نصائح التقديم - مجموعه من النصائح التي تساعدك بالقبول بالكليات العسكرية


الناس اللي هتقدم السنه الجايه الكلام ده هيساعدك في القبول ان شاء الله.


1:-اصلح علاقتك مع ربنا واصلح نفسك ومتتعاملش مع ربنا بحجه مصلحه انك تقبل وخلاص لا ربنا اعلم بما في نفوسكم واظب ع الصلاه

2:-الدعاء .. من اهم اسباب القبول اظعي ربنا كتير وافضل لح في الدعاء والدعاء بيغير القدر يعني ممكن ربنا يكون مش كاتبلك تقبل ويخليك تقبل عشان دعائك

3:-ادعي ربنا بيقين واتيقن ان ربنا هيستجيب ليك متتعاملش مع ربنا من باب التجربه بل تعامل من باب الثقه

4:-ارضي ابوك وامك صدقني رضي الوالدين وبرهم بيوفقك في حياتك

5:-خلي عندك عزيمه واصرار وامل متيأسش ومتسمعش للي بيحبطوك واقعد مع اللي بيدوك امل وعزيمه واصرار

6:-جيب تقدير كويس في كليتك وللي بيقدمو ثانوي يجيبو مجموع كويس ده بيساعدك جدا في القبول وبيخلي ليك افضليه يعني طلبه كتير بيجيبو مجموع عالي والكليه ذات نفسها بتتصل بيها ويعزموهم ع حفله التخرج ويقولولهم اسحبو الملف وقدمو وبيتقبلو عشان مجموعهم وبتحصل كل سنه وحصلت السنادي

7:-اهتم بجسمك ولو عندك حاجه بتوجعك او مرض اتعالج منو عشان تكون سليم

8:-اهتم باللياقه البدنيه واللعب رياضه كتير وامشي علي نظام ونظم وقتك واهتم بالجري والعقله والضغط والبطن

9:-ظبط وزنك لو نحيف زود وزنك ولو طخين خس خلي وزنك مثالي

10:- اللي عندهم اخطاء. في القيود العائليه يصلحوها

11:-متعتمدش ع وسايط وتجري وراهم الواسطه ما هي الا سبب والامر في الاول والاخر بإيد ربنا اللي كاتبهولك هتاخدو غصب عن اي حد لو كاتبلك تنجح هتنجح لو مين وقف قصادك ولو كتبلك تسقط هتسقط حتي لو جبت مين

12:-واخيرا الرضي بقضاء الله سواء نجحت او سقطت ارضي باللي ربنا اختارهولك وصدقني الخير فللي ربنا اختارهولك وما عند الله خير وأبقي .

_____________________

#اللي هيقدموا متخصصين .

خد النصائح اللي فوق دي كلها واعملها وطبعا تقديرك او مجموعك معنتش هتقدر تغيرو لأنك اتخرجت فعوض فالنقاط اللي هقول عليها.

أ:- اولا الحجات اللي بتزود من نسبه قبولك.


1:-تقديرك يكون عالي
2:-ملفك يكون كويس ومكتوب كويس بخط حلو مش متشخبط فيه
3:-تكون حاطت قيود مش تعذر
4:-تحرياتك تكون سليمه
5:-متكونش عامل عمليات كبيره او خياطه كبيره
6:-تجيب درجه في الاختبار الرياضي عاليه
7:-تحرياتك تكون سليمه تاني
8:-والدك ووالدتك يكون مؤهلهم عالي
9:-ميكونش حد في عيلتك عليه قواضي مخله بالشرف زي مخدرات،سلاح،دعاره،سياسه
10:-الصبر وعدم اليأس
11:-هتستني النتيجه.

ب:-الحجات اللي بتقلل نسبه قبولك..

1:-عكس الحجات اللي فوق دي كلها زائد
.... لو انت عامل تعذرات
.... فيه ناس في اهلك عندهم قواضي مخله بالشرف او سياسه
... والدك ووالدتك يكونو متعلمين
.... لو سقطت في عيادتين في الطبي كده سقطت لو عياده واحده بتعمل اللتماس وبتتعرض علي مستشار لو نجحت بتكمل منجحتش كده يبقا سقطت
..... لو جبت درجه قليله في الرياضي
..... تحرياتك تكون مش سليمه
..... لو عندك لدغه في الحروف
* بالتوفيق للجميع إن شاء الله *

نتيجة كلية الشرطة لعام 2017



تم الإعلان عن نتيجة كلية الشرطة " طلبة الثانوية العامة " لعام 2017 ويتم الإتصال بالمقبولين منذ قليل بالتوفيق للجميع إن شاء الله  . .

الكلية الحربية - صورة توضح رغبات الطالب للكليات والمعاهد العسكرية باختبار الهئية




اثناء اختبار الهيئة بالكليه الحربيه عند الدخول لتقديم وتعريف نفسك امام قاده الكليات العسكريه تقوم بوضع رغباتك بالورقه بالصندوق ويكون ع يسارك وتضع الورقه وتقوم تعريف نفسك تلقائيا

مقال لتوضيح تعريف النفس
http://www.ta2deem-7arbya.com/2017/11/blog-post_9.html

الكلية الحربية - شرح مفصل لتسلسل تقديم النفس باختبار الهيئة بعد الدخول




بعد دخولك من باب غرفة اختبار الهيئة تقوم بتقديم نفسك بالاتي

  1. رقم القيد
  2. الاسم
  3. النسبة المئوية للمجموع
  4. الشعبة
  5. موقف الجوية
  6. الدرجة في الاختبار الرياضي
  7. الرغبات



مجموعة من اكثر الاسئلة الشائعه علي جروبات التقديم مع اجاباتها


اجابه معظم الاسئله الشائعه اللي بتتسأل.. 
 1:اعلان متخصصين شرطة خلال شهر 11 وحربيه ممكن يتأخر لأول شهر 12
 2:حقوق بتنطلب ذكور حربيه فقط
 3:لازم تقديرك ميقلش عن جيد ما عدا هندسه في حربيه يسمح بمقبول وممكن بعص الاستثنائات تحصل لبعض الكليات ويبقو من مقبول
 4:تجاره بتنطلب محاسبه ذكوووور 5:نجهز الورق من دلوقت ايون جهزوه
 6:الكليات اللي بتنطلب بنات دايما اداب علم نفس واجتماع وخدمه اجتماعيه وتمريض واعلام وصيدله 7:اللي هينفع يقدمو دفعه 2016و2017 
 8:شرطه اقصي سن 28سنه وحربيه26 باستثناء بعض الكليات 
 9:عندي اخطاء في اسماء الجدين اعمل ايه ؟؟ اعمل تعذر من العباسيه
 10:الوزن المثالي بالنسبه لحربيه الطول ناقص 100 وبالنسبه لشرطه الطول ناقص90
 11:الطول حربيه للذكور لايقل عن 170سم وشرطه لا يقل عن 165سم
 12:الطول للإثاث حربيه لايقل عن 155سم وشرطه لا يقل عن 160سم 
 13:تجاره انجلبزي ليها تقديم ايون ليها ذكوروالسنادي ممكن تنطلب اناث في شرطه 
 14:المعاهد الخاصه ملهاش تقديم حربيه ينفع تحاولو في شرطه والافضليه للحكومي برضو
 15:شريعه وقانون هيا هيا حقوق تنفع تقدم متخصصين حربيه 
 16:اللغات ينفع اللسن واداب وتربيه
 17:علم نفس ينفع اداب وتربيه 
 18:مده القيد سنه بحيث يكون معمول نفس سنه التقديم
 19:والدي ووالدتي منفصلين او حد فيهم متوفي ومش عارف اصورهم كارت طولي ازاي.. تجيب اي صوره قديمه ليهم خلفيه بيضه ملقتش تجيب صوره لكل واحد لواحدو وتلزقهم في بعض وتكتب في الخلف سبب الانفصال
 20:لو معندكش شهادات ميلاد اعملك تلت شهادات
 21:هندسه حاسبات اوقات بتنطلب اناث في شرطه
 22:هينفع اقدم وانا في الجيش ؟ اه هينفع
 23: ينفع اقدم حربيه وشرطه مع بعض ؟ اه ينفع
 24:والدي ووالدتي مش متعلمين ده هيأثر؟؟ كل الحجات دي بتاخد عليها درجات في ملفك فحاول تعوض في حاجه تانيه زي تقديرك او مجموع الرياضي
 25:مليش اخوات ينفع اقدم متخصصين!! اه ينفع
 26:ظباط الاحتياط ليهم تقديم طول فتره خدمتهم
 27:انا خدت اعفاء طبي من الجيش ينفع اقدم؟؟ ينفع تقدم شرطه وحربيه مينفعش 
 28: لو عندي ممتلكات احطها في الملف ؟ اه هتجيب ورق يثبت مثلا لو ليك حساب في البنك في فلوس هتجيب كشف حساب من البنك ولو اراضي تجيب حيازه زراعيه وهكذا... 
 29:ايه اكتر حاجه بتسقط في الطبي!! النظر الضعيف جدا الفلات فوت. الالتصاق. التقوس. الجلديه. العمليات الجراحيه الكبيره. اعوجاج في الحاجز الانفي. 
 30: ينفع حد يسحبلي الملف؟؟ لا لازم الشخص اللي بيقدم
بالتوفيق

الكلية الحربية

عرض المزيد »

كلية الشرطة

عرض المزيد »