تجارب التقديم - تجربة احد القائمين علي الصفحة والموقع معكم




الاسم : احمد الفحل

التقديم : مرتين حربيه - مره شرطه

التجربه : 

انا احمد من محافظة البحيره مركز دمنهور انا قدمت ف حربيه مرتين وشرطه مره تجربتي ف حربيه ف المرتين كانوا شبه بعض بمعني وصلت نهائيه ف الاتنين

المره الاولي :

لما كنت ف الثانويه كنت راسم حياتي كلها ع اني هقدم ف الجيش وابقا ظابط بقا وكدا وكنت مهمل ف دراستي وطبعا دا كان بسبب جهلي وغبائي لاني مفكرتش ومحسبتهاش ومسئلتش نفسي السؤال دا   ... هكون فين وايه لو متقبلتش ؟
المهم خلصت ثانويه وجبت 80% وطبعا 80% دول ف السنه بتعتي ال هي كانت 2013 بالتنسيق ال نزل ف السنه دي وكان عالي كان اعلي كليه ممكن ادخلها تربيه رياضيه المهم باب التقديم فتح وسحبت الملف وتعبت انا ووالدي ومليت الملف وخلصت الاوراق وقدمت الملف واتقبلت وكملت الاختبارات وكنت مؤهل جدا للمواصفات المطلوبه ودرجتي ف الرياضي 180 من 200 طبعا وصلت هيئه واتقبلت واتحددلي عرض عام ورحت واختبرت وف اليوم دا مفيش اي دكتور اخد اسمي ولم يكن ف اي ملاحظه من الدكاتره واليوم عدي ف ساعتين تقريبا ومجتليش اي رسايل لاي اختبار تاني بعد كدا مع ان صحابي جاتلهم رسايل روحت مكتب التنسيق قالي انتظر النتيجه النهائيه المهم انتظرت والرساله جاتلي بعدم قبولي قالولي اعمل تظلم عملت تظلم وقدمته ولكن لم يكن ليه اي لازمه

المره التانيه :

نفس ال حصل ف المره الاولي بخلاف حاجه واحده بس اني عرفت ان السبب ف طلوعي مجرد شخص من الدرجه الرابعه كان عليه قضيه تبديد شيكات ومكنش اتحكم فيها

ذنبي ايه ف كدااااا ؟؟ 

قدمت شرطه مع المره التانيه ف حربيه
المره دي طلعت عظام  ازاي معرفش مع ان قبليها ب 3 ايام كنت بختبر طبي حربيه وانتو عارفين طبي حربيه عامل ازاي وبالاخص العظام المهم بسئله وبقله يفندم انا كنت بختبر حربيه من 3 ايام ومعايا كرت التردد ومكتوب فيه اني ناجح ف الطبي ومعدي عظام ومعنديش تقوص ؟؟ يقولي انا مالي ومال حربيه ويلا امشي من قدامي
من وقتها وانا كاره اني اقدم بعد كدا واديني المفروض اني اقدم ضباط متخصصين بس انا رافض وكتير من الناس بتكلمني وعاوزاني اقدم وردي يا اما ربنا يسهل يا اما مش مقدم