كلية الشرطة - الاوراق المطلوبه ف الملف وسحب ملف شرطه ذكور



مكان سحب الملف 
 
اكادمية الشرطه التجمع الاول بوابه رقم 5

الموصلات

وجه بحري :

- لو هتركب عربيه هتنزل عند الدائري هتلاقي ف عربيات بتحمل شرطه هتنزلك قدام بوابة السحب

- لو قطر هتنزل رمسيس ختعدي الجمب التاني عند جامع الفتح هتلاقي عربيات بتحمل شرطه هتنزلك قدام بوابة السحب

وجه قبلي :
 هتنزل رمسيس هتعدي الجمب التاني هتلاقي عربيات بتحمل شرطه عند جامع الفتح هتنزلك قدام البوابه


الاوراق المطلوبه

بالنسبه لظباط وظابطات التخصص فى كليه الشرطه .

المطلوب منك اول يوم

طبعا مفيش تقديم على النت الكل يروح على الكليه على طول
  1. عدد 6 صوره شخصيه4*6 خليهم بزيادة
  2. بطاقتك الشخصيه
  3.  200جنيه رسوم سحب الملف لو ازيد يكون افضل للاحتياط
  4. شهاده الكليه

وبالنسبه للناس اللى لسه مطلعتش شهاده الكليه هتجيب افاده من الكليه انك نجحت بتقديرك وتخصصك

الاوراق المطلوبة ف الملف
  1. شهادة حسن سير وسلوك مرفقة بالملف يتم تحريرها بمعرفة الكلية المقيد بها الطالب
  2. صورة وجه بطاقة الطالب – صورة ظهر بطاقة الطالب
  3. صورة معتمدة من شهادة المؤهل أو بيان الدرجات
  4. أصل شهادة ميلاد الطالب المميكنة
  5. صور من شهادات التفوق الرياضي معتمدة من الاتحاد الرسمي للعبة إن وجد
  6. موقف الطالب من التجنيد أو نموذج 110 جند
  7. قيد عائلي للوالد
  8. قيد عائلي للجدين

في حالة عمل والد أو والدة الطالب بالأعمال الحرة يتم إرفاق المستندات التي تثبت ذلك من خلال البطاقة الضريبية والسجل التجاري أو حيازة الاراضى الزراعية أو خلافه

في حالة سفر الوالد أو الوالدة للخارج يتم عمل توكيل لأحد الأقارب للتوقيع على الملف مع إرفاق صورة التوكيل المعتمد من جهة إصداره وصورة بطاقة الوكيل وصورة جواز السفر وصورة عقد العمل موثق من الخارجية وشهادة تحركات من مصلحة الجوازات والهجرة من مجمع التحرير

في حالة وفاة الوالد ترفق شهادة الوفاة أما إذا كان أحدهما أو كلاهما بالمعاش يرفق بيانات المعاش معتمدة من المعاشات أو جهة العمل قبل الخروج على المعاش

صورة وجهة بطاقة الوالد – صورة ظهر بطاقة الوالد

صورة معتمدة من مؤهل الوالد إن وجد

صورة وجه بطاقة الوالد صورة ظهر بطاقة الوالدة

كارت طولي للوالدين معا وفى حالة الطلاق أو الانفصال أو السفر لأحد الوالدين يتم تثبيت صورة منفردة مع كتابة السبب خلف الصورة وفى حالة وفاة أحدهما يتم تثبيت صورة للذي هو على قيد الحياة

صورة معتمدة من مؤهل الوالدة ان وجد

صورة من مستندات الأملاك والمدخرات للوالد والوالده

------------
الاوراق المطلوبه فى القيد العائلى اول حاجه انت هتعمل 3 قيد...

والدك

جدك من ناحيه الوالد

جدك من ناحيه الوالده

اولا قيد الوالد ....

صوره من بطاقه الرقم القومى للوالد او شهاده الميلاد<كمبيوتر> فى حاله الوفاه

صوره لبطاقه الرقم القومى للوالده او شهاده الميلاد كمبيوتر

صوره من شهادات ميلاد الابناء (اخواتك يعنى) كمبيوتر

صوره من وثيقه الزواج فى حاله تعدد الزوجات

صوره من وثيقه الطلاق فى حاله وجود واقعات طلاق

صوره لشهاده الوفاه فى حاله وجود حالات وفاه لأى فرد من افراد الاسره

ثانيا : القيد العائلي للجد ابو الوالد ..

صور بطايق الابناء بما فيهم والدك

صورة بطاقة جدك

صور بطاقة جدتك لو عايشين .. لو متوفيين اللي متوفي فيهم تطلعله شهادة ميلاد ووفاة كمبيوتر

ثالثا : القيد العاءلي للجد ابو الوالدة

صور بطايق الابناء بما فيهم والدتك

صورة بطاقة جدك وصورة بطاقة جدتك واللي متوفي فيهم تطلعله شهادة ميلاد ووفاة كمبيوتر

ملاحظات

شهادات الميلاد تغني عن صور البطايق وصور البطايق تغني عن شهادة الميلاد

وقيد الجد لابو الوالده نفس نظام ابو الوالد

بتسحب الملف وفى نفس اليوم بتمتحن قدرات

وهتسجل على النت هناك وتاخد رقم

وتعرف نتيجتك وموعد الاختبار اللى بعدو من على النت او هيتصلوا بيك

اول يوم هتسحب الملف هتمتحن قدرات

يعنى اسئلة عامة عن مصر ( تاريخ - جغرافيا - رياضة )

لو نجحت وظهر ع النت لائق هتروح فى اليوم اللى اتحدد ليك تقيس وزن وطول

لو نجحت وظهر لائق هتروح فى الميعاد اللى اتحدد ليك علشان تمتحن طبى

18 facebook

بس مكتوب عندي 6 صور و200 جنيه الاستماره

متاح للمتزوجين ومده الاكاديميه اد ايه

لو سمحت لو الوالدة معاها جنسية دولة أخرى بس هي دوله عربية هينفع اقدم

للاسف لازم تكون مصرية

انا معهد خاص بتقدير مقبول كليه تجاره شعبه محاسبه ليا حق التقديم

انا فى واحد الجاى هتم٢٧ سنه ومتزوج وخريج ٢٠١٥ ومن العريش ليا تقديم ولا لا

لو معايه ماده وهمتحنها في شهر 8 والتقدير معدي الجيد ينفع أقدم مع أن النتيجه هتظر في أول شهر 9 انت علوم اداريه قسم محاسبه بكالريوس تجاره
ممكن الافاده ضروي

حضرتك ممكن تفهمني اكتر عشان مش فاهم بصراحه انا لسه مخلص تالته ثانوي ادبي جايب 83.65% من اسكندريه هو الملف يتسحب من القاهره فقط ؟

انا الشهاده بتاعي هتطلع فى شهر 10 ينفع اقدم ولا ايه

دلوقتي مطلوب السنة دي كلية تربية نوعيه قسم تكنولوجيا و ده قسمي و جايب تقدير زي مهو مطلوب هل شرط اكون داخل الكلية من ثانوي عام عشان اقبل ف الضباط المتخصصين انا داخل الكليه من ثانوي نظام خمس سنوات

هو ينفع اسحب الملف لاخويا ولا لازم يسحبه بنفسه

حضرتك انا كلية علوم قسم كيمياء خاصة
دا مطلوب فى تقديم الضباط االمتخصصين ولا لا

ايه هي الاوراق المطلوبة لسحب ملف الشرطه

حضرتك انا جايب مقبول وكنت عايد سنه قبل كده خريج كليه حاسبات ومعلومات ينفع اقدم ولا لا وشكرا

الجامعات الخاصه ليها حق تقديم عادي ولا

اخر ميعاد لتقديم متخصصين شرطه امته ؟؟؟