معادلة القوام لمعرفة الوزن المثالي المطلوب





* معادلة القوام *
الوزن ÷ مربع الطول ×10000 = الناتج
الناتج كالآتي . .
1 - أقل من 18.5 = نحيف
2 - من18.6 الى 24.9 = وزن مثالى
3 - من 25 الى 29.9 = زياده فى الوزن
4 - اكثر من 30 = زياده غير طبيعيه (بدانه)

تجارب التقديم - تجربة شخصية ايجابية مقدمة من احد المتابعين خالد مرسي


انا جبت ٨٤% ثانوية .. قدمت ٢٠١٥ ومشيت اختبارات زي الفل .. طلعت حربية اسنان عشان كنت محتاج تقويم بسيط لكن عديت شرطة .. طبعا منكرش ان اليوم ده كان صعب عشان حلمي كبير ف حربية .. قولت شرطة مش وحشة .. وصلت للهيئة واهلي حسسوني وانا حسيت اني خلاص ضابط شرطة .. معهد عالي هندسة اتصلو عليا ١٠٠٠ مرة اجي ادفع الفلوس وانا اطنش فلوس ايه يعم انا دخلت شرطة خلاص .. انقلب السحر على الساحر ولقيت نفسي فالشارع .. رجعت انا اللي بتحايل على المعهد انهم يقبلوني .. دخلت من ٧ مواد سقط ف ٤ وعدت سنة اوسخ سنة ف حياتي من فشل ل فشل .. جت ٢٠١٦ و قدمت تاني بعد م عملت تقويم وزبطت الدنيا .. اتاخرت ف شرطة على التقديم ف خلصو مني بدري بدري ف شرطة لكن حربية كنت ماشي تمام .. قالولي انت مرشح جوية .. سالت صف ضابط قولتلو انا مش عايز اروح .. قالي متروحش المجلس الطبي ولا تيجي عندنا كمان اتفضل غور .. طبعا كنت بروح المجلس وانا قرفان وعامل حسابي هطلع بدري بدري واكمل ف حربية .. لكن سبحان الله كل يوم يقولي تعالى بكرة اخلص كشوفات استنى انه يقولي كمل ف حربية وبردو يقولي تعالى بكرة .. لحد م بكره جه ودخلت جوية .. شد حيلكم وربنا معاكم

نصائح بشكل عام للشباب المقبلين علي التقديم للكليات العسكرية




* الناس اللي هتقدم الحاجات دي هتساعدك في القبول *


1 - اصلح علاقتك مع ربنا واصلح نفسك ومتتعاملش مع ربنا بحجه مصلحه إنك تقبل وخلاص لا ربنا أعلم بما في نفوسكم واظب ع الصلاه .
2 - الدعاء .. من أهم اسباب القبول ادعي ربنا كتير وافضل لح في الدعاء والدعاء بيغير القدر يعني ممكن ربنا يكون مش كاتبلك تقبل ويخليك تقبل عشان دعائك .
3 - ادعي ربنا بيقين واتيقن إن ربنا هيستجيب ليك متتعاملش مع ربنا من باب التجربه بل تعامل من باب الثقه .
ا4 - ارضي أبوك وأمك صدقني رضي الوالدين وبرهم بيوفقك في حياتك .
5 - خلي عندك عزيمه واصرار وأمل متيأسش ومتسمعش للي بيحبطوك واقعد مع اللي بيدوك أمل وعزيمه وإصرار .

6 - اهتم بدراستك ومذاكرتك عشان يكون ليك أولوية في القبول لأن الأفضلية دايما للمجموع الأعلي لو اتنين متساويين ف الإختبارات في شئ .
7 - اهتم بجسمك ولو عندك حاجه بتوجعك أو مرض اتعالج من عشان تكون سليم .
8 - اهتم باللياقه البدنيه واللعب رياضه كتير وامشي علي نظام ونظم وقتك واهتم بالجري والعقله والضغط والبطن .
9 - ظبط وزنك لو نحيف زود وزنك ولو طخين خس خلي وزنك مثالي .
10 - اللي عندهم أخطاء في القيود العائليه يصلحوها .
11 - متعتمدش ع وسايط وتجري وراهم الواسطه ما هي إلا سبب والأمر في الأول والأخر بإيد ربنا اللي كاتبهولك هتاخده غصب عن أي حد لو كاتبلك تنجح هتنجح لو مين وقف قصادك ولو كتبلك تسقط هتسقط حتي لو جبت مين .
12 - أخيرا الرضي بقضاء الله سواء نجحت أو سقطت ارضي باللي ربنا اختارهولك وصدقني الخير ف اللي ربنا اختارهولك وما عند الله خير وأبقي .
* بالتوفيق للجميع إن شاء الله وآسف لو كنت آطلت عليكم *

نصائح التقديم - 10 نصائح تساعدك بالنجاح في الكشف الطبي لا تهملها



إزاي تنجح في الكشف الطبي ؟
مبدأيا من أصعب الكشوفات اللي هتشوفها ولو عندك مشكله مستحيل تدخل بس في ناس بتكون صحتها كويسه وتسقط ومتعرفش ليه هقولك علي نصائح ان شاء الله تكون سبب في نجاحك
  1. نظافتك الشخصيه في ايام الكشف . . كلنا فاهمين ومش هطول .
  2. تقوم حالا تعمل تشيك اب علي نفسك . كل حاجه زي انف واذن وحنجرة و باطنه و عظام و رمد وركز علي الرمد خليه يكشف علي قاع العين وعلي مستوي النظر ويطمنك واعمل رسم قلب واعمل تحليل زي صورة دم كامله و سكر ووظائف كبد ووظائف كلي وتحليل بولمعلش النقطه دي كبيرة بس هنتكلم فيها برضه ليه اكشف ده كله ؟ ده مكلف جدا ؟ هستفاد ايه ؟اقولك احيانا بنكون عندنا امراض واحنا منعرفش كشفك في الملكي هيساعدك علي اكتشاف المرض وعلاجه قبل ماتقدم وبالتالي مفيش حاجه هتسقطك .
  3. هيتطلب من حضرتك تغسل الاذن قبل الكشف ماتغسلش اذنك وخلاص خلي الدكتور يشوف ودنك محتاجه غسيل ولا لا عشان في بعض الاحيان غسيل الاذن بيسبب التهابات .
  4. وانتا بتكشف بلاش تجري او تستعجل في المشي هتلاقيك داخل عيادة القلب ودقات قلبك سريعه هتسقط فامشي براحتك وبلاش توتر طب لو حصل انك نسيت وجريت واتفاجئت اسأذن من الظابط الطبيب ايلي معاك وعرفه انك كنت بتجري برا هيكشف عليك تاني .
  5. في كشف الجلديه بلاش توتر عشان العرق وانتا داخل امسح ايدك في هدومك بتكون قاعد في الحر وعرقان او ماسح عرقك بايدك فالدكتور هيفتكر ان ايدك بتعرق .
  6. في الرمد متحاولش تحفظ العلامات اي اتجاه عشان بتتغير وانتا هتجاوب غلط وهتسقط ركز في العلامات وخد وقتك بس ماتستعجلش وتقول اي اجابه احنا مش في مسابقه .
  7. اشرب مياه كتير هتنفعك في كشف السونار وهوا بيكشف علي الكلي وفي التحاليل .
  8. بالله عليك ياخي وانتا رايح للتحاليل بلاش تلعب رياضه قبلها ب 4 ايام طب ليه ؟ لما حضرتك بتلعب لياقه وتحمل علي نفسك الكبد بيفرز انزيم alt بزياده فبالتالي بيبان ان عندك انزيمات الكبد عاليه وهتسقط بلاش رياضه عشان انزيماتك تكون في الطبيعي (هاااااام جدا) .
  9. بلاش تاكل او تشرب اي عصير يوم التحاليل عشان نسبة السكر حتي لو انتا جاي من الصعيد مش هتموت من الاكل بس لو السكر طلع عالي هتزعل .
  10. واخير بلاش سهر ونام بدري في اليوم ايلي قبل الكشف عشان لما تقوم تبقا فايق وعينك مش حمرا او تلتهب .
دي نصايح أتمني تعملوا بيها وإن شاء الله ربنا يوفقكم جميعا

نصائح التقديم - 10 نصائح ستساعدك في النجاح باختبار السمات الشخصي



عشان تنجح في اختبار السمات لازم تخلي بالك من الاتي
  1. لازم تحافظ علي نظافة الملف وسلامته
  2.  لازم تركز اوي في التعليمات ايلي هيقولوهالك لملء الملف
  3. التزامك بتعليمات ملء الملف بتقيس مدي حفظ الذاكرة ومدي انضباطك والتزامك بالكلام ايلي اتقال
  4. متسبش اي معلومات فاضيه بمعني ادق متسبش خانه فاضيه . طب حضرتك في حاجات مش هكتب فيها زي مثلا الاملاك للام اعمل ايه ؟ اكتب لايكن
  5. طب جدي متوفي بتكتب مؤهله وعنوانه ووظيفته قبل الوفاة وبتكتب بين قوسين متوفي
  6. ركز في مقاس الكارت الطولي للوالدين بيكون 10×15 خلفيه بيضاء
  7. جميع اوراقك تكون الاصل ولو صورة تكون صورة تبق الاصل يعني مختومه بختم النسر طيب لو مش عارف اختم الصورة بختم النسر بتاخد الاصل معاك بتوريه للظابط ايلي بيستلم منك الملف وهوا بيختملك عليها (هام جدا)
  8. اليوم ايلي رايح تسحب فيه الملف وتتصور البس هدوم شيك وشعرك ودقنك يكونو قصيرين هتفرق كتير
  9. بلاش تغير الصور ايلي اخدتها منهم عشان شكلك فيها وحش وتحط صور ملكي 99 % بينزلو من الحركه دي
  10. مهما ذاكرت معلومات مش هتعرف تقفل الاختبار . بس متسبش حاجه فاضيه اجتهد في اختيار الاجابات وظلل الدائرة كويس عشان الكومبيوتر يحسبها
واخيرا افتكر دائما ان اختبار السمات مش معلومات عامة فقط هوا تقييم للملف بالكامل وبالتوفيق للجميع

20 سؤال واجابة عن التقديم لكلية الشرطة والكلية الحربية


20 سؤال وإجابة عن التقديمات.
1. أمتي التقديم؟
سواء شرطه أو حربيه هيبقى الاثنين شهر 11 بإذن الله.
2. ليه شرطه بقت 11؟
لكذا سبب اهمهم كان فيه تخصصات السنه الي فات مقدمش فيهم كتير لأن معظم الكليات بتطلع الشهادات متأخر.
3. احضر ورق دلوقتي؟
اها يفضل تبدأ فيه خصوصا إلى بياخد وقت.
4. السن لحد كام؟
شرطه لحد 28 سنه.
حربيه 26 سنه.
5. أنهى أفضل ليا شرطه وله حربيه؟
مميزات كل كليه معروفه انت تقرر هتخش ايه بناء على دا.
6. المصاريف كام؟
شرطه ذكور 20180_ إناث 20200.
حربيه ذكور 6500 - إناث 5000.
كل سنه فيه زياده عن إلى قبلها.
7. فيه قفزة ثقه للبنات؟
لا مفيش همه 5 تمارين بتعمليهم وشكرا على كدا.
8. التحريات لحد ايه؟
لحد ابن العم / العمه / الخال / الخاله.
9. لو عديت هيئه يبقى كدا خلاص دخلت؟
مش شرط نهائي العبره لحد النهايه.
10. لو تخصصي منزلش اعمل ايه؟
تدعي ربنا يصبرك لأن مفيش طريقة الا تخصصك يطلب.
11. لو جايب مقبول والتخصص جيد ينفع؟
لا ومتحاولش.
12. لازم اجيب كام في الرياضي علشان اعدي هيئه؟
حربيه تجيب فوق ال 150 تعدي على طول.
شرطه تجيب اكتر من 50%
13.ليا كام مرة تقديم؟
ليك سنه التخرج وسنه بعدها.
الا لو ماجستير هيبقى مفتوح قدامك المجال.
14. تقوس العظام الخفيف يطلع؟
دا وحظك لو الدكتور ساعتها لذيذ هيعديك غير كدا لا.
15. لابس نظارة ينفع أقدم؟
شرطه عادي جدا حتى لو ليزك.
حربيه لا بتسمح ببعض التخصصات هندسه - طب بشرى.
16. ايه الي يطلعني من كشف العين؟
نظرك ضعيف جدا أقل من 9/6. فيه مشاكل في قاع العين. حول جزءي.
17. والدي ووالدتي معهمش مؤهلات هسقط ؟
اولا علشان اكون صريح هتبقى عائق ليك مش بنسبة كبيرة بس حطها في دماغك من الاول متحطش امل كبير وانت بتقدم..
18. لو مش عارف اعمل القيد الجدين ايه الحل؟
اعمل تعذر قيد من العباسيه فقط. لازم من هناك.
19. هل كشف الجلدية في شرطه صعب؟
اه من أصعب الكشوفات وادقها يعني فيه ناس طلعت علشان حبايه في" قفاها "
20. التقدير مهم وله لا؟
اه مهم في عملية التصفية ف الاخر لو إلى وصل عدد فوق المطلوب.
اخيرا. تأجيل شرطه لشهر 11 فتره كويسه جدا لتحضير نفسكم.
بالتوفيق.

مواعيد وأماكن سحب ملف الكليات العسكرية من أماكن أخري غير الكلية الحربية


اليوم 27/7 هو أول يوم سحب ملفات الكليات العسكريه بمحافظتي الإسكندريه وأسيوط . . 
الإسكندريه ف المنطقه الشماليه العسكريه في نادي الفتح .. أ
سيوط ف المنطقه الجنوبيه العسكريه 

وينتهي سحب الملفات نهائيا في جميع الأماكن في 10/8

وينتهى تقديم الملف يوم 17/8 لجميع المناطق

بالتوفيق للجميع إن شاء الله . . 

كلية الشرطة - شرح ملخص بسيط وشامل لكل شي يخص تقديم البنات في القسم الخاص


 
ملخص اختبارات الإناث متخصصين شرطه.

اولا بسهولة كدا انتي بتستني التخصصات في شهر 7 كل سنه بعد نتيجه الثانويه بتنزل التخصصات المطلوبه للإناث.


طيب كذا سؤال بيتسال ليه معظم التخصصات التانيه مش بتتطلب؟


لأن التخصصات إلى بتتطلب هيه إلى الاكاديميه بتحتاجها سواء هتبقى شرطه نسائية إذا كنتي كليات الأدبي. أو تبقى في مستشفيات الشرطه. أو تتعيني في الاكاديميه نفسها.

طيب بعد ما التخصص ينزل.؟
بتروحي تسحبي ملف مباشره من أكاديمية الشرطة ملكيش تقديم على النت متخصصين بتسحب مباشرة.

طيب بعد ما سحبت؟
بتمتحني قدرات اسئله عامه عاديه زي السمات بتاعت حربيه.

طيب لما امتحن قدرات؟
بتستني النتيجه على الموقع الاكاديميه إلى هبقي متحدد ليكي فيه اول يوم طول ووزن ليكي

طيب ازاي بخش على موقع الاكاديميه؟
من خلال كود + رقمك القومي بتستلميه لما بتسحبي الملف.

طيب اول يوم طول ووزن؟
أقل طول للإناث 160
الوزن المثالي = طولك - 90
يعني بنت طولها 160 وزنها لازم 70.

طيب لو طولي أقل؟ بيدوكي مهلة اسبوع تلعبي لياقه فيهاا وتقيسي تاني.

بتستني نتيجه الطول والوزن على الاكاديميه بيتحدد فيها الطبي.

يوم الطبي بيبقى عادي جدا معظم الكشوفات عاديه / بيكشف ستات عليكي كلهم.

طيب أصعب كشوفات؟
الجلدية أصعب كشف لأن فيه ناس بتطلع علشان حبوب في قفاها ولا مؤثرة بس هتكتب ليكي وحمه همه ليهم مقاييس كدا.

طيب لما اعدي طبي؟
بتستني نتيحه على الموقع وتروحي رياضي بإذن الله

محدش بينزل فيه من البنات.
مطلوب منك..
بديل عقله
بطن.
وثب من الثبات.
مرونة.
بديل جرى.

أصعب حاجه بديل جرى بياخد جهد شويه. ولازم تبدأي تمرين عليهم قبلها بشهر مثلا علشان تبقى الأمور سهله.

طيب لما اخلص رياضي بيتحدد ميعاد النفسي.
اسئله على الكمبيوتر بتقيس شخصيتك. ولو حد عنده مشكله في الاختبار بيبعتوكي لطبيب نفسي بيسالك سؤالين وتمشي.

بعدين بتخشي هيئه.
بيتحدد ميعاد لكل تخصص بتخشي تقولي بياناتك وتخرج.

بعدين بتقعد مهله لحد ما يجي نتيجه الهيئه ويتحدد ميعاد طبي متقدم كشوفات عاديه زي الطبي العادي ومحدش بيقع فيه كتير.

بعدين بتعدي في البيت لحد ما تسمعي اتصال انه تم قبولك بكلية الشرطه.
تاني يوم بتروحي تأخدي وصل المصاريف 20200.
+ لست الحاجات الي هتجبيها على حسابك برضو 

دا شرح مفصل للاختبارات السهلة

كلية الشرطة - شرح مفصل لكل ما تحتاجة ان تعرفه عن الاختبار الطبي وبعض النصائح



شرح الاختبار

هتروح تقعد فى مكان كدة لحد ما الدكاترة كلهم يجوا ويجهزوا بعد كدة خدمة الطلبة هتقسمكوا على مجاميع كل مجموعة 20 طالب تقريباااا
هيبقى معاهم امين شرطة او واحد من الكلية مسئول عن المجموعة او طالب من طلبة الكليه دة من اول اختبار لحد اخر اختبااار
كل واحد يحفظ رقم المجموعة بتاعتة ورقمة كام فى المجموعة علشان ميتوهش
هيخدكوا ورا بعض وتطلعوا تقلعوا هدومكوا وهتختبروا بالبطاقة بس
هتروحوا قدام ظابط يشوف البطاقة واسمكوا وبعد كدة تروحوا تكشفوا الطبى مجموعة مجموعة
الكشوفات :
جراحة وعظام ورمد وجلديه الانف والاذن والحنجره وبياخدوا منك عينة دم والكشف العام
شرح العيادات
عياده الانف والاذن والحنجره :
الدكتور بيبص في الاذن لو الطبله مخرومه او كده والانف لو فيه اعوجاج في الحاجز الانفي ولو فيه حاجه من دول حاول تعالجهم قبل التقديم
وملحوظه لازم تكون غاسل ودانك عند دكتور قبل متروح الكشف
عياده الاسنان :
ودي سهله برضو بيشوف الفكين متطابقين ولا لا وبيشوف الدروس لو بايظين
عياده الجراحه :
بتدخل علي الدكتور وتنزل اللبس وبيمسك الخصيتين وبيخليك تكح عشان يشوف فيه دوالي ولا لا وبعد كده بتلف وتوطي وبيشوف فيه عمليات بواسير او عمليات تانيه
عيادات الرمد :
ودي بتقيس النظر عباره عن لوحه فيها دواير بتقف علي مسافه معينه والعسكري بيشاور علي علامه وانت بتقول مفتوحه في انهي اتجاه
عياده العظام :
ودي من اصعب العيادات اللي كتير بيسقط فيها بتدخل تقف سبعه بيشوف شكل الجسم لو مش متناسق بيطلعك من قبل ما الكشف يبدأ وبعد كده بيشوف التقوس واللتصاق الفخدين وتراكب الركب وعدم تناسق الفقرات وهيخليك تعمل 3ضغطات وياريت تركزو في الكشف ده
عياده الجلديه :
بتدخل العياده والدكتور بيشوف عرق الايدين اللي عندو املاح كتير بيخرج وبعد كده بيشوف حب الشباب لو كتير هتسقط وبعد كده بيشوف لو فيه غرز او تعاوير لو فيه بشكل كبير بتخرج وبيشوف الحروق والوحمات لو فيه باينين اوي بتخرج
الموضوع مش بياخد اكتر من ساعه او ساعتين للمجموعة ان شاء الله ومفيش كشف بالترتيب يعنى حسب م الامين او الطالب اللى معاكوا يدخلكوا
والكشف العام دة بيبقى عبارة انى لواء او عقيد ومعاة ناس تانية بيشوفوا شكلك العام فية حاجة ولا ولا والصح انهم بيشوفوا الطلبة اللى سقطوا فى حاجة اثناء الكشوفات وبيتاكدوا اذا كان الكشف دة بيسقط فعلا ولا لا
يعنى لو سقطت فى حاجة عبيطة وانت بتكشف ممكن الكشف العام دة يعديك منها لو عادية مش هتاثر عليك
وبعد كدة تلبسوا وتروحوا

الطبى النفسى فى كلية الشرطة
انت هتروح تفضل هناك لحد ما الدكتور يجى وبعد كدة هيقولوا اللى اسمهم اولة حرف كذا يجى هنا او هينادوا على الاسامى اللى فى الكشف حسب ما عايزين هما
بعد كدة هتروح تراجع اسمك وتدخل تمتحن طبى نفسى
هتقعد كدة فى فصل وتستلم ورقة هتجاوبها
الوقت هيكون براحتك ان شاء الله بس مش اوى يعنى
الاسئلة كلها اسئلة نفسية وشخصية يعنى خاصة بيك ( علشان محدش يقولى ممكن نموذج للاسئلة دة )
هيبقوا تقريبا 40 والاجابات كلها يا اما بنعم او لا او ربما بس مش اكتر
وسؤال رياضة ذكى كدة وتكتب حكمة من دماغك وتشرح معناها بس كدة
بعد كدة بترجع تقعد تانى فى مكان ويا اما بينادوا على اسمك وبتاخد كارت التردد وتروح تستنى النتيجة
يا اما بتفضل قاعد لحد ما ينادوا على اسمك علشان تدخل للدكتور وهتقعد مع الدكتور
فى دكتور هيبقى كويس هيتكلم معاك براحة خالص وهيحاول يدرس حالتك عن طريق اجابتك على كام سؤال كدة
وفى دكتور هتلاقية رخم بيحاول يستفذك اوووى علشان يعرف اخرك اية بس
وبعد كدة بتروح البيت وبتستنى النتيجة ع النت ومفيش ميعاد معين لظهور النتيجة
اليوم دة هيبقى طويل اوى اوى اوى فا اللى اهلة هيكون معاة احسن انة يخليهم يروحوا ويجوا لما انت تخلص لانك هتقعد فترة طويلة جوة
اللى بيدخل للدكتور دة بيبقى مثلا فى ورقتة حاجة الدكتور حابب يسئلة عليها كدة يعنى
ومفيش حاجة اسمها اجابتى صح ولا غلط دة شغل طب نفسى يعنى لو دخلت للدكتور مش معنى كدة انك سقط فى الامتحان

كلية الشرطة - شرح مفصل لاداء اختبار السمات للمتقدمين للالتحاق بكلية الشرطة



اختبار السمات شرطه
بتروح اللجنه وتكتب اسمك ف ورقه وبعد كدا بتتجمعوا والامين بياخدكم وتروحوا للجنة السمات بتقعدوا بره شويه بتعرفوا التعليمات والامين بياخد رقم موبيل كل شاب فيكم وبعد كدا بتدخلوا القاعه
وكل طالب بيقعد ع جهاز وبعد كدا بتبدا تملي بياناتك ع الكومبيوتر وبعد ما تخلص بتدوس ع زر الاختبار وبيبدا الاختبار وهما 14 نموزج منهم نموزج اسئلة ذكاء ومعدلات رياضيه ونموزجين سرعه يدي عباره عن اشكال
والباقي نمازج مواقف زي اسئلة النفسي وكل نموزج ليه وقت معين
كل شغلك ف النمازج بالموس ما عدا نموزجين سرعه بديها وشغلك فيها بيبقي زي جهاز البلاستيشين كدا بتدوسي ع الزر المناسب للشكل
لازم تركز ف وقت كل نموزج وبعد ما بتخلص كل النمازج والاختبار كلت بترجع لجنتك تاني تراج ملغك مع رئيس لجنتك وبيقولك ع معاد ظهور النتيجه وبتروح ع كدا تنتظرها

كلية الشرطة - شرح مفصل للاختبار الرياضي للذكور المتقدمين من الثانوية العامة


الاختبار الرياضي ذكور شرطه

انت بتروح الكلية الساعه 7 من بواية 5 بتكون لابس ملابس رياضيه ومعاك شنطه فيها كل حجاتك بتاخد معاك البطاقه وكارت التردد بس

بتدخل بتلاقي كابتن واقف علي ايدك الشمال بيسالك .. رياضي يا كابتن ؟! انت بتقوله ايوه بيقوله اقعد جنب زمايلك

بتفضل قاعد لحد ما عدد الرياضي اللي ف الورقة مع الكابتن كله يحضر

بعد كده بيمشوا نحيه مكان الرياضي

بتدخلوا ملعب حمام السباحة وتقعدوا ع المدرجات لحد ما ياجي ظابط ينادي الاسماء من تاني بعد كده كل واحد بياخد رقم. ... الرقم ده تحفظه زي اسمك لانك هتتعامل بيه طول اليوم تكتبه ع ايدك افضل



بعد كده الظابط بيطلب منكم تغيروا ملابسكم وتلبسوا علشان تبدأوا الاختبارات :

اولا : اختبار قفزة الثقة :

الظابط يقولكم شويه تعليمات بخصوص قفزة الثقه مثلا ممنوع تثني رجلك وانت بتنط ممنوع تنط قبل ما الظابط يطلب منك مسموح ليك ثانيتين بس بعد ما الظابط يأمرك انك تنط لو منتطش يبقي كده لاغي

قفزه الثقة درجتها بتكون ف وقتها لو منتطهاش الرياضي بيتلغي بالنسبالك نطيتها وزي الفل بتكمل باقي الاختبارات

ثانيا : اختبار المهاري :

يعتبر صعب شويه وعايز تركيز منك لان لو معملتوش ف الوقت المحدد بيتروح بيتكم ومش بتكمل زيه زي قفزه الثقه
عبارة عن مسافه انت بتجريها اول 10 متر بتعبر تحت مانع بارتفاع 80 سم وبطول 2 متر

بعد كده بتشيل كوره وزنها 5 كيلو وبتجري بيها مسافه 10 متر بعد كده بتحطها ف مكان معين وبتقفز من فوق مانع اسمه الحصان بطول 150 سم وبتجري 5 متر

بعد كده حاجز زجزاجي بطول 2 متر اللي هو يمين شمال يمين شمال وهكذا .... زيه بالظبط حاجز زجزاجي بس بدل يمين شمال هيبقي فوق تحت فوق تحت وهتفهم دا لما تكون هناك سهله متخاقش

بعد ما تخلص دا كله بتجري لحد ما توصل الخط الكبير وبتقول اسمك ورقم الرياضي بصوت عالي

مطلوب منك الحوار ده كله ف وقت 40 ثانيه ... اكيد طبعا مستغرب بس متقلقش والله هو سهل بس عايز منك تركيز وبعد كده تروح للملاعب اول حاجه مطلوبه منك ف الملاعب الجري 60 متر اسبرنت ف زمن 9 ثانيه وده بالدرجات يعني مش زي المهاري

بعد كده العقله مطلوب منك 16 عقله وتلعبها براحتك بشرط دقنك تعدي الحديد لو جبت اكتر من 16 براحتك برضو

بعد كده الوثب من ثبات عباره عن ارضيه رمليه بطول 300 سم انت بتقف ثابت وبتجمع قوتك وبتنط وانت واقف ثابت وبيحسبلك انت قفزت كام سم

بعد كده اختبار المرونه سهل جدا انت بتقعد ع الارض وبتمد رجليك قدامك ع الاخر وبتمد دراعك ع رجليك بحيث دراعك يعدي مشط رجليك وبالتالي بيحسبلك دراعك عدي كام سم بعد مشط رجليك

اخر حاجه بقي يا باشا تعتبر اصعب حاجه لانك بتكون تعبت وطلع عينك هو اختبار 800 متر

ودا بيعتمد ع حاجتين اول حاجه عدد الطلبه اللي بيعملوا معاك الاختبار ف اليوم ده وعلي مرونتك ف الجري

عدد الطلبه بيفرق لان في ايام بيكون 50 طالب بس ف الرياضي ف بتتقسموا نصين كل 25 يجروا مع بعض وفيه ايام تانيه بيكون 70 طالب ف الرياضي وهكذا

الاختبار بالاتي بتقفوا صفوف ورا بعض بالعرض وبتجروي تراك 400 متر طبعا بتجروه مرتين كل مره ب 400

التراك ده متقسم مستويات 1 و 2 و 3 و 4 و 5 و 6 و X

هقولك ازاي

مطلوب منك تلف التراك دا مرتين ف زمن 2 دقايق

انت لو لفيته ف 2 دقايق بتكون مركز اول 1 ومش معني كده انك مركز اول لوحدك ممكن يكون كذا واحد معاك ف المركز ده

لو لفيته ف دقيقتين ونص يبقي انت مركز تاني 2 ولو لفيته ف 3 دقايق يبقي انت مركز تالت وهكذا

طب اي حكايه المركز X

التراك دا عباره عن مستطيل كل زاويه فيه عندها مثلث هناك بحيث انك لو عملت نفسك واد ناصح وعديت من جوه التراك علشلن تختصر الوقت والجري يبقي انت كده X ودا بياخد اقل درجات

كل مركز بيقل طبعا عن اللي قبله ف المراكز

بكده نكون خلصنا الرياضي بتغير هدومك براحتك وبتروح والنتيجه بتظهر تاني يوم او في نفس اليوم ع النت علي حسب ما هما يقولولك

طب افرض لقدر الله غير لائق بتروح لجنتك تاني يوم وبتعمل اللتماس وبتعيد الاختبار من تاني

مواعيد حفلة تخرج الدفعة 111 حربية والقنوات الناقلة للحفلة




تستعد ساحة العرض للإحتفال بخريجين دفعة جديدة من طلبة " الكلية الحربية ، الكلية الجوية ، الكلية البحرية ، الدفاع الجوي ، الفنية العسكرية و قسم الضباط المتخصصين " وأيضا الإحتفال بأخر دفعة من " التمريض العسكري " اليوم وايضا افتتاح اكبر قاعدة عسكرية قاعدة محمد نجيب

القنوات الناقلة " المصرية ، الاولي " 10:00 صباحاً





شرح الدخول الي موقع التنسيق وحل مشكلة عدم الاتصال بالموقع



السلام عليكم جميعا كيف حالكم اليوم هنشرح ازاي تفتح موقع التنسيق لمعرفة نتائج الاختبارات او حتي تسجيل بياناتك علي الانترنت قبل تقديم الملف هنبدا بمتصفح (فير فوكس)

هندخل علي الرابط
https://tansiq.mod.gov.eg
وهنتبع الاتي 

اضغط علي متقدم



ثم اضغط اضف استثناء

ثم اضغط علي



وبعد كدا الموقع هيفتح معاك علي طول




بعد كدا (جوجل كروم) اتبع الاتي




اضغط علي



بعد كدا اضغط علي



هتلاقي الموقع فتح علي طول
بالتوفيق ان شاء الله

بدء استلام رسائل اختبار السمات للطلبة اتموا اختبار السمات سابقا



بدات اليوم الكلية الحربية بارسال رسائل نصية الي الطلبة الذين اتموا اختبار السمات اما بالنجاح او الرسوب مع التاكيد علي حلاقة الشعر علي الرقم 1 وايضا التاكيد علي الحضور الساعه السادسة صباحا حسب المكان المرسل اليك والمقرر لك تأدية الكشف الطبي بة تابعونا لمعرفة المزيد عن الكشف الطبي بكل تفصيل


خدماتنا - خدمة حساب العمر بدقة وحسب المطلوب في ملف التقديم الخاص بالكلية الحربية



من احدي الخدمات التي نقدمها لكم خدمة حساب العمر بدقة لكتابتة في ملف الالتحاق بالكلية الحربية كل ما عليك هو اتباع الخطوات وملئ الحقول المطلوبة واخد النتيجة وكتباتها في ملف الالتحاق

احسب العمر من الاسفل

التاريخ الحالي
تاريخ الميلاد
العمر
شهر
يوم
ساعة
الميلاد
جميع الحقوق محفوظة لدي اكاديمية التاهيل الفكري

موعد مؤتمر اعلان شروط تقديم كلية الشرطة وطلبة القسم الخاص 2017


تم التاكد من ان موعد المؤتمر الذي فيه تم طرح شروط التقديم لطلبة الثانوية العامة وطلبة القسم الخاص سيكون بعد حفلة تخرج دفعة ٢٠١٧ يوم الاربعاء ان شاء الله بعديها بيومين او تلاته هينعقد المؤتمر ويتم اعلان شروط الالتحاق لطلبه الثانوية وطلبه القسم الخاص والمجموع والتخصصات ووقت التقديم وكلما يخص التقديم لكلية الشرطة انتظروا الاعلان وكل ما يخص التقديم علي صفحتنا او موقعنا 

شرح مفصل لطريقه التقديم لكليه الشرطه على النت للعام 2018/2017


اولا معاد التقديم يوم الثلاثاء (25/7/2017)


ثانيا المطلوب احضارة

  1. عدد 4 صورة 4*6 خلفية بيضاء
  2. شهادة الثانوية العامة
  3. شهادة ميلاد مميكنة
  4. مؤهل الوالدين (احطياطي)
ملحوظات هامة :
1-لازم تكون عندك معلومات عن وظائف الاعمام والاخوال عشان هتنطلب منك هناك

 2- معاد فتح البوابة الساعه 7 صباحا بوابة رقم 5 اخر معاد الساعه 9 صباحا
 فيما يلي شرح مفصل بالصور لكيفية التسجيل علي الانترنت لطلب ملف التحاق بالكلية اتبع الاتي

قم بالدخول علي الرابط الاتي واتبع الشرح
اضغط هنا

بعد قراءة المحلاظات بصفحة الاستقبال والارشادات والشروط اضغط زر 

تسجيل طلب التحاق
كما بالصورة الاتية




مع العلم ان الرابط متوفر فقط للتسجيل مرة واحدة وبعد ذلك يمكنك تعديل البيانات من الزر الاخر باسم

استكمال ادارج البيانات

ثم قم بكتابة الكود بالصورة في الجزء المخصص لة (المربع الابيض)
ثم اضغط

ادراج الاحرف

كما بالصورة الاتية



 بعد ذلك يقوم بتحويلك الي صفحة تسجيل طلبات الالتحاق قم بملئ البيانات المطلوبة ثم اضغط

تسجيل طلب

كما بالصورة الاتية



بالتوفيق جميعا وبانتظار باقي الشروحات 

التخصصات الجامعية المطلوبة لكلية الشرطة لعام 2017


التخصصات الجامعية 
 
اولا الطب
  1. طب بشري (ذكور واناث) اقل تقدير جيد فما فوق
  2. علاج طبيعي (ذكور واناث) اقل تقدير جيد فما فوق
  3. طب اسنان (ذكور فقط) اقل تقدير جيد فما فوق
  4. صيدلة (ذكور واناث) اقل تقدير جيد فما فوق
  5. طب بيطري (ذكور فقط) اقل تقدير جيد فما فوق
  6. تمريض (ذكور واناث) اقل تقدير جيد فما فوق
ثانيا الهندسة
  1. حاسبات (نظام 5/4 سنوات) (ذكور واناث) اقل تقدير جيد فما فوق
  2. هندسة اتصلات والكترونيات (ذكور فقط) اقل تقدير جيد فما فوق
  3. هندسة كهرباء قوي (ذكور فقط) اقل تقدير جيد فما فوق
  4. هندسة ميكانيكا قوي (ذكور فقط) اقل تقدير جيد فما فوق
  5. هندسة ميكانيكا سيارات (ذكور فقط) اقل تقدير جيد فما فوق
  6. هندسة ميكانيكا انتاج (ذكور فقط) اقل تقدير جيد فما فوق
  7. هندسة طبية (ذكور واناث) اقل تقدير جيد فما فوق 
  8. هندسة عمارة (ذكور فقط) اقل تقدير جيد فما فوق
  9. هندسة بحرية (ذكور فقط) اقل تقدير جيد فما فوق
  10. هندسة طرق (ذكور فقط) اقل تقدير جيد فما فوق
ثالثا تخصصات اخري
  1. علوم وكيمياء 
  2. فنون تطبيقية (تصوير) (ذكور واناث) اقل تقدير جيد فما فوق
  3. فنون تطبيقية (نسيج) (ذكور فقط) اقل تقدير جيد فما فوق
  4. اداب (وثائق ومكتبات) (اناث فقط) اقل تقدير جيد فما فوق
  5. خدمة اجتماعيه اداب / (اجتماع - علم نفس) (اناث فقط) اقل تقدير جيد فما فوق
  6. لغات (انجليزي - فرنسي - روسي) (اناث فقط) اقل تقدير جيد فما فوق
  7. تربية رياضية (ذكور فقط) اقل تقدير جيد فما فوق
  8. تربية موسيقية (ذكور فقط) اقل تقدير جيد فما فوق
  9. اكاديمية الفنون / المعهد العالي للسينما (اناث فقط) اقل تقدير جيد فما فوق
  10. تجارة محاسبة (ذكور فقط) اقل تقدير جيد فما فوق
  11. تجارة انجليزي (اناث فقط) اقل تقدير جيد فما فوق
  12. اقتصاد وعلوم سياسية (ذكور فقط) اقل تقدير جيد فما فوق



شروط التقديم لكلية الشرطة 2017



شروط الإلتحاق بكلية الشرطة

يجب أن يتوافر فى الطالب راغب الإلتحاق بكلية الشرطة الشروط التى نص عليها القانون رقم 91 لسنة 1975 م بشأن إنشاء أكاديمية الشرطة وتعديلاته ولائحته التنفيذية الصادرة بقرار وزير الداخلية رقم 864 لسنة 1976 وتعديلاته وقرارات مجلس ادارة الأكاديمية وهى :
1 - أن يكون الطالب ووالداه مصريي الجنسية بالميلاد من غير طريق التجنس ، وغير مزدوجى الجنسية ، ولم يسبق حصولهم على جنسية دولة أخرى ويعتبر الطالب مفصولاً من الكلية إذا تغيرت جنسيته أو حصل على جنسية دولة أخرى أثناء قيده بالكلية.

2 - أن يكون حاصلا على شهادة إتمام الدراسة الثانوية العامة من داخل أو خارج البلاد أو ما يعادلها من الدبلومات الأجنبية أو شهادة إتمام الدراسة الثانوية العامة التي تمنحها المعاهد الثانوية الأزهرية لعام التقدم (2017) أو لعام سابق فقط على عام التقدم (2016)، شريطة أن يكون الطالب مقيدا في ذلك العام في إحدى الكليات أو المعاهد الخاضعة لقانون الجامعات عند التقدم للالتحاق بالكلية، مع تقديم شهادة تثبت القيد مع مراعاة النسبة المئوية لمجموع الدرجات إلا تقل عن 65% فى العامين .

3 - أن يكون محمود السيرة حسن السمعة وألا يكون قد سبق الحكم عليه بعقوبة جنائية في إحدى الجرائم المنصوص عليها في قانون العقوبات أو ما يمثلها من جرائم منصوص عليها في القوانين الخاصة، أو بعقوبة مقيدة للحرية في جريمة مخلة بالشرف أو الأمانة هو أو أحد والديه أو أقاربه حتى الدرجة الرابعة .
4 - ألا يكون متزوجا أثناء قيده بالكلية، ويعتبر الطالب مفصولا من الكلية إذا تزوج أثناء قيده بها.

5 - ) ألا يكون قد سبق فصله من خدمة الحكومة بحكم أو بقرار تأديبي نهائي.

6 - ألا يزيد السن في أول أكتوبر 2017 م عن إثنين وعشرين سنة ميلادية.

7 - ألا تقل طول قامة الطالب عن 170 سم، مع مراعاة توافر شرط القوام محسوبا (أقصي وزن = طول الطالب – 90)

8 - أن تقرر الجهة الطبية المتخصصة استيفاء الطالب لشروط اللياقة الصحية والنفسية المطلوبة للعمل الأمني ويعتبر الطالب المقيد بالكلية مفصولاً إذا قررت الجهة الطبية المتخصصة عدم لياقته الطبية أو النفسية للخدمة.

9 - اجتياز جميع الاختبارات المؤهلة للالتحاق بالكلية.

تنبيه : يلتزم ويتعهد خريجو كلية الشرطة بخدمة الوزارة مدة لا تقل عن عشر سنوات من تاريخ التخرج، وإلا التزموا برََد ضعف نفقات الدراسة التى تكبدتها الوزارة، وكل طالب بكلية الشرطة يترك الدراسة بغير عذر مقبول يلتزم بالتضامن مع ولى أمره بدفع جميع النفقات التى تحملتها الوزارة خلال فترة دراسته بالأكاديمية.
بالنسبة للطلبة الراغبين الإلتحاق بالقسم الخاص عليهم نفس الشروط السابقة عدا شرط عدم الزواج خلال فترة قيده بالاكاديمية يضاف الى ما يلى:

1 - ألا يكون قد مضى على حصول الطالب على المؤهل الجامعي أكثر من سنه ميلادية، مع اعتبار سنة الامتياز بكليات الطب البشرى وسنة التدريب الإجباري لخريجي وخريجات كليات التمريض والعلاج الطبيعي سنة دراسية وبالتالي يمكن قبول الحاصلين علي تلك الدرجات الجامعية بالدورين الأول والثانى 0

2 - أن يكون مستوفياً لشروط اللياقة الصحية والنفسية والبدنية والسن، والتي تتلخص فيما يلي:

ألا يقل طول قامة الطالب عن165 سم وعن متوسط عرض الصدر 83 سم، وبالنسبة للطالبات لا يقل طول قامة الطالبة عن 160سم .

ألا يزيد العمر فى أول أكتوبر 2017 عن 28 سنه ميلاديه

وبالنسبة للياقة الطبية، ألا تقل درجة الإبصار عن النصف في كل من العينين ويصرح بالكشـف بالنظارة الطبية 0

يطبق الاختبار الرياضي سواءً كانت الاختبارات الإجبارية، أو اختبارات الكفاءة البدنية (القياسية)المقرر للطلبة المتقدمين للالتحاق بالسنة الأولي على الطلبة المتقدمين للالتحاق بقسم الضباط المتخصصين – وفي هذه الحالة لا يعتبر لائقاً في اختبارات اللياقة البدنية " القياسية " كل من يحصل علي اقل من 40% من مجموع الدرجات المقررة للاختبار مع اعتبار أن الحد الأدنى لزمن الاختبار المهاري الإجباري هو 35 ث للطلبة المتقدمين بالقسم الخاص.

الاختبار الرياضي لطالبات القسم الخاص 0

يتكون هذا الاختبار من خمس اختبارات بدنية " قياسية " وهي كالأتي:

1- اختبار البطن بالزمن في 40 ثانية، وتحصل الطالبة على الدرجة النهائية في هذا الاختبار إذا قامت بأداء 40 عدة صحيحة في الزمن المحدد. 2- اختبار ثني الذراعين من وضع الانبطاح المائل المعدل للبنات بالزمن في 20 ثانية وتحصل الطالبة على الدرجة النهائية إذا قامت بأداء 40 عدة صحيحة في الزمن المحدد. 3- الوثب الطويل من الثبات وتحصل الطالبة على الدرجة النهائية إذا قامت بالوثب لمسافة 200سم فأكثر. 4- اختبار المرونة وتحصل فيه الطالبة على الدرجة النهائية إذا قامت بتحريك المؤشر على مسطرة القياس باليدين معاً حتى مسافة 40 سم. 5- اختبار بديل الجري بالزمن في 20 ثانية وتحصل فيه الطالبة على الدرجة النهائية إذا قامت بأداء 20 عدة صحيحة في الزمن المحدد. 6- هذا وتعتبر الطالبة لائقة في الاختبار الرياضي إذا حصلت على 40% من مجموع درجات الاختبارات السابقة فأكثر ويحق للطالبة غير لائقة الإعادة ولمرة واحدة فقط .

التعليمات الخاصة لأداء إختبار المقاس والقوام

يكون الدخول للجنة من السـاعة 7 ص خلال المدة المحددة لتقديم الأوراق من البوابة رقم ( 5 ) . في اليوم المحدد لأداء الاختبار والسابق تحديده عن طريق شبكة الإنترنت ، ولن يسمح مطلقا للطلبة المتأخرين عن هذا الموعد بالدخول لأداء الاختبار ، يتجه الطالب مباشرة الى منافذ تحصيل الرسوم للحصول على ملف الالتحاق ، ثم يتوجه الطالب الى مقر لجنته لاستلام بطاقة التردد بعد ختمها بخاتم اللجنة وذلك بعد تقديم المستندات التالية مع صورة ضوئية منها وهى :

1 - شهادة الثانوية أو إيصال مكتب التنسيق .

بالنسبة للطلبة الحاصلين على الثانوية العامة أو الأزهرية لعام سابق ، يتقدم الطالب ببيان حالة يفيد قيده بإحدى الكليات أو المعاهد الخاضعة لإشراف وزارة التعليم العالى ، بالإضافة إلى بيان درجات من الإدارة التعليمية .

بالنسبة للطلبة الحاصلين على الثانوية العامة من الخارج ، أو الدبلومات الأجنبية
  1. إحضار شهادة معادلة من مكتب تنسيق القبول بالجامعات .
  2. شهادة الميلاد المميكنة .
  3. بطاقة الرقم القومي للطالب .
  4. عدد 4 صورة فوتوغرافية حديثة مقاس 4× 6 بخلفية بيضاء .
  5. يتم تصوير الطالب بمقر الكلية صورة فوتوغرافية مقاس 13×18 سم ويتولى الطالب إيداعها بملف الالتحاق عند تقدمه به .

يتوجه الطالب بعد ذلك الى مقر اختبار المقاس ، مع الالتزام بالإرشادات التالية :

يلتزم الطالب بإحضار شورت لارتدائه خلال مراحل كشف المقاسات والقوام .

يجب على الطالب الذى يتقدم الى لجنة المقاس أن يكون حليق الشعر و على الطالب احضار قفل للحفاظ على مهماته اثناء الاختبارات.

يتجه الطالب الى لجنة مقاس طول القامة والوزن والكائنة بمقر لجان قبول الطلبات بمقر لجنة المقاس بأكاديمية الشرطة .

في حالة اجتياز الطالب للمقاسات المطلوبة . يتسلم الطالب بطاقة المقاس بعد ختمها بخاتم لجنة المقاس وتوقيعـها من رئيس اللجنة ، ويتوجه الطالب عقب ذلك إلى لجنة القوام لأداء اختبار القوام .

في حالة رسوب الطالب في أي اختبار من اختبارات المقاس والقوام لا يحق له استكمال الاختبارات التالية عدا اختبار القوام ، يكون للطالب الحق في الإعادة فيه لمرة واحدة خلال جلسة الإعادة المحددة يوم الخميس من الأسبوع التالي لأداء الاختبار .

تعلن نتيجة المقاس والقوام من خلال موقع وزارة الداخلية على الإنترنت ويكون الدخول بالرقم السرى المدون على بطاقة التردد وفي حالة النجاح يتم تحديد ميعاد الكشف الطبي ويجب التزام الطالب بهذا الميعاد.

مقاس طول القامة وعرض الصدر واختبار القوام :

المؤهل
طول القامة
عرض الصدر

طلبة الثانوية العامة والأزهرية وما يعادلها
170 سم
-----
طلبة القسم الخاص خريجي الجامعات
165 سم
83 سم

الوزن المثالي لجميع الطلبة :
الطول – 90

يُحظر نهائيا التقدم لاختبار طول القامة أكثر من مرة واحدة ، عدا اختبار القوام ، ويلاحظ أن كافة مراحل التقدم للكلية يتم تسجيلها ومراجعتها بالحاسب الآلي .

كلية الشرطة - الاعلان عن قبول دفعه جديدة من خريجي الثانوية العامة والجامعات



اعلنت كلية الشرطة تحت اشراف اللواء مجدي عبد الغفار عن قبول دفعه جديدة من الطلبة المستتجدين من خريجي الثانويه العامة والجامعات وذلك بمقر الكلية بالتجمع الخامس
ويتبع ذلك الاعلان عن الشروط المقررة والسمات الواجب توافرها بالطلبة والتسهيلات التي اعدت من قبل الكلية لتسهيل عملية القبول للطلبة المستجدين

الكلية الحربية - مقال يحتوي علي مجموعه من اسئلة اختبار السمات لعام 2017


السلام عليكم

طبعا كترت الاستفسارات عن اسئلة اختبار السمات للكليات والمعاهد العسكري ، مش هنطول عليكم دي بعض اسئلة السمات اللي جت السنة دي
-----------------------------------------------
1- لقب سيدنا عمر ابن الخطاب ... (الفاروق)

2- اول زيارة رسمية للرئيس عبد الفتاح السيسي بعد توليه الرئاسة
(طريقه الى غينيا الاستوائية لحضور القمة الافريقية)

3- البحر الخالي من الاسماك والحيوانات البحرية .. (البحر الميت)

4- اكبر المحيطات .. (المحيط الهادي)

5- لو ابنك في الصف الثاني ثانوي واختار شعبة علمي علوم ومحتار
يختار مادة الفيزياء او الاحياء ماذا يفعل ؟؟
أ- يسال صديقه من المتفوقين في الصف الثالث ثانوي
ب- يذهب للاخصائي الاجتماعي
ج- يبحث على الانترنت عن كل مادة واختصاصها

6- يعتبر علم السوسيولجي من علم .. (الاجتماع)

7- كم نجمة في العلم الامريكي .. (٥٢)

8- ايه الحيوان المختلف .. الذئب - (الغزالة) - الاسد - النمر

9- اكبر دولة من حيث السكان (الصين)

10- الكوكب الاحمر .. (المريخ)

11- تاريخ افتتاح قناة السويس .. (6/8/2015)

12- اين يوجد البحر الميت ؟.. (الحدود مابين الاردن وفلسطين)

13- اكبر سلسلة جبال في العالم .. (افرست)

14- درجة حرارة الجسم الطبيعية .. (37)

15- ضربات القلب في اليوم الواحد .. (100 الف ضربة)

16 - عدد الاسنان لدى البالغين .. (32)

17- ماهو اطول نهر في العالم .. (الامازون) ممكن متلقيش نهر الامازون في الخيارات وتلاقي نهر النيل هو ثاني اطول نهر بالعالم بعد الامازون

18- من رسم لوحة المانوليزا .. (ليوناردو دافنشي)

19- من هو الحيوان الاقوى ذاكرة .. (الجمل)

20- من هو امين جامعة الدول العربية .. ( احمد ابو الغيط)

21- عدد ضلوع الانسان .. (24)

22- اكبر دولة عربية .. (الجزائر)

23- اكبر القارات .. (اسيا)

24- ماهي الدولة التي تستهلك نصف انتاج العالم من الطاقة .. (امريكا)

25- من فرض نظام التجنيد الاجباري .. (الحجاج بن يوسف الثقفي)

26- ماهو اختراع العالم تورشيلي .. (الباروميتر)

27- ما المادة التي كتب بها شريعة حمورابي .. (البرونز)

30- ماهي عاصمة قبرص .. (نيقوسيا)

31- متى رجعت طابا لمصر (1988 الموجودة في الاختيارات)
المفروض 1989

32- من هو المهندس الفرنسي الذي اشرف على حفر قناة السويس .. (ديليسيبس)

33- ماهي البحيرة اللي توجد في شمال سيناء .. (البردويل)

34- من هو مخترع توم وجيري .. (وليام هانا)

35- ماذا يطلق على صوت الحمام .. (هديل)

36- من الذي لقب ب داهية العرب .. (عمرو بن العاص)

37- من هو مكتشف اشعة اكس .. (روتنجن)

38- ماهي اشهر دولة في زراعة الزيتون .. (فلسطين)

39- اين يقع خط مدار الجدي .. (جنوب خط الاستواء)

40- ماهي عاصمة الفلبين .. (مانيلا)

41- كم يبلغ طول قناة السويس .. (180 كم)

42- في اي عام تاسس حلف شماب الاطلسي "الناتو" .. (1949)

43- ماهي الدولة التي يوجد على اضرها اكبر فروق توقيت .. (روسيا)

44- اين يقع نهر العاصي .. (سوريا)

45- ماهي عاصمة الدنمارك .. (كوبنهاجن)

46- ماهي الدولة الغير عربية اللي تطل على البحر الاحمر .. (اريتريا)

47- ماهي اكبر بحيرة عذبة في افريقيا .. (فيكتوريا)

48- البحر الذي سمي قديماً ببحر الروم .. (البحر الابيض المتوسط)

49- الهكتار وحدة قياس .. (المساحة)

50- كم عدد الواحات الرئيسية في الصحراء الغربية بمصر .. (7 واحات)

51- اين تقع بحيرة التمساح .. (غرب الاسماعيلية)

52- كم يمثل الديسمتر بالمتر (0.1 متر)

53- اول سفينة دارت حول الكرة الارضية .. (فيكتوريا)

54- الراديكالية ماهي .. (نظام)

55- كم فيمتو ثانية في الثانية .. (جزء من مليون مليار جزء من الثانية)

56- واحد من الدول التالية تعتبر اسنكدنافية (النرويج)

57- في عهد من تم انشاء صحيفة الوقائع .. (محمد علي باشا)

58- يعتبر الطفل نحفيا اذا قل وزنه عن الوزن المثالي بنسبة .. (٣٠٪‏)

الكلية الحربية

عرض المزيد »

كلية الشرطة

عرض المزيد »