الكلية الحربية - كيفية ملئ ملف المرحلة الاولى



--(السلام عليكم ورحمة الله وبركاته)--

 زي ما قولنا هننزل بوست ازاى تملئ الملف ما لقيتش اسهل من طريقه اننا نمسك صفحه صفحه مع بعض كده براحه :-
اولاً :-
 احنا بنتكلم فى ملف المرحله الاولى وده الملف اللى هتسلمه ان شاء الله ومكتوب عليه ميعاد تسليمه وممكن بعده عادى وهو نفس الملف اللى محطوط عليه كارت ب طولك ووزنك اللى وزنتهم هناك وانت بتسحب الملف :-
 الجلده الزرقه اللى عليها الوزن والطول دى فيها بيانات عن الطالب وكلها واضحه ومفيهاش اى شئ اشرحه .
الصفحه ١ :-
صفحه صفراء دى ماتجيش جانبها سيبها.
بعد كده الصفحه ٤ :-
 ده إقرار ولى امرك اللى بيمضى عليه وانت كمان ولى الطالب ده ممكن والدتك فى حاله وفاه والدك مثلا يعنى الواصى عليك هو اللى هيمضى .
الصفحه ٥ :-
بتمضى انت ووالدك وتكتب الرقم القومى وتتأكد انهم ١٤٤ رقم وتمام ومحل الاقامه اللى موجود ف البطاقه وتحت مكتوب شهاده الشهاده دى تجيب ٢ شهود وتكتب الرقم القومى ليهم والوظيفه والرقم القومى تتأكد انه ١٤ رقم وماتنساش ختم النسر يكون واضح ده اهم حاجه .
الصفحه ٦ :-
 دى شهاده حسن سير وسلوك لو انت فى ثانوى بتوديها المدرسه اللى انت فيها وهى هتملأها ولازم تختملك بختم النسر ويكون واضح 
 طيب لو انت فى جامعه هتاخد الملف وتروح الجامعه هى هتملاها ليك وبردوا ختم النسر يكون واضح اهم حاجه وتحت فى اخر الصفحه خالص هتكتب اسمك رباعى والرقم القومى وانت اللى توقع وركز عشان هتلاقيها فى صفحات كتير .
الصفحه ٧ :-
 سيب خانه رقم القيد دى فاضيه واملأ بيانات الصفحه دى كلها واضحه عندك فى الصفحه دى السن فى .. هتكتب ١/١١ وتحسب سنك هيبقى كام فى ١/١١ الجاى 
 وعندك مكان سحب الملف طبعا اللى سحبت منه مثلا الكليه الحربيه وعندك الطول والوزن ده اللى انت وزنته فى الكليه وانت بتسحب الملف هتلاقى تيكت ع الملف من بره عليه طولك ووزنك هتكتبهم فى اخر الصفحه بيان اقرب الاشخاص للطالب الذى يمكن الاتصال به بواسطه الكليه لأى موقف .. ده اقرب شخص ليك تختاره مش شرط والدك ممكن اخوك الكبير ممكن عمك ممكن خالك بحيث لو حصل حاجه يكلموه هو وفى اخر الصفحه اسمك رباعى والتوقيع انت اللى بتوقع بإيدك .
الصفحه ٨ :-
 هتصور بطاقتك وجه لوحده وظهر لوحده عند اى حد بيضور ورق قوله كده هو هيعملهالك وتدبسهم ماتلزقش كله تدبيس وعندك تثبيت الصوره الكامله للطالب دى اللى اتصورتها فى سحب الملف هتدبسها بردوا .
الصفحه ٩ :-
رقم القيد هتسيبه فاضى وتملأ الصفحه دى كلها ٣٣ ث كلها واضحه طبعا بتجيب درجاتك وكل ده من بيان الدرجات بتاعتك بتنقل منها 
 فى اخر الصفحه عدد مرات التقدم للكليات شوف انت قدمت كام مره وحط رقم وسبب عدم القبول مثلا النتيجه النهائيه 
 تحتها البطولات الرياضيه دى مهمه هتساعدك وليك اولويه هتكتب اسم اللعبه وكل اللى حصلت عليه فى نفس اللعبه ف الخانه اللى جانبه مثال كمال اجسام .. اول جمهوريه -ثانى محافظه .. ده مثال 
 طبعا لازم تكون واخد بطوله فى اللعبه ما ينفعش مثلا تكون بتروح الجيم وتقول دنا بشيل حديد وكمال اجسام بس ما اخدتش بطوله لا لازم بطوله .
وتحت اخر الصفحه هتكتب اسمك رباعى والرقم القومى بتاعك والتوقيع انت اللى بتكتبه .
الصفحه ١٠ :-
صوره معتمده من شهاده المؤهل او بيان الدرجات بتاع الثانويه بتدبسه 
وتحت بتدبس شهاده ميلاد ليك .
الصفحه ١١ :-
 البطولات اللى انت كتبت انك واخدها كلها هتحط منها صور فى الصفحه دى تدبسهم لو واخد اول جمهوريه وممعكش شهاده ودبستها يبقى ولا كأنك واخد حاجه ..
الصفحه ١٢ :-
 لو انت فى الكليه بتجيب اثبات قيد من الكليه وتدبسه مثال انا فى تجاره عين شمس بجيب ورقه اسمها اثبات قيد من الشئون انى مقيد فى الكليه دى اللى هى تجاره عين شمس وبتدبسها ..
الصفحه ١٣ :-
 دى بيانات عن الوالد كلها واضحه عندك اجمالى الدخل السنوى للوالد بتشوف والدك بياخد كام مرتب من الشغل بالظبط وتحسب الفكه وتضرب الرقم * ١٢ عشان يطلعلك الدخل السنوى للوالد مثال والدى بياخد ١٠٠٠ صافى ١٠٠٠*١٢= ١٢٠٠٠ يعنى والدى بياخد ١٢ الف سنويا بكتب بالارقام والحروف 
 طيب تحتها مكتوب عقارات او املاك او مدخرات ف بنوك او اسهم خاصه بالوالد طب انا والدى معندوش بسيبها فاضيه طيب والدى معندوش حاجه الا البيت بتاعنا اللى عايشين فيه بكتب منزل مكون من ٣ ادوار مثلا ده مثال طب والدى ليه مدخرات فى البنوك بكتب كل التفاصيل واى حاجه هتكتبها بتجيب ورقه تثبت ب ده لو ممعكش ورق يثبت ما تكتبش ..
 الجزء اللى تحت لو الوالد متوفى كده كده الصفحه كلها حتى لو الوالد متوفى بتملاها وبتكتب الجزء اللى تحت انما لو الوالد عايش بتكتب الجزء اللى فوق وماتكتبش اللى تحت 
 طب لو متوفى هتكتب بيانات الوصى عليك والدتك او جدك الواصى عموما وبتجيب صوره معتمده من قرار الوصايه يعنى ختم النسر حى عليها وبتجيب بطاقه الواصى اللى كتبته وتدبسهم فى صفحه ١٤ وتملأ تحت اسمك رباعى وتوقع بخط ايدك وتكتب الرقم القومى ١٤ رقم ..
الصفحه ١٤ :-
بتدبس وجه وصوره بطاقه الواصى عليك وقرار الوصايه معتمد يعنى مختوم بختم النسر حى .
الصفحه ١٥ :-
 ده من شغل والدك روح شغل والدك وهما هيملوه وتحت بيمضى رئيس شئون العاملين ورئيس المصلحه واهم حاجه ختم النسر يكون حى وواضح وتحت خالص اسمك رباعى والرقم القومى وتوقيعك ..
الصفحه ١٦ :-
 وجه وضهر بطلقه الوالد وتحت بيان مؤهل الوالد او بيان الدرجات لو مش موجود معاك مثلا والدك مدرس بتروح اداره التربيه والتعليم التابع ليها وتطلعها عادى وهكذا ..
واقرأ تحت فى حاله ان والدك مش موظف وفى حاله الوفاه ..
الصفحه ١٧ :-
بيانات هتملأها لوالدتك كلها واضحه ذى ما مليت لوالدك فى صفحه ١٣٣ وهتشوف لو والدتك عندها املاك ذى ما رضحت فى صفحه ١٣ وتحت موجود بيانات عن الجدين للطالب واضحين وكله تمام واخر الصفحه اسمك رباعى والرقم القومى والتوقيع انت بتوقعه بنفسك ..
الصفحه ١٨ :-
 وجه وضهر بطاقه والدتك وتحت تثبيت الكارت الطولى للوالدين بيتصوروا وهما واقفين جانب بعض خلفيه بيضاء طب فى حاله الوالد متوفى او الوالده بتخلى اللى عايش بيتصور كارت طولى وتجيب صوره للمتوفى صغيره وتدبسها جانب الكارت الطولى وتكتب تحت نظرا لوفاه الوالد او الوالده طب لو منفصلين كل واحد بيتصور كارت طولى لوحده وبتدبسهم جانب بعض ..
الصفحه ١٩ :-
بتروح شغل والدتك وهيملوها من هناك ذى ما قولنا فى الوالد فى صفحه ١٥٥ وتحت بيوقع رئيس شئون العاملين ورئيس المصلحه وتختم ختم النسر ختم حى واضح وتحت اسمك رباعى وتوقيعك والرقم القومى ..
الصفحه ٢٠ :-
 صوره مؤهل الوالده او بيان درجات المؤهل بتجيبه من مصدر شغل والدتك ذى ما قولت فى الوالد فى صفحه ١٦ واقرأ اخر الصفحه كويس عشان لو الوالده فى حاله اعمال حره او فى حاله الوفاه ..
الصفحه ٢١ :-
 صوره من مستندات الاملاك او المدخرات او الحيازات او الاسهم الرئيسيه للوالد بتجيب صوره من الحاجات اللى كتبتها لوالدك ذى ما قولت مثال منزل مكون من ٣ ادوار بتجيب ورقه بتثبت ب ده وتدبسها وماتنساش اخر الصفحه تكتب اسمك رباعى وتوقع بنفسك والرقم القومى مكون من ١٤ رقم ..
صفحه ٢٢ :- 
نفس صفحه ٢١١ بس هنا للوالده وماتنساش اخر الصفحه اسمك رباعى والرقم القومى والترقيع بنفسك .. 
الصفحه ٢٣ :-
 بيانات خاصه ب اخواتك واضحه ومفيهاش حاجه وفى اخر الصفحه تحت بيقولك لو حد متوفى بتكتبه بردوا طب الخانات مش مكمله اخواتى مثلا بكمل فى صفحه خارجيه وادبسها رالكلام ده مكتوب فى اخر الصفحه وماتنساش اخر الصفحه اسمك رباعى والرقم القومى وتوقيعك ..
الصفحه ٢٤ :-
القيد العائلى للوالد وتحت ملحوظه مكتوب القيد يعتبر لاغى اذا مضى عليه اكتر من عام ..
الصفحه ٢٥ :-
 بيانات خاصه بالاعمام والعمات واضحه ومفيهاش حاجه هتكتب كل اللى طلعلك فى القيد يعنى انا عندى ١٠ اعمام ٤ ماتو صغيرين وطلعت القيد ما طلعوش ف القيد يبقى ما اكتبهمش ..
الصفحه ٢٦ :- 
القيد العائلى للجد من الوالد واضح ومفيهوش حاجه ..
الصفحه ٢٧ :-
الاخوال والخالات بياناتهم واضحه ومفيهاش حاجه ..
الصفحه ٢٨ :-
القيد العائلى للجد من الوالده ..
الصفحه ٢٩ :-
 مكتوب فوق بيان اقارب الطالب حتى الدرجه الرابعه اللى بيعملوا فى دول اخرى مثال ليا خالى فى السعوديه بكتب اسمه ثلاثى ودرجه القرابه الدرجه التالته الدوله السعوديه وسبب ومحل الاقامه العمل بالخارج وتكتب الوظيفه كده بخط صغير والجنسيه ... تحت مكتوب الاحكام الجنائيه والاجراءات الجنائيه التى اتخذت ضد الطالب او احد اقاربه حتى الدرجه الرابعه هتكتب الاسم ودرجه القرابه والحكم اللى عليه واضحه مفيهاش حاجه وتحت اسمك رباعى والرقم القومى وتوقيعك بنفسك ..
 الصفحه اللى بعدها ع طول هتحط صوره من اللى اتصورتها ف الكليه وانت بتسحب الملف ومش هتكتب اى حاجه الا المربع الرمادى اللى فى منتصف الصفحه بتملأها وبس الباقى ماتكتبش فيه حاجه هتلاقى بعد ورقتين صفحه ذيها هتعمل فيها نفس الكلام هتملأ الجزء الرمادى وتحط صوره ليك كده باقيلك الورقه الحمراء والخضراء والزرقاء ..
الورقه الحمراء :-'
دى تعتبر متلخصه فيها بيانات انت اصلا كتبتها ف الملف عنك واخواتك وواضحه ومفيهاش حاجه ..
 ماتنساش ان الورقه الحمراء ليها ضهر هتملاه بردوا فيه بيانات عن الاعمام والعمات والاخوال والخالات والجدين ..
الورقه الخضراء :-
 هتسيب خانه رقم القيد فاضيه وتملأ الباقى بيانات عنك واخواتك وفى ضهر الورقه بيانات ع الاعمام والعمات والاخوال والخالات وفى مربع سيبه فاضى ..
الصفحه الزرقاء :- 
 بيانات عنك وفى ضهرها اللى هى اخر حاجه خالص بره الملف مكتوب كود مؤهل الوالد وعندك ارقم فى جدول لو والدك بكالوريوس مؤهل عالى هتحط رقم ٦ مثلا وتحته مربع بتكتب كتابه بكالوريوس مثلا وكود مؤهل الوالده نفس الكلام ذى الوالد 
ملاحظاااات هامه :-
١١- انت بتكتب المرحله الاولى بالقلم الازرق والقلم اللى بتكتب بيه تاخده معاك وانت رايح شغل والدك او والدتك والمدرسه والجامعه وتديهم يكتبوا بنفس القلم عشان الخط وجيب قلم حلو والخط يبقى حلو وواضح .
٢- الاختام تكون واضحه وحافظ على نظافه الملف من القشط او الشطب 
٣٣- بالنسبه للموقع الالكترونى ماتفتحوش الا وانت جانبك كل بيانات العيله فى ورقه جاهزه جانبك لان الموقع الالكترونى بيقفل بعد ٤٨ ساعه من ساعه ما تفتح الموقع ع طول وبعد ما تخلص ع الموقع الالكترونى وحفظ البيانات وكله تمام هتسلم الملف بعدها بيومين لازم تستنى يومين عشان بياناتك تلحق توصل الكليه عشان ماترجعش ولينك الموقع بتاعك هتلاقيه فى ورقه فى الدوسيه .


(صور لبعض الصفحات الموجودة في الملف )









96 facebook

هو الموقع الالكتروني هيتفتح امتي لوو سمحت ؟؟؟؟

الموقع شغال طول فترة التقديم بس متفتحوش الا لو بياناتك كاملة وفاضل فقط التقديم علي الانترنت لانه بيقفل بعد 72 ساعه

فى صفحة نتيجة الكشف الطبى الجزء الملون بالرمادى السن بيكتب حسب اية

زي ما بتكتبة في كل مكان بالملف

معلش هو القيد العائلي امتي ألجا اليه

لو سمحت لو انا كتبت ف الملف ب قلمين مختلفين ايه الى هيحصل

لما تسحب الملف او تعملة قبلها افضل

هما محددين لون معين بس انت ونصيبك بقي

في حالة الوالد متوفي وكان شغال صنايعي مثلا هكتب ايه وهملي ايه في البيانات. ولو الوالدة ربة منزل هملي ايه بردو

لو مكان الولادة سوريا ممكن يكون ليه تاثير علما إنّو الجنسية مصري

من فضلكم أنا والد طالب متقدم وأعمل بشركة قطاع خاص وعند الوصول للصفحة 15 وجدت أن المطلوب هو ملء كافة بيانات الوظيفة بمعرفة جهة العمل لكن في ص 3 من الكراسة وأيضا في التعليمات المذكورة عالية مطلوب خاتم النسر وهو غير متوافر إلا للجهات الحكومية ... فهل أترك ص 15 فارغة وأكتفي بالبيانات ص 13
مح الشكر

طب بالنسبه لملف المرحله التانيه ده منملاش فيه اي حاجه؟؟

ان بعمل بى شركه قطاع خاص تم الختم بى ختم شيعار الشركة وليس لى عندى رئيس للمصلحة سؤ صحب الشركة فهل ختم للشركة كافى والسؤال الثانى هل اترك الملف للمرحلة الثانيه فارغ

من الشروط ان الوالد والوالدة مصريين

لا طبعا لازم ختم نسر ممكن من اي مصلحة حكومية او المدرسة

لازم ختم نسر ولو من مدرسة او مصلحة حكومية وملف المرحلة التانيه مش بيتقدم الا بعد الطبي

طيب لو سمحت .. انا مقدم فنية عسكرية ومجموعي 98%
انا كنت عامل فتاق من 10 سنين ومش موجود حتي الان الحمد لله ،ومكان العملية مش باين اوي هو خط رفيع كدا بس .. هل دا ممكن يكون سبب في اني اخرج طبي

طب حضرتك انا دلوقتى ميعاد التسليم يوم29 فى الشهر يعنى السبت وانا ناقص ليا ورق اعمل اى لسالى القيد العائلى ومؤهل الاب والباقى كله جاهز اقدم الدوسيه ولا استنا لما كله يخلص ارجو الرد سريعا لو سمحت

لو سمحت انا حصل عندى خطأ فى الورقه الحمراء كتبت الأخوة من الأم فى جدول الاخوة من الاب ولكن لم الشطب و كتابتهم مرة اخرى فى مكانهم الصحيح 'هل هتقابلني مشكله ولو فيه مشكله ايه الحل لو سمحت ? يا ريت الرد عليها لأن ميعاد التسليم بكره

لو سمحت في الورقة الحمراء والخضراء الأخوال والخالات عندي كتير ومفيش في الملف غير ست خانات اكتب فيهم اعمل ايه

لو سمحت انا كتبت الاخوة الاشقاء من الام مكان الاخوة الاشقاء من الأب ولكن لم أشرب كتابتهم تانى في خانة الأشقاء من الأم فى الورقه الحمراء فقط هل ده بسبب مشاكله معايا ولو فيه مشكله لو سمحت دلني على الحل

لو سمحت في الصفحة ٥ مكان الشهود مكنتش اعرف ان الشهود لازم يكونو من مصلحة حكومية وبحسبهم اي شهود وخليت خالي يمضي بس الصفحة لسه متختمتش هل في حل ؟

لو غلطت في حاجه ممكن اعملها كوركتور وله اسيبها وبو راح الكليه هل الملف ممكن يترفض لو شطبت او صححت حاجه

أنا كتبت ملف المرحله الأولى بالقلم الأسود هل ده هسبب مشكله و إيه الحل

لو سمحت هو انا المفروض اجيب الكراسه من اي مكان
انا اساسا من المنيا ومكتوب في مكان في المنيا

هو ل72من وقت سحب الملف ولا لما افتح الموقع

طيب حضرتك اخر يوم 22 /8 ينفع 8/21 اسجل علي النيت

انا كليه هندسه زراعيه ينفع اقدم ولا لأ؟

احيانا ايوة بس ممكن يسهلولك عشان مجموعك

عادي قدمة بعد المعاد بس اهم شي قبل المعاد النهائي للكل

لا طبعا لازم تجيب ورقة تانيه غيرها

اعمل ورقة خارجية نفس الي في الملف وكمل فيها

ممنوع الشطب طبعا فقط هتجيب ورقة جديدة وتكتب فيها صح

ممنوع الشطب ورقه جديدة من الكلية وتركبها مكانها

طبعا كان مطلوب بالقلم الازرق وانت خالف انت ونصيبك

لا اقرب مكان ليك افضل

لا طبعا لازم يمر 24 ساعه

اما التخصصات تنزل هتعرف في شهر 11 لسه

ممكن رقم التليفون علشان اكلم حضرتك

بالنسبة لصفحة 15
لو فى حالة الوالد متوفى
املى ايه فيها ؟
و الصفحة 9 بالنسبة للضباط المتخصصيين

انا والدي متوفي...وسني الان 22 سنة ....لازم اكتب بيانات الواصي (الأم) ؟ ولو عاوز اكتب ان اخويا الكبير هو ولي الامر ينفع لأني كتبته في اول صفحة ك ولي الامر ؟

لو سمحت انا غلطت في صفحه ١٧ في الاملاك ينفع اروح الكليه واجيب الورقه ديه بس واكتبها تاني

لو سمحت ابني عنده فلات فوت بسيط يقبلوه ولا لا مش مقصر خالص

لو الأب مش معاه مؤهل أعمل إيه في الصفحة اللي مكتوب وظيفة الاب

ياجماعه في ورقتين بيطلبوهم من الاب والام من شغلهم في المرحله التانيه اتمضت بالقلم الازرق وهم طالبين اسود ممكن يسبب مشكله ؟؟؟؟ ورقتين مش انا الي كاتبهم ده الوظيفه الي كاتباهم

انا ولدى يعمل بالخارج و مش هيعرف يبعتلى عقد العمل ممكن أقدم من غيره

رقم قيد اجيبه ازى

الوالد مش معاه مؤهل اكتب اية لكنه يعمل خارج البلاد والراتب كويس

يعني اودي الملف بعد التسجيل على الموقع امتى

ملكش دعوة برقم القيد سيبة فاضي في الملف

لو سمحت فى ملف للمرحلة الثانية مكتوب بريد إلكتروني للطالب ايه البريد الإلكتروني ده

السلام عليكم دلوقتي انا معايا كيمياء دور تاني هجيب من فين بيانات معتمده وانا لسه منجتش ممكن تردو في اسرع وقت لو سمحتم

حضرتك لو كتبنا فى الملف الاول بالازرق عادى


لو ابويا شغال كابتن في اوبر وده يعتبر شغل خاص ولا في ختم للمصلحة ولا في إقرار ضريبي والصفحة بتاعت وظيفة الوالد نكتب فيها ايه

هو ملف المرحله الاول ها يكتب بقلم ازرق
بيان النجاح لازم يكون اصل ولا صوره طبق الاصل !؟

فى الصفحة رقم 25 بيانات خاصة بالاعمام والعمات فى حالة وفاة احدهم ماذا يسجل فى جميل خانات بياناته ؟
واذا حدث اثناء ملئ البيانات خطأ فى كتابة كلمة كيف يتم تصحيحها ؟ علما بأنها كلمة واحدة ؟

لو سمحت هو انا لو شايل مادة دبعد ماامتحنها هيبقى مجموعى69.8 ينفع اقدم ولا لا شكرآ 🌹

حدث خطأ في صفحة رقم٦ كتبت اسم الاب بدل اسمي ما الحل

كنت عايز اعرف مين هو الجد للوالد هل هو جدى
ولا جد والدى

انا كتبت الملفين بالازرق اعمل اية ينفع اصور المرحلة الثانية

تم انا ختمت ف وظيفه الاب بختم الشركه اعمل ااي بقي ف الحاله دي

واجيب الورق دا منين تاني

اخر موعد لتقديم الملف بيكون اللى مكتوب عليه

من فضلك كتبت الملف الاول بالاسود هينفع اقدمه ولا ايه

لو سمحت عملت القيد العائلى وفى ورق قسيمة الازواج جدى من نحيه الام والاب مش موجوده فى السجل او قسيمة عاديه فعملت تعذر ليهم ده يمشي ولا يوقف الورق

لو سمحت ملف المرحلة التانية الصفحة 3 مش موجودة والصفحة 4 متعادة مرتين اعمل ايه

لو انا جايب ملحق ينفع اقدم الملف بعد الامتحان واعرف النتيجة بتاعته ولا مينفعش

-لوسمحت انا خالي حاصل على ثانوية ازهرية ولكن انا كتبته بدون مؤهل
-وأيضاً هو شغال في الاوقاف وانا كتبته عامل عادي
**مع العلم اني كتبته في كذا صفحة**

معلومه خارجيه لو انا حاشي خمس دروس هل هذا سيعطل الكشف الصحي

لو سمحت بالنسبة لصفحة إقرار الوالد حد خطاء مكان اسم الوالد هل ممكن يصلح ثم يختم مكان التصليح بختم النسر

طيب في ختم ع وش الملف مكتوب عليه وقت التسليم هو انا لازم اودي الملف في الميعاد دا ولا عادي لو وديته بعد وقت التسليم المكتوب علي الملف؟؟؟؟

لو سمحت فى حالة سفر الاب فى الخارج وانا معى توكيل عام اكتب انا ولى الامر بتوكيل رقم .......

حضرتك الميعاد النهائى للكل امتى

عايز اعرف اجييب منين رقم القيد عشان اسجل ع الموقع

أنا كتبت ملف المرحلة التانية بالأزرق بدل الأسود ينفع أصور غيره والا أعمل ايه

رقم القيد للطالب

أنا شطبط ف ورقه ينفع اخد من ملف ابن عمي هو سحب الملف ومشمقدم عادي اخد من الملف بتاعه ولا هيبق فيها مشكله ولو ينفع أنا ادبسها ف الملف بردو ولا هما يدبسوها والمرحله الثانيه بتنكتب بالأزرق ولا الأسود

لو سمحت لو كرت التردد ضاع بعد الكفف الطبي ايه الحل

عملت ايه قدمته بالازرق ولا ايه

هو لو في ورقه ناقصه من ملف المرحله التانيه اعمل اي

لو سمحت انا دخلت ع الموقع ولقيتو طالب مني درجات ولسا الشهاده هاتطلع يوم الحد هيكون ال72ساعه خلصو اعمل ايه

تب لو مليت الملف المرحله الأولى بالون الاسود

والدى متوفى وكان موظف لازم أملا بيانات الوظيفة والتدرج الوظيفة ومفردات المرتب وامضيها كن جهة عملة ولا أسبابها فاضية

ورقه حسن السير اتعملت في المدرسه بقلم ازرق اكمل ولا اعمل ايه

كتبت الرقم ناقص رقم في الرقم القومي وبالتالي عايز اصحح الحل ايه

هل ممكن اخد ورق رقم 7 لان حدث خطا في ارقام الرقم القومي

لو سمحت انا عمي متوفي اكتب ايه في المؤهل صفحة 27 وفي صفه 15 والدي علي المعاش هكملها ازاي ارجو الرد سريعا

بصور شهاده المؤهل واختمها من المدرسه ولا الشهاده مختومة ودورها ففط

انا كتبت محل الميلاد غلط. ينفع اروح اسكندريه و اسحب ورقه تانيه

انا عندى خطا فى الورقه الرابعه والخامسه اللى مكتوب عليهم غير ق ابل للننسخ او التصوير ايه العمل