختلط أن يكون المتقدم حاصلاً على المؤهل عن عام 2017 والسنة السابقة لها ، وألا يزيد السن للمتقدمين فى الأول من يناير 2018 عن 26 سنة فقط على أن يسمح لتخصص العلاج الطبيعى ( الحاصلين / الحاصلات ) على المؤهل عام 2015 التقدم لهذة الدفعة وأن يكونوا قد أمضوا فترة الإمتياز بتقدير جيد فأعلى ، ويسمح لتخصص الكيمياء التحليلية فقط التقدم للحاصلين على الماجيستير وألا يزيد السن عن 34 سنة .

ويشترط فى جميع المتقدمين أن يكون الطالب مصرى الجنسية ومن أبوين وجدين مصريين من غير طريق التجنس وألا يكون الطالب أو أبويه مكتسبين جنسيات أخرى أو متقدم أحد منهم للحصول علي جنسية أجنبية .

وألا يكون المتقدم قد سبق الحكم عليه بعقوبة جنائية أو فى جريمة مخلة بالشرف ، وأن يكون حسن السير والسلوك ، وألا يكون قد أستقال أو فصل تأديبياً من أى كلية أو معهد عسكرى أو مدرسة عسكرية ، وأن لا يكون قد أعفى من الخدمة العسكرية لعدم اللياقة الطبية ، أن يتم إرفاق بيان المعاملة التجنيدية ويتم إستخراجها من إدارة التجنيد أو منطقة التجنيد التابع لها الطالب المتقدم ، وان يجتاز جميع الإختبارات والفحوصات الطبية والبدنية التى يحددها مكتب تنسيق القبول وفقاً للمستويات المقررة ، ولايجوز إعادة الكشف على الطالب فى نفس الدفعة المتقدم لها فى حالة عدم إجتيازه الإختبارات ، ألا يقل الطول للذكور عن (170 سم ) والإناث عن ( 155 سم ) وأن يجتاز المتقدم إختبار قفزة الثقة فى حمام السباحة من إرتفاع 7.5 متر بدون تردد وللمرة الأولى وأن يجتاز الإختبار الشخصى ( كشف الهيئة ) وفقاً لتقييم لجنة الإختبار وطبقاً لأسبقية إختياره وكذا درجة التفوق ، ويسمح للضباط الإحتياط والمكلفين وأفراد القوات المسلحة الموجودين بالخدمة بالتقدم لهذه الدفعة بنفس الشروط .
وتصل مدة الدراسة إلى ستة أشهر بالكلية الحربية لجميع التخصصات .
علماً بأنه سيتم فتح باب سحب ملفات القبول من المكتب الرئيسى بالكلية الحربية إعتباراً من يوم الإثنين الموافق 4/12/2017

الكلية الحربية

عرض المزيد »

كلية الشرطة

عرض المزيد »