تجارب التقديم - تجربة الطالب عمر رمضان الايجابية مع التقديم للكليات العسكرية



اللي حصل ان كان نفسي ادخل حربيه او شرطه ابقي ظابط بمعني اصح حتي كان الناس بتقول يعني علي حد كلامهم اني شكلي ظابط الله اعلم بقي ،،، المهم قدمت بعد ثانوي عام وكنت جايب مجموع 94.5% قدمت حربيه وشرطه مع بعض ومتقبلتش ف حربيه وظلعت طبي ومتقبلتش ف شرطه وطلعت طبي ،، زعلت جدا ودخلت كليه الالسن غصب عني ورضيت بالامر الواقع والناس قالتلي اكيد خير قولتلهم لا مش خير ومكنتش اعرف انه فعلا هيبقي خير ... قضيت سنه ف السن وبعد سنه قدمت حربيه للمره التانيه وبرضو طلعت طبي ... كده بقي مرتين حربيه ومره شرطه ... كملت زي مانا ف كليه الالسن وبعد ماخلصت سنه تانيه قدمت حربيه للمره التالته بس مكنتش اعرف انه مينفعليش تقديم المرادي لان مسموحلك تقدم سنتين ورا بعض بس جهزت ورقي وطلع عيني ووقفت طوابير سوا ف السجل المدني او كتابه ملف او طوابير ف الكليه وانا بسلم الملف الظابط قبله وبالصدفه قالي ايه ده انت مينفعلكش تقدم انت ثانوي عام 2012 اخر سنه ليك تقدم كانت السنه لللي فاتت وقعد يقولي معلش السن كويسه وايه اللي يرميك لوجع القلب وبتاع المهم انا زعلت اوووووي وكده بقي 3 مرات حربيه ومره شرطه ... كملت ف كليتي وخلصت علي خير وجبت تقدير جيد .. خلصت كالعاده ملاقتش شغل مره اشتغل ف سوبر ماركت ومره كول سنتر لحد ما اعلان التخصصات نزلت بتاعه شرطه وكانت المفاجئه ان قسمي طلبوه كانت مغامره كبيره اني اقدم ومكنتش حاطط امل بس قدمت وغامرت للمره الاخيره بعد راي امي وابويا ... بس المرادي كانت غير كل مره كنت قبل اي اختبار اجيب ورق واذاكره وادور ع النت عن ايه الاختبار ده واعمل فيه ايه بالظبط حتي الطبي قعدت اشوف فيا ايه واعالجه بمعني اصح كنت بذاكر الاختبار قبل معاد الاختبار واعدت الايام وقعدت 4 شهور بيختبروني لحد ما ف يوم قالوا النتيجه ظهرت بخش ع النت بحط رقم الملف لاقيت النتيجه غير لائق نتيجه نهائيه ... اتدمرت وعيطت وامي قعدت تهديني بس طلع ان الموقع منزل النتيجه غلط ... وبعدها بتلت ايام نايم لاقيت الفون رن برد لاقيت واحد بيقولي ان اسمك فلان الفلاني قولتله تمام قالي لائق ف كليه الشرطه نتيجه نهائيه وتعالي بكره استلم المهمات ... كانت اللحظه دي نقطه تحول ف حياتي بمعني الكلمه وعيطت م الفرحه وامي معايا بعد صبر كان طويل وتعب اطول ... وادركت ساعتها حكمه ربنا من دخولي السن واني مدخلتش بعد ثانوي وهي اني بدل ما اقعد 4 سنين وهتعب فعلا انا هقعد 6 شهور وهبقي ظابط ومش بقلل ابدا من اللي بيدخلو بعد ثانوي دول فوق راسي .. كمان دخولي السن كان عشان اتعرف علي خطيبتي هناك .. اللي عايز اقوله خلو حلمكم قدامك ومتخافوش موت نفسك عشان تحقق حلمك ده

بالصور - بدء فاعليات معسكر 15 مايو تحت اشراف اكاديمية التاهيل الفكري










الشروط العامة للقبول بكلية الدفاع الجوي

نبذة عن الكلية

أنشئت الكلية في 2 يوليه عام 1974، تحت الأشراف المباشر لقيادة الدفاع الجوي، حيث تمركزت مؤقتاً بمدرسة المدفعية المضادة للطائرات بمعهد الدفاع الجوي بحي المعمورة بالإسكندرية. أعيد تمركز الكلية في 1 سبتمبر 1979 بأبي قير. بدأت الدراسة في 1 نوفمبر 1974 بطلبة الدفعة 66 حربية (نهائي) والدفعة 67 حربية (متوسط) تخصص دفاع جوي، في الأول من يناير لعام 1978، .

الشروط الخاصة :

السن :
  • ألا يزيد السن فى 1 / 11 / 2017 عن 21 سنة .
المؤهل :
  • تقبل الحاصلين على شهادة الثانوية العامة القسم العلمى ( شعبة الرياضيات ) فقط وكذلك تقبل الحاصلين على شهادة الثانوية الأزهرية والشهادات المعادلة من القسم العلمى بشرط أن يكون الطالب قد تحصل فى مادتى الفيزياء و الرياضيات " على 70 % فأكثر .
  • النسبـة المئوية للمجموع 85 % فأكثر .

مدة الدراسة :

اربعة سنوات يدرس فيها الطالب :
  • علـــوم عسكرية عامة .
  • علوم إدارية وانسانيــة.
  • علوم عسكرية تخصصية للدفاع الجوى .
  • علــوم هندسيـة . 

المؤهل الدراسى :

طورت الدراسة لتكون أربعة سنوات ميلادية، تتضمن دراسات جامعية إضافة إلى العلوم العسكرية، حيث يلتحق الطالب بالدراسة لمدة أربع سنوات يتخرج بعدها برتبة ملازم ويحصل على درجة البكالوريوس في العلوم العسكرية ثم يستمر سنة أخرى بالكلية يحصل بنهايتها على بكالوريوس الهندسة قسم الأتصالات والكهروفيزياء بالتنسيق مع كلية الهندسة جامعة الأسكندرية، ثم يحصل بعدها عل بكالوريوس العلوم الهندسية من جامعة الأسكندرية هندسة اتصالات

  • يسمح لخريجى كلـية الدفاع الجوى إستكمال الدراسات العليا فى الهندسه ( دبــلوم / ماجستــير / دكتوراه ) من كليــات الهندســة فى الجــامعات المصــرية

الكشف الطبي للكلية الجوية بالتفصيل


الكشف الطبي الخاص #بالكليه_الجويه

يختلف الكشف الطبي الخاص #بالكليه_الجويه تماماً عن الكشف الطبي للكليه الحربيه
__________________
- الأول لو انت الحمد لله عديت طبي حربيه تمام ومرشح جويه هتكشف اول يوم ضغط واشعه عالفك وتاني يوم عيادات 
- لو لا قدر الله طلعت من طبي حربيه واتحولت جويه هتكشف اول يوم عيادات و تاني يوم ضغط واشعه عالفك
يوم العيادات بيكون زي زي اول يوم طبي حربيه 
بتخش تكشف فكل العيادات بس فجويه مفيش التماس البيطلع فكشف مش بيكمل يأما بيقوله كمل حربيه لو لائق حربيه او مفيش نصيب وهات كارت التردد لو غير لائق حربيه
كشف الضغط
عباره عن غرفه زي الغواصه فيها كراسي مرصوصه فوش بعض وفي شباك ازاي علشان الظابط يشوفكوا من بره هتدخلوا وتقعدوا وفي واحد منكم الظابط هيختاره علشان يلبس سماعات علشان يديك الأوامر هتاخد معاك لبانه وبس مش هتاخد معاك اي حاجه تانيه لا ازازة مايه ولا ولاعه ولا اي حاجه هتحط اللبانه فوقك وتبدأ تمضغها الهتحس بيه فحالة انك سليم ان حد دايس علي ودانك بصباعه ومجرد متبلع ريقك هتلاقي الضغط ده راح او متخرج في دكتور انف واذن هيكشف عليك وهو هيحدد ازا كنت فئه أ او ب أو ج ومن هنا بيبدأ التصنيف خلصت علي خير بتروح تعمل حاجه اسمها اشعه عالفك
ادي كدا اول يومين
الأيام الجايه بقي بتبقي انت وحظك يعني ممكن انت انهرده عندك كشف وصاحبك عنده كشف تاني لان في كشوفات مثلا الدكتور بيبقي مشي فبتأجل لتاني يوم
الكشوفات الباقيه بقي عباره عن
- يوم تحاليل وده بتاخد فيه علبتين واحده لعينة البول وواحده لعينة البراز وبتسلم العينتين وتطلع الدور الثاني علشان تحليل الدم النتيجه بتطلع فنفس اليوم او بيقولك تعالي بكره اعرف النتيجه 
- يوم اشعه وده بيبقي اشعه عالصدر والحوض والعمود الفقرى
- يوم رسم قلب ومخ وسمع ورسم السمع ده من اصعب الكشوفات
رسم القلب عباره عن ان الدكتور بينيمك ويحطلك جيل علي جسمك ويعملك سونار لو نجحت هيقولك روح لمدام منى قولها رسم قلب بتنام وتحط جيل تاني ويتحطلك مشابك فأيدك ورجلك علشان رسم القلب
رسم المخ ده سهل جداً المطلوب منك انك تكون مسترخي وبس الدكتور هيلبسك زي خوزه قماش فيها اخرام وهيحط من الأخرام دي جيل وهتغمض عينك وتسترخي خالص
***رسم السمع وده ارخم كشف هتقابله والكشف الوحيد المسموحلك تعيده عباره عن غرفه بتدخل جواها وبتقعد علي كرسي وفي سماعه بتحطها علي ودانك وفأيدك جهاز شبه الأستوب واتش المطلوب منك انك كل متسمع صوت تضغط علي زرار فالأستوب واتش المعاك الأصوات بتكون ضعيفه جداً بالكاد مسموعه
- يوم للنفسي وده ارخم يوم واطول يوم انت هتقابله وده عباره عن 7 كشوفات الاول بتقعد علي جهاز كمبيوتر وبتجيلك فيه 6 اختبارات
1- 120 مسئله جمع وضرب وطرح وقسمه زمن الأجابه ميعديش 4 ثواني 
2- اشكال ناقصه وانت تكملها 
3- عدادين واحد للأرتفاع وواحد بصله بتشوف قرائت العدادات وبيجيبلك 4 اختيارات 
لشكل الطائره وانت تختار المفروض فوضع العدادات ده الطياره شكلها ازاي وباقي 
4- اشكال ناقصه تانيه وانت تكملها
اكشوفات كدا
خلصت خلاص الاسئله العلي الكمبيوتر بتروح لجهاز المحاكاه بتركب طائرتين واحده اكنك راكب طياره بجد وبتاخد التعليمات من عسكري بره وطائره تانيه فيها اختبارات التوازن والتوافق بين العين والأيد والرجل 
هيبقي يوم طويل خلصته علي خير هتستني النتيجه تظهر 
يأما هتخش #عرض_عام نفسي فنفس اليوم او اليوم البعده
عرض عام نفسي ده زيه زي الهيئه بتخش تعرف نفسك وانت فارد ايدك الأتنين لقدام والدكتور بيسئلك كام سؤال شبه الحدود والعواصم او مسائل ضرب انا سئلني 9X4 بكام وبعد ميسئلك هيشوف ايدك ازا كانت عرقت او لا لو عرقت للأسف بتطلع لو معرقتش يبقي هتكمل
بتيجي تاني يوم عرض عام انف واذن
كدا يعتبر الكشوفات خلصت للفئه ب و ج 
نيجي بقي للفئه أ ودول بيبقي ليهم كشوفات زياده
يوم للضغط العالي وده البيطلع فيه كويس بيفضل فئه أ البيتعب بينزل ب أو ج وبعديه اشعه عالفك
- يوم عرض عام نظر واشعه عالقرنيه ومجال رؤيه 
الأشعه علي القرنيه دي انت بتقعد علي جهاز وتبص فعدسه مفيش 5 ثواني وبتقوم وبتطلع اشعه فيها كل حاجه فعينك بالتفصيل
مجال الرؤيه ده عباره عن نصف كره فيها فالنص لمبه العسكري بيطفي الأوضه كلها وانت بتحط دماغك علي ساند علي اول نصف الكوره دي هيغميلك عينك برقعه بتاعة القراصنه وهتبص بعينك التانيه علي اللمبه دي فأيدك جهاز شبه الأستوب واتش هتشوف ومضات ضوء بتنور المطلوب منك كل متشوف ومضه تتك علي الزار الفأيدك
عرض عام نظر ده عباره عن مجموعة كشوفات لوحة علامات وكتاب لعما الألوان و قاع عين واختبار الحول عباره عن مسطره طويله فيها مسمار متحرك فنصها بيحط طرفها علي انفك ويحرك المسمار وانت لازم عينك تكون علي المسمار
كدا يعتبر انت خلصت كل حاجه تقريباً 
- نيجي بقي لأهم كشف #عرض_عام_قائد
وده برده زي الهيئه بالظبط بتطلع في اسانسير مع حظابط سيد الناس الراحت المجلس الطبي الجويه عارفاه كويس
هتقعد فمكتب كدا وتقلع هدومك معادا السلب الأبيض وهتفضل مستني لحد مفي لواء طبيب الهو مدير المجلس الطبي الجويه هيخش يكشف عليك بنفسه كل الكشوفات بتاعة العيادات علي السريع 
كشف عليك وطلعت تمام هيخرج هو يروح علي مكتبه وانت هتلبس هدومك وهتطلع تقف فالصف وتدخله اول متدخل هتقف ثابت وهيبص عليك كدا وهيسئلك شويه اسئله ده زيه زي الهيئه بالظبط اكنك فالهيئه والكشف ده هو بيشوف ملفك وبيشوف لو في اي ملاحظات او اي حاجه ممكن تطلعك 
لو سئلك فحاجه تجاوب بصراحه ومتخفش وتتكلم معاه كويس 
هيسئلك شويه اسئله شبه عواصم المحافظات و ممكن يديك اسامي 3 رسل ورتبهملي من حيث النزول
عجبته وطلعت تمام هيختملك الملف ويبقي كدا مبروك انت لائق جويه
لو فئه أ هياخد معاك من 9 لـ 11 يوم كدا
لو ب او ج هيكون اقل
وكدا تنتهي رحلتك فالمجلس الطبي الجويه
بالتوفيق للجميع

الكلية الحربية - كيفية ملئ ملف المرحلة الاولى



--(السلام عليكم ورحمة الله وبركاته)--

 زي ما قولنا هننزل بوست ازاى تملئ الملف ما لقيتش اسهل من طريقه اننا نمسك صفحه صفحه مع بعض كده براحه :-
اولاً :-
 احنا بنتكلم فى ملف المرحله الاولى وده الملف اللى هتسلمه ان شاء الله ومكتوب عليه ميعاد تسليمه وممكن بعده عادى وهو نفس الملف اللى محطوط عليه كارت ب طولك ووزنك اللى وزنتهم هناك وانت بتسحب الملف :-
 الجلده الزرقه اللى عليها الوزن والطول دى فيها بيانات عن الطالب وكلها واضحه ومفيهاش اى شئ اشرحه .
الصفحه ١ :-
صفحه صفراء دى ماتجيش جانبها سيبها.
بعد كده الصفحه ٤ :-
 ده إقرار ولى امرك اللى بيمضى عليه وانت كمان ولى الطالب ده ممكن والدتك فى حاله وفاه والدك مثلا يعنى الواصى عليك هو اللى هيمضى .
الصفحه ٥ :-
بتمضى انت ووالدك وتكتب الرقم القومى وتتأكد انهم ١٤٤ رقم وتمام ومحل الاقامه اللى موجود ف البطاقه وتحت مكتوب شهاده الشهاده دى تجيب ٢ شهود وتكتب الرقم القومى ليهم والوظيفه والرقم القومى تتأكد انه ١٤ رقم وماتنساش ختم النسر يكون واضح ده اهم حاجه .
الصفحه ٦ :-
 دى شهاده حسن سير وسلوك لو انت فى ثانوى بتوديها المدرسه اللى انت فيها وهى هتملأها ولازم تختملك بختم النسر ويكون واضح 
 طيب لو انت فى جامعه هتاخد الملف وتروح الجامعه هى هتملاها ليك وبردوا ختم النسر يكون واضح اهم حاجه وتحت فى اخر الصفحه خالص هتكتب اسمك رباعى والرقم القومى وانت اللى توقع وركز عشان هتلاقيها فى صفحات كتير .
الصفحه ٧ :-
 سيب خانه رقم القيد دى فاضيه واملأ بيانات الصفحه دى كلها واضحه عندك فى الصفحه دى السن فى .. هتكتب ١/١١ وتحسب سنك هيبقى كام فى ١/١١ الجاى 
 وعندك مكان سحب الملف طبعا اللى سحبت منه مثلا الكليه الحربيه وعندك الطول والوزن ده اللى انت وزنته فى الكليه وانت بتسحب الملف هتلاقى تيكت ع الملف من بره عليه طولك ووزنك هتكتبهم فى اخر الصفحه بيان اقرب الاشخاص للطالب الذى يمكن الاتصال به بواسطه الكليه لأى موقف .. ده اقرب شخص ليك تختاره مش شرط والدك ممكن اخوك الكبير ممكن عمك ممكن خالك بحيث لو حصل حاجه يكلموه هو وفى اخر الصفحه اسمك رباعى والتوقيع انت اللى بتوقع بإيدك .
الصفحه ٨ :-
 هتصور بطاقتك وجه لوحده وظهر لوحده عند اى حد بيضور ورق قوله كده هو هيعملهالك وتدبسهم ماتلزقش كله تدبيس وعندك تثبيت الصوره الكامله للطالب دى اللى اتصورتها فى سحب الملف هتدبسها بردوا .
الصفحه ٩ :-
رقم القيد هتسيبه فاضى وتملأ الصفحه دى كلها ٣٣ ث كلها واضحه طبعا بتجيب درجاتك وكل ده من بيان الدرجات بتاعتك بتنقل منها 
 فى اخر الصفحه عدد مرات التقدم للكليات شوف انت قدمت كام مره وحط رقم وسبب عدم القبول مثلا النتيجه النهائيه 
 تحتها البطولات الرياضيه دى مهمه هتساعدك وليك اولويه هتكتب اسم اللعبه وكل اللى حصلت عليه فى نفس اللعبه ف الخانه اللى جانبه مثال كمال اجسام .. اول جمهوريه -ثانى محافظه .. ده مثال 
 طبعا لازم تكون واخد بطوله فى اللعبه ما ينفعش مثلا تكون بتروح الجيم وتقول دنا بشيل حديد وكمال اجسام بس ما اخدتش بطوله لا لازم بطوله .
وتحت اخر الصفحه هتكتب اسمك رباعى والرقم القومى بتاعك والتوقيع انت اللى بتكتبه .
الصفحه ١٠ :-
صوره معتمده من شهاده المؤهل او بيان الدرجات بتاع الثانويه بتدبسه 
وتحت بتدبس شهاده ميلاد ليك .
الصفحه ١١ :-
 البطولات اللى انت كتبت انك واخدها كلها هتحط منها صور فى الصفحه دى تدبسهم لو واخد اول جمهوريه وممعكش شهاده ودبستها يبقى ولا كأنك واخد حاجه ..
الصفحه ١٢ :-
 لو انت فى الكليه بتجيب اثبات قيد من الكليه وتدبسه مثال انا فى تجاره عين شمس بجيب ورقه اسمها اثبات قيد من الشئون انى مقيد فى الكليه دى اللى هى تجاره عين شمس وبتدبسها ..
الصفحه ١٣ :-
 دى بيانات عن الوالد كلها واضحه عندك اجمالى الدخل السنوى للوالد بتشوف والدك بياخد كام مرتب من الشغل بالظبط وتحسب الفكه وتضرب الرقم * ١٢ عشان يطلعلك الدخل السنوى للوالد مثال والدى بياخد ١٠٠٠ صافى ١٠٠٠*١٢= ١٢٠٠٠ يعنى والدى بياخد ١٢ الف سنويا بكتب بالارقام والحروف 
 طيب تحتها مكتوب عقارات او املاك او مدخرات ف بنوك او اسهم خاصه بالوالد طب انا والدى معندوش بسيبها فاضيه طيب والدى معندوش حاجه الا البيت بتاعنا اللى عايشين فيه بكتب منزل مكون من ٣ ادوار مثلا ده مثال طب والدى ليه مدخرات فى البنوك بكتب كل التفاصيل واى حاجه هتكتبها بتجيب ورقه تثبت ب ده لو ممعكش ورق يثبت ما تكتبش ..
 الجزء اللى تحت لو الوالد متوفى كده كده الصفحه كلها حتى لو الوالد متوفى بتملاها وبتكتب الجزء اللى تحت انما لو الوالد عايش بتكتب الجزء اللى فوق وماتكتبش اللى تحت 
 طب لو متوفى هتكتب بيانات الوصى عليك والدتك او جدك الواصى عموما وبتجيب صوره معتمده من قرار الوصايه يعنى ختم النسر حى عليها وبتجيب بطاقه الواصى اللى كتبته وتدبسهم فى صفحه ١٤ وتملأ تحت اسمك رباعى وتوقع بخط ايدك وتكتب الرقم القومى ١٤ رقم ..
الصفحه ١٤ :-
بتدبس وجه وصوره بطاقه الواصى عليك وقرار الوصايه معتمد يعنى مختوم بختم النسر حى .
الصفحه ١٥ :-
 ده من شغل والدك روح شغل والدك وهما هيملوه وتحت بيمضى رئيس شئون العاملين ورئيس المصلحه واهم حاجه ختم النسر يكون حى وواضح وتحت خالص اسمك رباعى والرقم القومى وتوقيعك ..
الصفحه ١٦ :-
 وجه وضهر بطلقه الوالد وتحت بيان مؤهل الوالد او بيان الدرجات لو مش موجود معاك مثلا والدك مدرس بتروح اداره التربيه والتعليم التابع ليها وتطلعها عادى وهكذا ..
واقرأ تحت فى حاله ان والدك مش موظف وفى حاله الوفاه ..
الصفحه ١٧ :-
بيانات هتملأها لوالدتك كلها واضحه ذى ما مليت لوالدك فى صفحه ١٣٣ وهتشوف لو والدتك عندها املاك ذى ما رضحت فى صفحه ١٣ وتحت موجود بيانات عن الجدين للطالب واضحين وكله تمام واخر الصفحه اسمك رباعى والرقم القومى والتوقيع انت بتوقعه بنفسك ..
الصفحه ١٨ :-
 وجه وضهر بطاقه والدتك وتحت تثبيت الكارت الطولى للوالدين بيتصوروا وهما واقفين جانب بعض خلفيه بيضاء طب فى حاله الوالد متوفى او الوالده بتخلى اللى عايش بيتصور كارت طولى وتجيب صوره للمتوفى صغيره وتدبسها جانب الكارت الطولى وتكتب تحت نظرا لوفاه الوالد او الوالده طب لو منفصلين كل واحد بيتصور كارت طولى لوحده وبتدبسهم جانب بعض ..
الصفحه ١٩ :-
بتروح شغل والدتك وهيملوها من هناك ذى ما قولنا فى الوالد فى صفحه ١٥٥ وتحت بيوقع رئيس شئون العاملين ورئيس المصلحه وتختم ختم النسر ختم حى واضح وتحت اسمك رباعى وتوقيعك والرقم القومى ..
الصفحه ٢٠ :-
 صوره مؤهل الوالده او بيان درجات المؤهل بتجيبه من مصدر شغل والدتك ذى ما قولت فى الوالد فى صفحه ١٦ واقرأ اخر الصفحه كويس عشان لو الوالده فى حاله اعمال حره او فى حاله الوفاه ..
الصفحه ٢١ :-
 صوره من مستندات الاملاك او المدخرات او الحيازات او الاسهم الرئيسيه للوالد بتجيب صوره من الحاجات اللى كتبتها لوالدك ذى ما قولت مثال منزل مكون من ٣ ادوار بتجيب ورقه بتثبت ب ده وتدبسها وماتنساش اخر الصفحه تكتب اسمك رباعى وتوقع بنفسك والرقم القومى مكون من ١٤ رقم ..
صفحه ٢٢ :- 
نفس صفحه ٢١١ بس هنا للوالده وماتنساش اخر الصفحه اسمك رباعى والرقم القومى والترقيع بنفسك .. 
الصفحه ٢٣ :-
 بيانات خاصه ب اخواتك واضحه ومفيهاش حاجه وفى اخر الصفحه تحت بيقولك لو حد متوفى بتكتبه بردوا طب الخانات مش مكمله اخواتى مثلا بكمل فى صفحه خارجيه وادبسها رالكلام ده مكتوب فى اخر الصفحه وماتنساش اخر الصفحه اسمك رباعى والرقم القومى وتوقيعك ..
الصفحه ٢٤ :-
القيد العائلى للوالد وتحت ملحوظه مكتوب القيد يعتبر لاغى اذا مضى عليه اكتر من عام ..
الصفحه ٢٥ :-
 بيانات خاصه بالاعمام والعمات واضحه ومفيهاش حاجه هتكتب كل اللى طلعلك فى القيد يعنى انا عندى ١٠ اعمام ٤ ماتو صغيرين وطلعت القيد ما طلعوش ف القيد يبقى ما اكتبهمش ..
الصفحه ٢٦ :- 
القيد العائلى للجد من الوالد واضح ومفيهوش حاجه ..
الصفحه ٢٧ :-
الاخوال والخالات بياناتهم واضحه ومفيهاش حاجه ..
الصفحه ٢٨ :-
القيد العائلى للجد من الوالده ..
الصفحه ٢٩ :-
 مكتوب فوق بيان اقارب الطالب حتى الدرجه الرابعه اللى بيعملوا فى دول اخرى مثال ليا خالى فى السعوديه بكتب اسمه ثلاثى ودرجه القرابه الدرجه التالته الدوله السعوديه وسبب ومحل الاقامه العمل بالخارج وتكتب الوظيفه كده بخط صغير والجنسيه ... تحت مكتوب الاحكام الجنائيه والاجراءات الجنائيه التى اتخذت ضد الطالب او احد اقاربه حتى الدرجه الرابعه هتكتب الاسم ودرجه القرابه والحكم اللى عليه واضحه مفيهاش حاجه وتحت اسمك رباعى والرقم القومى وتوقيعك بنفسك ..
 الصفحه اللى بعدها ع طول هتحط صوره من اللى اتصورتها ف الكليه وانت بتسحب الملف ومش هتكتب اى حاجه الا المربع الرمادى اللى فى منتصف الصفحه بتملأها وبس الباقى ماتكتبش فيه حاجه هتلاقى بعد ورقتين صفحه ذيها هتعمل فيها نفس الكلام هتملأ الجزء الرمادى وتحط صوره ليك كده باقيلك الورقه الحمراء والخضراء والزرقاء ..
الورقه الحمراء :-'
دى تعتبر متلخصه فيها بيانات انت اصلا كتبتها ف الملف عنك واخواتك وواضحه ومفيهاش حاجه ..
 ماتنساش ان الورقه الحمراء ليها ضهر هتملاه بردوا فيه بيانات عن الاعمام والعمات والاخوال والخالات والجدين ..
الورقه الخضراء :-
 هتسيب خانه رقم القيد فاضيه وتملأ الباقى بيانات عنك واخواتك وفى ضهر الورقه بيانات ع الاعمام والعمات والاخوال والخالات وفى مربع سيبه فاضى ..
الصفحه الزرقاء :- 
 بيانات عنك وفى ضهرها اللى هى اخر حاجه خالص بره الملف مكتوب كود مؤهل الوالد وعندك ارقم فى جدول لو والدك بكالوريوس مؤهل عالى هتحط رقم ٦ مثلا وتحته مربع بتكتب كتابه بكالوريوس مثلا وكود مؤهل الوالده نفس الكلام ذى الوالد 
ملاحظاااات هامه :-
١١- انت بتكتب المرحله الاولى بالقلم الازرق والقلم اللى بتكتب بيه تاخده معاك وانت رايح شغل والدك او والدتك والمدرسه والجامعه وتديهم يكتبوا بنفس القلم عشان الخط وجيب قلم حلو والخط يبقى حلو وواضح .
٢- الاختام تكون واضحه وحافظ على نظافه الملف من القشط او الشطب 
٣٣- بالنسبه للموقع الالكترونى ماتفتحوش الا وانت جانبك كل بيانات العيله فى ورقه جاهزه جانبك لان الموقع الالكترونى بيقفل بعد ٤٨ ساعه من ساعه ما تفتح الموقع ع طول وبعد ما تخلص ع الموقع الالكترونى وحفظ البيانات وكله تمام هتسلم الملف بعدها بيومين لازم تستنى يومين عشان بياناتك تلحق توصل الكليه عشان ماترجعش ولينك الموقع بتاعك هتلاقيه فى ورقه فى الدوسيه .


(صور لبعض الصفحات الموجودة في الملف )









الاعلان عن قبول دفعه جديده بالمعاهد الصحيه للقوات المسلحه


صدق الفريق أول صدقى صبحى القائد العام للقوات المسلحة وزير الدفاع والإنتاج الحربى على قبول دفعة جديدة من المتطوعين لصالح المعاهد الصحية للقوات المسلحة (ذكور – إناث) من الحاصلين على الثانوية العامة أو الأزهرية (علمى علوم) خريجى العام الدراسى 2015/ 2016 ، 2016 /2017 وذلك بالمعهد الصحى ذكور بحوش عيسى، والمعهد الصحى إناث بأحمد جلال، والمعهد الصحى إناث بالجلاء، جاء ذلك خلال وقائع المؤتمر الصحفى الذى عقده اللواء طبيب مصطفى أبوحطب مدير إدارة الخدمات الطبية للقوات المسلحة.

الشروط المطلوبه
:
وأشار إلى شروط القبول وهى ألا يقل مجموع الطالب من الحاصلين على الثانوية العامة أو الأزهرية (علمى علوم) عن نسبة 60% وألا تقل درجة اللغة الإنجليزية عن 70%، وألا يقل السن عن 17 عام ولايزيد عن 21 عام فى الأول من أكتوبر2017، وأن يكون (الطالب / الطالبة) مصرى الجنسية ومن أبوين مصريين وليس عن طريق التجنس وأن يكون حسن السير والسلوك وغير متزوج / متزوجة ولم يسبق له / لها الزواج ولا يسمح بالزواج إلا بعد التخرج بنجاح والحصول على ترخيص مزاولة المهنة وأن يجتاز الاختبارات المحددة للقبول (طبية - نفسية – لياقة بدنية - كشف هيئة - التحاليل الطبية) كما يشترط موافقة ولى الأمر على الالتحاق بالقوات المسلحة وألا يكون قد سبق له الالتحاق بالقوات المسلحة وتم رفته ويحق للمعهد استبعاد من يتقرر عدم لياقته طبيًا من المقبولين فور إعلان نتيجة المناظرة الطبية النهائية ولا يحق للفرد المتقدم الالتحاق بالكليات والمعاهد التابعة لوزارة التعليم العالى التى تمنح درجة بكالوريوس التمريض.

مده الدراسه:

وأشار مدير الخدمات الطبية أن مدة الدراسة سنتان دراسيتان بالإضافة إلى 6 أشهر امتياز تدريب عملى بالمستشفيات وترخيص مزاولة المهنة تؤهل المتقدم للحصول على الدبلوم الصحى ويحصل الخريج على درجة رقيب متطوع بالقوات المسلحة يتدرج بعدها فى الترقى إلى الدرجات الأخرى، وتعتبر مناهج الدراسة بالمعهد الصحى للقوات المسلحة هى نفس مناهج الدراسة المقررة بالمعاهد المناظرة لها بوزارة التعليم العالى، ويتم إيفاد المتطوع / المتطوعة فى بعثات داخل وخارج الجمهورية للتخصص فى أفرع التمريض المختلفة، كما يحصل المتطوع على كافة الامتيازات والخدمات التى تقدمها القوات المسلحة طبقًا للقوانين والتعليمات المنظمة لذلك.

اماكن سحب الملف:
وأماكن سحب ملفات القبول من المعهد الصحى للقوات المسلحة ذكور بحوش عيسى، ومن المدرسة الثانوية العسكرية للتمريض ذكور بكوبرى القبة ومن المدرسة الثانوية العسكرية للتمريض إناث بالمعادى ومن المدرسة الثانوية العسكرية للتمريض إناث بالمركز الطبى العالمى ومن المدرسة الثانوية العسكرية للتمريض إناث بالإسكندرية ومن المدرسة الثانوية العسكرية للتمريض إناث بسوهاج وذلك اعتبارًا من 1- 31 / 7/ 2017، ويبدأ تقديم الملفات اعتبارًا من 15 /7 /2017 وأخر موعد لتقديم الملفات 6 /8 /2017، على أن يتم تقديم الملفات بالمدرسة الثانوية العسكرية للتمريض ذكور بكوبرى القبة والمدرسة الثانوية العسكرية للتمريض إناث بالمعادى.

تجارب التقديم - تجربة شخصية لاحد المتابعين احمد



انا الحمدلله كنت متفوق دراسيا وكان مستوايا كويس وجات النتيجه بما لا تشتهى الانفس

وجاتلى حاله نفسيه وحشه بس حمد الله وقولت اللهم لك الحمد رغم ان جاتلى منحه
المهم قدمت الملف واتكلت ع الله وامى كانت بتدعيلي عشان انا مغترب ومن اسوان كنت بشوفها فين فين ر
غم رفضها للموضوع
ودخلت السمات والحمدلله من الفرحه اعد صاحى من 4 الفجر لتانى يوم بحضر دخلت الطبي كنت بلاقى الدنيا متيسره وبدعى امى احس ان العسكرى بيختارنى ويقولى اركن ع جنب
ولائق وزمايلي يفتكروا معايا واسطه
والحمدلله عائلتى كويسه اجتماعيا وعندى ليا قرايب بس عشان انا ولله الحمد كنت حافظ كتاب الله مش بحب الواسطه
بس وعديت ووصلت هيئه وكان اى حد ف الكليه يعرف ان اسوانى يتعامل معايا بأحترام ويقولى انتوا اطيب ناس حتى ف الهيئه والحمدلله قدر الله ما شاء فعل ونزلت هيئه بردوا بسبب دعاء امى عشان مكنتش راضيه
وكنت عديت 4ايام جويه
المختصر والله الواسطه ما كل حاجه عندك ف البيت اللى الجنه تحت رجليها خد رضاها هتعيش صح والعكس
ولسه الحلم هقدم ممكن 3 مره

تجارب التقديم - تجربة شخصية لاحد المتابعين محمد سعيد



انا قدمت مرة بعد الثانوى سحبت ملف عادى نجحت سمات وعديت طبى ورياضى والنفسية والهيئة ودخلت عرض عام نجحت طبى متقدم ورياضى متقدم ومعلومات عن مصر واقسم بالله كل ده ببركة ربنا ومن غير واسطة خالص للان الواسطة كانت ربنا لدرجة انى مكنتش مصدق نفسى والله ازاى ده حصل المهم بعدها استنى النتيجة زى بقيت الناس اتأخرت عرفت من واحد(الله يرحمه) ان اسمى ف كشوفات المقبولين وانى الحمد لله نجحت وقالى متجبش سيرة لحد ما تبقى رسمى بعدها بكذاا يوم اتفاجأ يقولى واحد بواسطة جه طيرك وخد مكانك ف الكشف ملكش نصيب رضيت وقولت الحمد لله لو ليت خير فيها مكنتش راحت ونسيتها ومشيت ف كليتى عادى وعدت سنة ونجحت بامتياز ف الكلية وكنت خلاص اقسم بالله مش حاططهم ف دماغى اصلا بس قدمت تانى عشان خاطر أهلى وخصوصا (والدى)لأن كان زعلان جدا قولت ارضيه بس وصلت ان دكتور هناك مع الاحتفاظ يعنى ع كلمة دكتور سمعته ف الطبى بيقول ل زميله الطالب ده اللى هو (انا) عايش ب كليه واحدة هههههه طب ازاى التانية راحت فين دا انا كنت عندكو السنة اللى فات ايه اختفت ههههه والاتنين اقسم بالله قاعدين يسألوا بعض ومتوترين وانا حسيت أنهم مش فاهمين حاجة لانهم كانوا لسه صغيرين المهم طلعت بيقولى أعمل التماس وانا عشان مكنتش فارقة معايا بصيتله كده ب قرف وقولته شكرا مبعملش وخدت نفسى ومشيت طلعت كملت كليتى اللى برا والحمد لله خلصت السنة التانية واتاكدت ان لو ليا خير ف حاجة مش هتروح ل غيرى المهم الرضا وربنا يعوض

تجارب التقديم تجربة شخصية لاحد المتابعين احمد محمد عبد اللطيف


انا خريج ث عامه 2015 كنت جايب 93% عندى 20 سنه قدمت زى اى طالب بيحلم يخش كليه عسكريه عديت كل الاختبارات سمات طبى رياضى ووصلت الهيئه وكنت كاتب فنيه عسكريه رغبه اولى ومن بعد الهيئه اترشحت جويه رحت هناك ٣ ايام ونزلت فى كشف النظر ورجعت تانى الحربيه علشان اكمل اختباراتى كان يوم لا يعلم بيه الا ربنا يوم العرض العام الطبى مكنتش متفائل باليوم ده صاحى متأخر ومكنتش نمت اصلا والدكاتره اللى كانت فى اليوم ده معقدين نفسيا نازلين يسقطوا اى حد وخلاص بدون مايراعوا ربنا فى الكشف نزلت جلديه وطبعا المستشار كان جايله تليفون مهم راح مسقط كل اللى نزل ومشي علطول وقدمت تانى سنه بس مكنتش مقتنع اصلا بالتقديم زى اول سنه جالى عقده وسبت الكشوفات بعد ماعديت اول اختبار الخلاصه فى الموضوع ان مجموعك وواستطك لازما يكونوا موجودين معاك زائد مجهودك اللى بتبذله فى الاختبارات وبكده لو نزلت فى اى حاجه تبقى الواسطه موجوده تديك فرصه تانيه انك تعمل الاختبار ده او تنجحك وانا مكنش معايا الواسطه اللى تسندنى مع المجهود والتعب والسهر اللى بذلته علشان اخش بس فى الاول والاخر بحمد ربنا ع الكليه اللى انا فيها دلوقتى هندسه واستفدت منها حااجات كتير غير الدراسه اللى ربنا موفقنى فيها الحمد لله

الكلية الحربية - اسئله طُرحت بخصوص سحب الملف والاجابة عليها


السلام عليكم يا شباب
البوست ده مهم لكله وبالأخص طلاب ٣ ثانوى :-
طبعا طلاب ٣ ثانوى مش فاهمين اى حاجه او المعظم منهم ولا فاهمين هيقدموا ازاى ولا امتى .
بمعنى انا فى ٣ ثانوى وعاوز اقدم حربيه بس مش عارف ازاى ولا فاهم حاجه .
بص يا باشا انت حاليا فى فتره امتحانات ركز فيها انت عشان تقدم فى الكليات العسكريه اللى هما ( حربيه،بحريه،جويه،طب عسكرى،فنيه عسكريه،دفاع جوى ،معهد فنى قوات مسلحه) بتسحب ملف من الكليه الحربيه الملف ده لكل الكليات دى هو ملف واحد المكان اللى بتسحب منه هو الكليه الحربيه وسحب الملف فتح من يوم الاحد اللى فات ١١/٦ ومستمر حتى ١٥/٨ .
طيب انت بتمتحن فعشان كده ركز فى امتحانات وقدامك شهر ونص لسه تسحب فيهم الملف خلص امتحاناتك وروح اسحبه مابتفرقش اللى سحب الاول من اللى سحب فى الاخر اهم حاجه تسليم الملف لو عاوز تبقى فى الاول سلم بدرى مش فى الاول يعنى ليك اولويه لا انت هتبقى اختباراتك بدرى والكل ذى بعض الاول ذى الاخر .
انت بس بتسحبه فى الاول عشان تلحق تملأه وتجهز ورقك وده كله ..
طيب الكليه بتفتح ان شاء الله من الساعه ٥ صباحا بتبدأ تدخل الناس عاوز تروح بعد كده مفيش مشاكل اخرك ٨.٣٠ كده مثلا يعنى روح ٨ عادى او ٦ فى اى وقت من ٥ ل ٨.٣٠ ص .
طيب انا بعد ما هاروح اسحب الملف او هسحبه ازاى فيه مقالات بالموقع هنا تشرح دا تقدر تعرف هتسحب ازاى طيب بعد ما تسحبه هيكون مكتوبلك ميعاد ع الملف تسلمه فيه ان شاء الله او بعده عادى طول فتره تسليم الملف مفيش مشاكل مش لازم يكون فى نفس التاريخ المكتوب .
وسحب الملف اللى فتح مالوش علاقه بطلاب ٣ ثانوى عشان الناس اللى سألت ازاى سحب الملف فتح والطلاب بتمتحن عادى لانه مش اختبار ده انت بتسحب الملف وتملأه عشان تلحق تملأه واللى ورقه مش جاهز وكل ده بس التسليم اللى بيبقى بعد النتيجه ان شاء الله .
وبالنسبه للى فى اولى جامعه ان شاء الله انت بتحتاج بس حسن سير وسلوك من الكليه واثبات قيد ودول من شئون الطلب اثبات القيد انك مقيد فى الكليه يعنى دى اسئله اتسألت كتير يا شباب

بالتوفيق

معسكر 15 مايو للتأهيل العسكري " بجمصة "


بسم الله الرحمن الرحيم . .
السلام عليكم ياشباب كنا رفعنا بوست من يومين إن احنا هنعمل معسكر وهنعلن عنه قريب وكده 🙂 , من زمان من وقت إنشاء الصفحة دي واحنا نفسنا بجد ننزل ونساعدكم ونفيدكم علي أرض الواقع بعيدا عن السوشيال ميديا 🙂 . .
بالتعاون مع كل من
☆معسكر اللجنة الرياضية
☆ بيدج التقديم للكلية الشرطة-الكلية الحربية
☆وزارة الشباب والرياضة
◆ هيتم عمل معسكر تأهيل بدني وعسكري وفكري وزرع روح القياده من خلال فترة التأهيل داخل المعسكر وهيكون مدته من شهر ل 45 يوم إن شاء الله 🙂 . .
◆ إن شاء الله هيكون في ندوة في" نادي القوات المسلحة بجمصه " تاني يوم العيد هنعملها للطلاب كلها الدعوة عامة . .
◆ المعسكر حكومي وحاصل ع موافقة وزارة الشباب والرياضة والأمن الوطني 🙂 . .
■ برنامج المعسكر 😉 ■
◆إقامه كاملة (فندق ومخيمات)
◆ملاعب 11*11 نجيله
◆ملاعب بلاط
◆مطبخ كامل
◆مسجد
◆أماكن للعقل والتمرين
◆دورات ترفيهيه (كره قدم)
◆تأمين وحراسه على المعسكر
◆قاعة محاضرات على أحدث مستوى لإلقاء محاضرات التأهيل العسكري والقياده
◆تدريب رملي ومياه على شاطئ البحر (وذلك لموقع المعسكر الإستراتيجى)
◆تدريب الفنون القتاليه والدفاع عن النفس
◆5 فترات تدريب لياقة بدنيه
◆مارثونات
◆ضاحية علي البحر يوميا
◆جيم
◆سباحة
◆قفزات ثقة
◆رحلات ترفيهيه للمدن السياحيه المجاورة
◆ملئ الملفات العسكرية
◆متابعه دوريه للطالب ومتابعته أول بأول فى جميع إختباراته
◆كشف طبي شامل تحاليل الدم والبول والبراز وفيرس CC ووظائف الكلى والكبد وجميع الكشوفات الظاهرية مماثلة لكشوفات الكلية الحربيه
◆مساعدة الطالب ف كيفية إجتياز إختبارالهيئة
◆أسئلة السمات الشخصية
◆أتوبيسات لنقل الطلبة للكلية الحربيه لأداء الإختبارت
◆ وإيماننا منا بأن المعسكر ليس للتأهيل العسكري يسعي هيئة وادارة المعسكر لزرع روح القياده بداخل الطالب من خلال كورس كامل للتنميه البشريه (محاضرات قياده)
◆توفير أنشطه رياضية مختلفه
وهناك العديد من المفاجات لم يتم الإعلان عنها الآن
---------------------------
★★ثمن المعسكر شامل الاقامة★★
850 جنيه فقط مدعم من وزارة الشباب والرياضة وخدمه من البيدج للطلبة
ملحوظة: فى حالة تعذرأي طالب علي دفع المبلغ يتواصل مع إدارة البيدج وهي كفيلة بدفع مصاريفه إن شاء الله 🙂 . .
---------------------------
كيفيه الاشتراك/ لم يتحدد تحديد طريقة الإشتراك حتي الآن وفي خلال يوم أو يومان سوف يتم الإعلان عن كيفية الحجز وكافة التفاصيل 🙂الأتوبيسات سوف تتحرك من محافظات
الإسكندريه/ أمام محطة الرمل
المنصورة/ أمام استاد المنصورة
القاهره/ رمسيس
أماكن الحجز
الإسكندريه/ نادي سيتيا الرياضي _ سموحه
مشرف الحجز بالبحيرة وإسكندرية كابتن _أحمد الفحل " 010152827477 "
الدقهليه ودمياط/ معسكر اللجنه الرياضية بجمصه للإستعلام : " 01093936644 "




اللي حابب يشارك معانا في المعسكر يسجل بياناته في الإستمارة الإلكترونية دي وإن شاء الله هنكلمه عشان نأكد علي الحجز إن شاء الله . .



لسه في مفاجآت وحاجات بنخطط نعملها إن شاء الله تابعونا 😉ياريت كل اللي يشوف البوست ده يعمله شير عشان يوصل لأكبر عدد من الطلبة والكل يستفاد بإذن الله ♥ . .




المسجد الخاص بالمعسكر 


ملعب المعسكر 


مكان قائد المعسكر 


الضاحية علي البحر يوميا 


مكان مخصص للتدريب علي العقلة 



فندق المعسكر 



المكان المخصص للتدريب علي الرمال 




صالة الجيم 


ملعب المعسكر من الأعلي 



المعسكر من الأعلي




خيم الإقامة في المعسكر


الكلية الحربية

عرض المزيد »

كلية الشرطة

عرض المزيد »