اسئله شامله باجابتها لتقديمات ثانوي ف الجيش والشرطه



الموضوع عباره عن الاتي :

اولا : اسئله خاصه بمواعيد وسحب الملف

ثانيا : اسئله شامله لبيانات الملف وعن الاوراق المطلوبه ف الملف سواء مؤهلات او قيود ... الخ

ثالثا : اسئله وشرح وتوضيح ليوم سحب الملف

-------------------------------------------------------

س1- سحب الملف الحربيه وشرطه هيبدا امته ؟

الكليه الحربيه هتيبدأ : ف شهر 7

كلية الشرطه هتبدا امته : ف اخر 7

س2 : الدخول من بوابه كام ؟

- سحب وتسليم

اولا : السحب بوابه 3

ثانيا : التسليم بوابة الاستاد

س3 : ممكن اخد الفون عادي معايا ؟!

اه ممكن تاخده بس هتسلمه ف الامانات مش هتدخل بيه

س4 : ايه المطلوب لسحب الملف ؟! ولازم اكون حالق شعر ودقن ؟!

بالنسبه للحربيه

اولا : هتسحب الملف بالبطاقه فقط 

ثانيا : مش لازم بس الافضل تكون حالق لانك هتتصور والصور هتدبس ف الملف ( خفف ) وممكن لو لقي شعرك طويل او دقنك طويل هيتنك عليك ويقلك دا منظر واحد عاوز يعيش الحياه العسكريه

بالنسبه لكلية الشرطه

هتسجل ع النت الاول وبعد كدا هيحددلك معاد تسحب فيه الملف هتاخد معاك البطاقه و ثمن الملف وطبعا هتجمع معلومات اسرتك ف ورقه وهتاخدها معاك بالاضافه الصوره ال هتطبعها بتاعة رقم الملف ال بتظهرلك لما تسجل ع النت وشهاده الثانوي

س5 : ايه ال هيتم ف يوم سحب الملف ؟!

هتروح بدري وتكون هناك الساعه 6 او 7 بالكتير عشان تنجز وتخلص بدري وتكون حالق وظابط حالك ولابس لبس كويس ومحترم وممكن تاخد الفون معاك عادي هتدخل من بوابه رقم اربعه هيشوف بطاقتك وانت داخل ع البوابه بعد كدا هتدخل هتقعد ع كراسي تخت مظله ع حسب تخصصك والضابط بيشرح الاعلان وبيقول ع التخصصات المطلوبه بحيث لو تخصصك مش مطلوب متسحبش وتخسر نفسك بعد كدا هتتوجه ع منافذ بيع الملف هتديله بطاقتك  وبعد كدا هتتوزن وهيقيس طولك بعد كدا هتروح تتصور وبعد ما تتصور هتدخل قاعه الضابط هيشرحلك ملئ الملف ف انت تكون مركز وتراجع ملفك ورقه ورقه عشان سعات بيكون ناقص ولو لقيت ورقه ناقصه هتلاقي ف عسكري قاعد هتاخد منه الورقه الناقصه بعد كدا هتستلم صورك ومع السلامه تروح

س6 : لو ف بيانات الاعمام الاخوال الخانات مش مكفيه اعمل ايه ؟!

هتجيب ورقه خارجيه وهتسطرها زي ال ف الملف وتكتب فيها الزياده وتدبسها ف الورقه ال ف الملف

س7: بالنسبه للاتنين الشهود اجبهم منين ؟؟

اي اتنين موظفين ف اي مصلحه حكوميه ( مدرسه - معهد - كليه - اي اداره حكوميه) يمضوا والمدير يمضي ف خانة الشاهد التالت ويختم بختم شعار الجمهوريه

وتتاكد من انهم كتبوا ارقام بطايقهم

س8 : لو والدي / والدتي احدهم متوفي اكتب ايه ف ورقة بيان حالة الوظيفه ؟!

بص اي حد متوفي سواء والدك او والدتك او اي حد قريبك بص ع الورق ال ف الملف الخاصه بيهم فوق وتحت لو لقيت جمله ( تملي البيانات ف حالة الوفاه ) يبقا تكتب وظيفته او مؤهله او اي حاجه مطلوبه منك قبل الوفاه

س9 : لو والدي / والدتي بالمعاش اكتب ايه ؟!

زي موضحتلك ف السؤال ال قبل دا تبص فوق وتحت لو طالب منك تملي البيانات بتعته هتملاها من وظيفته ال كان فيها قبل ما يطلع ع المعاش مش من المعاشات

ولو مطلبش هتجيب سيرك بالمعاش بتاعه مختوم وتدبسه

س10 : طب بالنسبه لختم المعاشات سعات مبيكونش واضح ؟!

حاول تعرف المكتوب ف الختم لان ممكن الظابط هناك لو شافه مش واضح هيقلك اقرا المكتوب ومتقلقش

س11 : احسب سني ازاي ؟!

هتحسب سنك من ساعة ما اتولد باليوم والشهر والسنه لغاية 1/11/2017 هتنقصه

س12 : طب بالنسبه لسن الاقارب احسبه ازاي ؟!

هتحسب سنه من ساعه ما اتولد بالسنين فقط لغاية 1/11/2017 او لغاية الان عادي

س13 : طب انا معاد تسليمي عدي اعمل ايه او معاد تسليمي يوم كذا ومش هلحق اقدم ف المعاد ال مكتوب ع الملف ؟!

بص انت ليك تقدم ف اي يوم بعد المعاد المتحددلك ع الملف لكن مينفعش قبله ومعاك لغاية 29 ديسمبر

س14 : طب ورقة حسن السير والسلوك اختمها منين ؟!

من كلية حضرتك وتاخد الملف معاك وانت رايح

س15 : طب بالنسبه للتحريات هتبدا من امته ؟!

التحريات بتبدا من ساعة ما تسلم ملف المرحله التانيه وكورسات التعارف لان الكورسات دي بتتوزع

واحده للامن الوطني تقريبا وواحده للمدريه وواحده للقسم التابع ليهم الطالب ف محافظته

بالنسبه للاوراق المطلوبه ف الملف بالنسبه للمؤهلات

س1 : لو والدي / والدتي ملهمش مؤهل ( مش متعلمين) اعمل ايه ؟!

هتكتب لايكن وبس ومش لازم مؤهل طالما مفيش

س2 : طب لو هما معاهم مؤهل وكتبته ف الملف بس مجبتش المؤهل ودبسته؟!

هيرجعك تجيبه لان طالما كاتب المؤهل بتعهم يبقا لازم اثبات ع كدا

س3 : طب مؤهل والدي / والدتي ابتدائيه او اعداديه ؟!

هتروح الاداره التعليميه التابعه ليهم هطلع مستخرج رسمي وبيطلع وانت واقف

س4 : طب مهما طالبين مؤهل من متوسط وطالع وابتدائي واعدادي منخفض ؟!

هرد عليك واقلك بص ف اخر ورقه ف الملف ال هي بالازرق تقريبا ف ضهرها هتلاقي مكتوب المؤهل وتحتيه ابتدائي اعدادي دبلومات ... الخ

س5 : طب لو الاصل بتاع المؤهل معايا ومش عارف اطلع صوره طبق الاصل ومحتاج الاصل مش هينفع ادبسه اعمل ايه ؟!

بص اي ورقه ف الملف مطلوبه منك صوره طبق الاصل ومعاك الاصل ومش عارف تعتمده ( تختمه ) هتصور الاصل وتاخد الاصل والصوره معاك والضابط هيطلع ع الاصل وهياخد منك الصوره

س6 : طب لو المؤهل معهد او كليه اجيبه ازاي ؟!

بص غالبا المعهد او الكليه مؤهلاتهم والدك او والدتك لو بيشتغلوا بيقدموهم مع ورق الشغل اكيد هتلاقي الاصل ف شغله / شغلها هتصوره وتختمه عادي من شغلهم

او تروح لوزارة التعليم العالي التابع ليها المؤهل وتطلع مستخرج رسمي

س7 : طب ادبس الورق ولا اجيب صبغ كويس واستخدمه ؟!

متستعملش اي صبغ الورق كله يدبس ولو ف ورق ف نص الصفحه تدبسه بدباسه كبيره عشان توصل للمكان ال هتدبس فيه

بالنسبه للقيود ومشاكلها توضيح :

بينطلب منك 3 قيود ( قيد للوالد - قيد للجد من نحية الوالد - قيد للجد من نحية الوالده )

قيد الوالد لازم يكون مميكن ومن غير اخطاء ومينفعش تعزر ليه

قيد الجدين مميكن او ورقي عادي وينفع تعمل تعزر بس هيتقبل مرحله اولي اما الثانيه اتقبل السنه الفاتت عادي 

س1 : طب لو قيد الوالد ف مشكله وهما مش بيقبلو تعزر ليه اعمل ايه ؟!

بص هتروح تسلم ملفك من غيره عادي لكن هتمضي ع اقرار انك هتسلمه قبل الهيئه يعني تبدا ف تصحيحه ف اقرب وقت ممكن

س2 : طب لو عملت قيد الجدين ورقي او مميكن وفيها غلطات زي مثلا ( مذكرش عمي او خالي - ذكر عمي او خالي بس متوفي ووهو حي - ذكر عمي او خالي حي وهو متوفي ) اعمل ايه ؟!

حضرتك هتعمل تعزر وهتختمه من العباسيه وتبدا تشوف المشكله وتحلها لانك لازم تسلمه ورقي او مميكن ويكون صحيح ف المرحله التانيه ودا لمصلحتك

س3 : طب التعزر بيحتاج اي ورق عشان يطلع ؟!

لا انت / انتو هتروحو السجل هتشتروا ورقة التعزر ب جنيه وربع وبعد كدا تملوا الورقه وتختموها من نفس المكان

س4 : طب لو جدي مولود من قبل ال الستينات مثلا وطبعا ف الوقت دا البطايق كانت ورق والكلام دا وملهوش ورق اعمل ايه ؟!

الحاله دي بالذات لازم تعمل قيد ورقي مش مميكن

س5 : طب امته اعمل قيد ورقي وامته اعمل قيد مميكن وهل الورقي بينقبل ؟!

اولا : القيد الورقي دا بيتعمل ف حالات لو جدك مثلا ملهوش بيانات ع الكومبيوتر او احد عمامك او خلانك ف الحاله دي لازم ورقي لانه بيبقا كتابه وبيوضح كل حاجه

ثانيا : المميكن دا تعمله ف حاله واحده لو كل الاوراق المطلوبه لاستخراج القيد موجوده ومتسجله ع الكومبيوتر ومفهاش غلطات لان لو فيها الكومبيوتر هيطلعلك القيد ناقص

ثالثا : القيد الورقي بينقبل

بالنسبه للاوراق الاخري ال متذكرتش فوق

س1 : لو انا معايا شهادات رياضيه ع مستوي المحافظه او الجمهوريه ادبسها وهتفدني ولا لا ؟!

اه طبعا تدبسها وهتلاقي ليها ورقه لوحدها ف الملف وهتفيدك جدا جدا ويوم الاختبار الرياضي بعد ما تخلص الضابط هيقول مين ال واخد شهادات ف اي رياضه تقوله انا لانه هيعملك اختبار ع الرياضه بتعتك وهيديك درجات زياده وهيوضحها وهتفيدك ف قبولك ف الهيئه جدا وممكن تكون سبب ف دخولك الكليه

س2 : طب بالنسبه لو والدي / والدتي واحد فيهم متوفي اعمل ايه ف كارت الطولي بتاع الوالدين ؟!

هتصور والدتك / والدك ال ع قيد الحياه فيهم وهتدبسه

س3 : طب لو هما منفصلين اعمل ايه ؟!

هتصور كل واحد لوحده وهتكتب ع الصوره من ورا سبب الانفصال وتدبسهم

س4 : طب بالنسبه للمدخرات والاملاك اقدم الاصل ولا الصوره ؟!

هتقدم الصوره طبعا بس هتاخد الاصل معاك للاطلاع وتكتب ع ضهر الصوره اقر انا ... ان هذه الصوره طبق الاصل وهذا اقرار مني بذالك

س5 : طب لو بطاقة والدي / والدتي منتهيه اعمل ايه ؟!

تروح تطلع واحده مستعجل هتطلع ف يومين

س6 : طب بالنسبه للفيش بينطلب مرحله اولي ؟!

لا مش بينطلب ف المرحله دي بينطلب ف التانيه وتعمله وتاخده معاك وانت بتسلم ملف المرحله التانيه

س7 : طب بالنسبه للصور ال مطلوبه ف الملف احط الصور ال اتصورتها ف الملف ولا اتصور بره ؟!

طبعا هتدبس الصور ال اتصورتها ف الملف

س8 : طب الكارت الطولي ادبسه لوحده ولا بالصور ال ملزوقه فيه ؟!

هتشيل الصور ال ملزوقه فيه وتدبس الكارت لوحده

ملحوظه : الاوراق ال تدبس يا تكون الاصل يا تكون صوره معتمده يا تاخد معاك الاصل والصوره

ولو هتاخد الاصل للاطلاع والصوره تكتب ع ضهر الصوره اقرا ان..... ان هذه صوره طبق الاصلا وهذا اقرار مني بذالك

الاختام تكون واضحه ولازم تتاكد من كل الاوراق قبل ما تروح تسلم الملف
------------------------------------

بالنسبه للملف الالكتروني :

اولا : موقع الملف هتلاقيه موجود ف الملف الورقي او هتدخل ع موقع الكليه الحربيه هتلاقي ع الشمال مكتوب المنظومه الالكترونيه هتدخل عليها هيظهرلك مربعين كما هو بالشكل




هتدخل ع المربع ال ع اليمين ملكش دعوه بال ع الشمال

هتسجل بياناتك ويفضل تكون ف سيبر او ف مكان ف مطبعه عشان تطبعه

ملحوظه : حاول تملي الملف قبل ما تنوي انك تسلمه بيومين دا الافضل

لو ف اي مشكله معاك ومش عارف تسجل !
حاول تفتح من متصفح تاني او سجل تاني يوم

بالنسبه للاشخاص المتوفيين هتكتب اسمهم وف خانة السن صفر

- راجع بياناتك مره واتنين وتلاته قبل ما تطبع

بالنسبه ليوم تسليم الملف

س1 : رقم القيد هاخده امته ؟!

هتاخده ف اليوم دا بعد ما الظابط بيراجع الملف ويختم عليه ختم روجع هتروح تسلم ملفك ف شباك ع حسب تخصصك وهيلزقلك رقم القيد ع الملف وكرت التردد ال استلمته يوم سحب الملف

س2 : هختبر سمات ف اليوم دا ؟! وهتكون عباره عن ايه ؟ ووقت اد ايه ؟!

اه هتختبر سمات - هتكون عباره عن نماذج كل نموذج فيه 25 سؤال اسئله عامه وهندسيه وحسابيه اختياري و6 اسئله مقاليه مش اختياري - ف وقت ربع ساعه لكن هيجي بعد 6 او 8 دقايق وهيقلك سيب القلم وهيلم الورق

س3 : طب لو سبت اسئله محلتهاش هسقط ؟!

قولت وهقول تاني نجاحك ف السمات مش بيعتمد ع الاختبار ذات نفسه بيعتمد ع هيئة ملفك

س4 : طب اعرف ازاي النتيجه دي هتبان امته ؟!

الضابط هناك هيقلكوا بعد ما بتختبر او قبل

النتيجه هتبان يوم كذا فتركز زي ما ناس قالتلي مقلش وناس كانت معاهم ف نفس اليوم اكدولي انه قال فتركزو ف اليوم دا

س5 : طب المده ال بين الاختبار وظهور نتيجه السمات اد ايه ؟!

بتكون اسبوع

س6 : طب المده بين نتيجة السمات والطبي اد ايه ؟!

بتكون اسبوعين او اقل من اسبوعين

س7 : طب هعرف ازاي اني نجحت سمات ؟!

هيبعتولك رساله بالنجاح وال هيسقط احتمال كبير ميبعتلهوش ولو مبعتوش تتصل ع 16683 رقم الاستعلامات دا وهدخل رقم قيد وهيقلك ع النتيجه او من ع طريق الموقع

الكليه الحربيه - الاختبار النفسي لتقديمات ثانوي





الاختبار النفسي

بعد ما بتنجح رياضي بيجيبك بعده بيوم تختبر نفسي

شرح الاختبار

بتكون قدام البوابه الساعه 7 بتدخل بتقف ف طوابير وبياخدك ظابط وبيتجه بيك لقاعه عشان تاخد التعليمات ويتأكدوا من الاسماء ال موجوده ف الكشف معاهم ويحددولك معاد الهيئه قبل ما تختبر وبيجيلك اتوبيس ياخدك ويتجه بيك لمكان الاختبار بعد كدا بتدخل غرفه بيها مجموعه من اجهزه الكومبيوتر تقعد على الكومبيوتر بتجاوب حوالى 270 سؤال مختلف اختر فى زمن محدد والزمن بيبقى فوق فى الصفحه العداد شغال ولازم متاخدش فى قراءة وحل السؤال اكتر من 10 ثوانى والى مش هيلحق يحل حاجه خالص ومتخفش لان الاسئلة دى بتبقى عن شخصيتك ومواقف مختلفة بيشوفوا رد فعلك ايه وحاول تكون مركز لان السؤال بيتكرر بكذا طريقة

وبيتم تحديد فيه شخصيتك ع اجهزه كمبيوتر اسئله بقي لا تعد ولا تحصي من هنا للصبح وخلى بالك فى اسئله تحديد ذكاء كتيير جدا وفى الوقت دا هاتحس فعلا بمعدل ذكائك وهل انت ذكى ولا غبي والاختبار دا مهم جدا على فكره وبيكون ليه عامل اساسي فى اختيارك

ولو فى حاجه مش فاهمها اسئل عنها لان لو فى حاجه مش فاهمها ممكن بسببها تضيع كل الاسئله ودي

حصلت مع دفعه كامله كانت بتختبر

كدا كدا قليل منكم اللى هاتلاقوه ماجلوش رساله انه يكمل بقيت الاختبارات لان اساسا الاختبار دا عباره عن درجه بتاخدها وبتكمل

المعهد الفنى الصحي العسكري (ذكور _ إناث)



المعهد فنى صحي عسكري (ذكور _ إناث)

بيتم التقديم بعد الثانوية العامة علمي علوم فقط هو دلوقتى التقديم خلص طبعا بس هناخد نبذه عنه

بتتخرجو برتبة رقيب وبتفضلو تترقو لحد ما تبقو ظباط ومده الدراسة سنتين

وده طبعا يعتبر فرصه للبنات اللي عايزه تقدم حربيه بعد ثانوي بعد ما المعهد الفنى للتمريض العسكري قفل اللي كان بيخرجك ملازم ع طول بس ده بقا اول تخرجك مش بتبقى ظابط ده بعد ترقيات وسنين لولا ما تبقى ظابط

الاختبارات كالآتي

اولا : يوم سحب الملفات و يوم تسليم الملفات

السحب بيتم من مستشفى المعادي العسكري للبنات وللشباب بيبقى من مستشفى كوبري القبه

بتاخدو معاكم الاتي :

100 جنيه تمن الملف

شهادة الميلاد والبطاقه

شهادة الثانوية العامة ودي أهم حاجة

المواعيد من 8 صباحا ل12 ظهرا

بعد كدا بتدخل جوا تستلمو الملف وهو ملف واحد ومعاه كارت التردد

طبعا هما مش بيصوروكم هناك ولا اي حاجة زي باقي الكليات العسكرية وبيحددولك فتره تسلم الملف فيها وخلاص ع كدا بتروحو

تاني يوم وهو تسليم الملف

بتاخد الملف كامل مفهوش طبعا حاجه ناقصه وهيقعد معاكم ظباط يراجعو الملف لو ف حاجة ناقصه بيكتبوهالك ف ورقه وتاخدها وتاخد ملفك وتروح تكمل الناقص وترجعلهم تاني بقا لما تخلصه ولو كان ملفك كامل بيكتبلك ف كارت التردد معاد الكشف الطبي وتاخد الكارت وتروح

يفضل سماع كلامهم وعدم الاستظراف وافتعال المشاكل والفون يتعمل صاااامت

ثانيا : الكشف الطبي

هو هو نفس كشف البنات بيكون للشباب بس ف اختلافات بسيطه بالنسبة للنظام بس واحنا ف البوست ده هنتكلم عن البنات مش تفرقه عنصرية ولا حاجه بس الشباب عادي هتقلها أقلع هتقلع إنما البنات محتاجين يتوضحلهم شويه وبردو هيقلعو مفيش حد مش هيقلع

الكشوفات كالآتي
  1. رسم القلب
  2. اشعه
  3. اسنان
  4. رمد
  5. انف وأذن وحنجره
  6. جلديه
  7. عظام
  8. جرااحه
  9. سونار
  10. نسا

اللي بيتم كالآتي

اول حاجه بالنسبه لرسم القلب بيدخلوكي ف اوضه الاوضه دي ف مكان فيها ف ستاره بتروحي وراها بتقلعي كل هدومك اللي من فوق اه بتقلعيها كلها مش بتسيبي حاجه وبتخليكي بالبنطلون بس وبتلبسي جاون وبعدها بتروحي تعملي رسم القلب ولازم متبقيش لابسه حلق واي اكسسوارات وكلو بتخلعيه وبعد ما بتخلصي رسم القلب بترجعي ورا الستاره تلبسي هدومك من تاني

وبعد كدا بتروحي للأشعة عادي هما هيقلولك تعملي ايه بالظبط وهو جهاز هتقفي قدامه بيصورك وبس

بعد كدا بيودوكم ف اوضه بتغيري هدومك كلها بتقلعي كل حاجه كل حاجه بدون استثناء وبتلبسي جاون وبتقعدي بشعرك وبتلبسي ف رجلك أوفر شوز يعني كيس بالعاميه

وبتتقسمو مجموعات وبتلفو بقا ع العيادات كلها

وبعد ما تخلصي بتروحي تلبسي هدومك

وع فكره كشف النسا علشان يشوفوكي بنت ولا مدام يعني متجليش واحده تقولي عادي المتجوزين يقدمو والهري ده المتجوزين ف شرطه تخصصات وبس غير كدا لا

وبعد ما تخلصي بيحددولك معاد تروحي فيه علشان تعرفي نتيجتك

كشف السمات والقدرات والنفسي كلهم ف نفس اليوم

طبعا بعد ما بتخلص الطبي بيحددولك يوم تروح تعرف النتيجة ولو نجحت بيعطوك ورقه فيها حجات مطلوبه منك تجيبها ف كشف السمات

بالنسبة للبنات بيكون كشفهم ف مستشفى الماظه الكيلو 4ونص وتقريبا الشباب كدا بس هنعرف لما يفتح التقديم تاني ويقولو ع المكان

اللي بيحصل ف اليوم ده كالآتي

1_ بيراجعو الورق اللي كان مطلوب منك

2_بيصوروكم

3_بتتقسمو مجموعات

4_بعد كدا بيكون ف حاجة اسمها مقابله شخصية شبه الهيئة بالظبط يعني مثلا بيسئلوكم اسمك ايه سنك مجموعك اسأله من النوعيه دي بالنسبة للبنات بيكون زي كدا بردو بس بتبقى ظابط بنت اللي بتعمل معاكي كدا وبتخليكي تقلعي طرحتك لازم وتشوف أيديكم وكدا

5_بعد كدا ف حاجه اسمها تذكر

ودي بتبقى عباره عن انكم بتقعدو ف مكان نظام الفصل كدا وكل واحد ليه دسك لوحده وبيدوكم ورقه فيها قطعه القطعه دي بيبقى ناقص منها كلمات بتقعد تحفظ ف القطعه دي بسرعه وتركز ع مكان الكلمات الناقصة بعد كدا بيجيلكم ظابط يقرالك القطعه بالكلمات الناقصة وطبعا انتو بتكونو قالبين الورقه ع ضهرها وبعد ما بيخلص قرايه القطعه المفروض انت تكون عرفت الكلمات الناقصة وتكشف الورقه وتكمل الناقص

6_ الطول والوزن بيقلعوكم الجزمه بس وبتتقاسو

7_بعد كدا ف جهاز بيكون فيه حوالي خمس دواير بيتفاوت وسعهم وانت تروح تمد ايدك بقلم وتدخل القلم بين الدواير دي بحيث القلم ميلمسش اي دايره وده علشان يشوفو مدى ثبات أعصابك

8_نيجي لآخر حاجه بيقعدوكم ع كومبيوتر بيكون عليه اربع مجموعات من الاساله وكل مجموعه ع حسب ف مجموعة بيكون 20 سؤال والتانيه30 سؤال والتالته 50 سؤال وهكذا المهم الاساله دي كلها لازم تجاوب عليها ف 12 دقيقه ولما يخلص الوقت الكومبيوتر بيفضل ع طول معاك

الاساله بتبقى عباره عن :
  1.  قواعد انجلش
  2. مواقف يعني مثلا هتعمل ايه ف موقف كذا كذا علشان يشوفك يعني انت شخص مسؤول ف حياتك الشخصية ولا بتتهرب من المسؤوليات وهكذا
  3. اسأله رياضيه
  4. أشكال هندسية

وكل الاساله دي بتبقى اختياري

وبس بعد كدا بيحددولك يوم تروح فيه تسأل عن نتيجتك وبعد كدا تروحو

كشف التحاليل بعد ما بتعرف نتيجة السمات بيعطوك ورقه فيها حجات مطلوبة منك بتروح تجهزها وبتروح ف اليوم اللي متحددلك علشان التحاليل وده مفيش أسهل منو بتحللو دم وبول وبيراجعو الورق معاكم وبس وبيتحددلكم يوم تعرفو فيه النتيجه

بعد ما بتنجحو بتروحو هيئه بقا

ودي لازم لبسكم يكون مكوي وشيك ومحترم بنات وشباب للبنات مش بيتحدد لون معين بس الأفضل بلاش الألوان الفاقعه دي اللي توتر

قبل ما تدخل الهيئه ف ظباط برا بيقولوكم هتقولو ايه جوا

اسمك وسنك وعنوانك ووظيفة الأب وعدد الاخوه

بتدخلو 20 طالب بتقفو صف جمب بعض واللي عليه الدور يتكلم بيتقدم خطوه يعرف نفسه ويرجع ورا تاني ولو حد سألك سؤال إضافي تجاوبو طبعا وبعد كدا بيحددولك معاد تعرف نتيجتك وبعدها تستلم المهمات بتاعتكم والف الف مبروك

بالشكل ده احنا مشينا معاكم خطوه بخطوه ف كل الاختبارات وبالتوفيق ان شاء الله

الكليه الحربيه - شرح اختبار الطبي لتقديمات ثانوي حربيه

                                                         بسم الله الرحمن الرحيم 
طبي حربيه : 

رسالة السمات لما بتجيلك بيبقا مكتوب فيها معاد للطبي مينفعش تتخلف عن المعاد دا لو كنت بتقدم شرطه ف نفس السنه وحصل وجه معاد لاي اختبار ف الحربيه ف يوم اختبار الشرطه تروح حربيه ومتروحش شرطه بمعني تختبر حربيه ف اليوم دا وتاني يوم تروح تختبر شرطه وتقلهم ان كان عندك امتحان ف حربيه ومتقلقش هتختبر عادي - لازم تشتري سلب ابيض سبعه عشان تختبر بيه ويكون معاك البطاقه وكرت التردد وتاخد فلوس بزياده معاك - وتحلق من فوق لتحت وتنضف نفسك وتغسل ودنك عند اي دكتور قبل الكشف بيومين

                                                          شرح الكشوفات 👇👇
اول يوم طبي 💂💂

كشوفات اليوم دا ( طول ووزن - انف واذن واسنان - نفسي - جراحه - جلديه - رمد - عمي الوان - عظام )

اولا - الطول والوزن :


بالنسبه للوزن : الوزن مهم جدا لما تقيس طول ووزن ولقي وزنك اكتر من 10 كيلوا او اقل من 10 كيلوا هتتعرض ع مستشار وهتقف قدامهم هيقلك لف ارفع ايدك الكلام دا كله اهم حاجه وانت واقف قدامه تحاول تنفخ نفسك لان اهم حاجه عنده ان جسمك يكون متناسق بمعني يكون رياضي مش مفشول لو متناسق هيعديك ومتقلقش اكتر الناس بتعدي وممكن ميحولكش لمستشار ع حسب الدكتور ال هيكون واقف وانت وبتكشف وزن وطول
بالنسبه للطول : لو طولك اقل من 170 بتتحول جويه
لو اكتر من 170 بتكمل حربيه ولو نظرك 6/6 ف الكشف بتترشح جويه
- بعد كدا المندوب بياخدكم عشان تختبروا بقية الاختبارات ومش محدده بمعني اي عياده فاضيه هيدخلك فيها علطول يعني ممكن لو عيادة الجراحه فاضيه هتدخلها لو مشغوله والجلديه فاضيه هيدخلك لغاية ما العياده المشغوله تفضي كدا
ثانيا - انف واذن واسنان :
بالنسبه للناس ال عندها مشكله ف الاسنان بصوا عموما الكشف دا ميتخافش منه لانه مش بيسقط حد ع قد كدا
الحاله الوحيده ال ممكن تطلع منها ف الكشف دا لو عندك سنه او ضرس مخلوع ومأثر ع مخارج الحروف لانه هيقلك جمله تقولها دا غير الاختبار النفسي طبعا
- بالنسبه للي عنده اعوجاج بسيط ف الانف هتلحق نفسك وتروح لدكتور بره وتقوله انك بتقدم وكدا وقله انا سمعت ف قطره كدا ممكن متبينش حاجه هيقلك عليها لاني مش فاكر اسمها وهيقلك ع طريقة استعمالها
- بالنسبه للاذن لازم تغسل ودانك قبل كشفك لان لو مغسلتهاش هيرجعك تغسلها
Ahmed
ثالثا - النفسي :
ف الكشف دا بيشوف انت الدغ ولا لا وهيقلكو ع جمله زي ( امر امير الامراء بفحر بئر ف الصحراء) او ممكن يقلك قول 66 او 44 وممكن يسئلكوا سؤالين ممكن يقلك عاصمة امريكا اسمها كدا جاوبت ما جوبتش متقلقش عادي المهم لو مش عارف قله مش عارف يا فندم الاختبار دا كله بيعدي منه الا الالدغ ونسبة نطقه للحرف معدومه

رابعا : الجراحه وما ادراك بالجراحه 😁 :
والكشف دا بيشوف عندك بواسير ولا لا وبيشوف عنددك دوالي ولا لا والعاده السريه تبطلها قبلها باسبوعين 😂😂

خامسا - الجلديه :
بيكشف عن اي امراض جلديه ف الجسد او اي اثر لعمليات جراحه من فوق لتحت يعني لو ف اثر لخياطه وبالنسبه لحب الشباب حب الشباب بيأثر لو ف الوجه وبكثره اما لو ف الضهر وكدا سعات مش بيحطه ف الاعتبار

سادسا - الرمد :
بيقعدك ع كرسي وبيبقا فيه ف الاخر الاوضه كدا عباره عن لوحه او جهاز والدكتور واقف جنبك بيقلك غمض عين وفتح التانيه او ممكن يكون ف ايده حاجه كدا بيغمي عينك بيها وبيكون معاه ليزر بيشاورلك ع دواير صغيره وكدا

سابعا - عمي الالوان :
النسبه لعمي لالوان : ف الدكتور بيكون معاه كروت كدا ملونه وفيها ارقام من واحد ل 99 وبيوريك كروت عشوائيه وبيقلك الرقم ال موجود دا رقم كام فانت تبحث ع النت ع الاختبار دا هيظهرلك الكروت دي تدرب عليها

ثامنا - العظام :
الكشف دا بيسقط ناس كتير عندها تقوص للرجلين او الايدين او التصاق هيقلك اقعد وربع لازم رجلك تلمس الارض وانت مربع وسعات ممكن متربعش
هيقلك اقف ع ترااتيف صوابعك وغنض عينك بيشوف اعصابك ولازم تركز لما تغمض لانها صعبه جدا واكتر الناس تيجي واقفه ع تراتيف صوابعها ولما تغمض تيجي وقعه او ترجع توقف ع رجليها كامله

.............................
تاني يوم طبي 💂💂💂

كشوفات اليوم دا ( اشعة الصدر - قاع عين - موجات صوتيه - قلب ورسم قلب )
التحاليل ف العرض الطبي العام ✋

اولا - عياده اشعة الصدر :
ال بيخرج منها ال عنده كسر ف الضلوع
بعد كدا بتطلع تقعد تحت مظله بيحطلك قطرة قاع العين وبتقعد شويه
وبعد كدا بتطلع فوق تكشف بقية العيادات والعياده ع حسب ال فاضي
ثانيا - قاع العين :
كانت صعبه ناس كتير بتطلع بسبب عمليات تصحيح النظر وناس كتير عاملها من مده كبيره من 3 سنين وطلعت

ثالثا - عيادة الموجات الصوتيه :
ملهاش التماس للي بيسقط فيها وقليل ال كان بيطلع منها
رابعا - القلب ورسم القلب :
لازم تكون هادي جدا لان ضربات القلب بتكون سريعه بسبب التوتر وال ضربات قلبه سريعه ف الاتنين بيطلع والدكاتره صعبه يعني ال كان بيتوتر كان بيطلع
خليك راجل وحط ف بالك مستقبل عمرك يكمن ف اللحظه دي واثبت ومتتوترش

كدا خلص الطبي 😍😍😍😍

كلية الشرطة - اختبار السمات ضباط متخصصين شرطه اناث



اختبار السمات ضباط متخصصين شرطه
لازم تكوني لائق ف الرياضي
شرح الاختبار

بتروحي اللجنه وتكتبي اسمك ف ورقه وبعد كدا بتتجمعوا والامين بياخدكم وتروحوا للجنة السمات بتقعدوا بره شويه بتعرفوا التعليمات والامين بياخد رقم موبيل كل بنت فيكم وبعد كدا بتدخلوا القاعه
وكل طالبه بيقعد ع جهاز وبعد كدا بتبدا تملي بياناتك ع الكومبيوتر وبعد ما تخلصي بتدوسي ع زر الاختبار وبيبدا الاختبار وهما 14 نموزج منهم نموزج اسئلة ذكاء ومعدلات رياضيه ونموزجين سرعه يدي عباره عن اشكال
والباقي نمازج مواقف زي اسئلة النفسي وكل نموزج ليه وقت معين
كل شغلك ف النمازج بالموس ما عدا نموزجين سرعه بديها وشغلك فيها بيبقي زي جهاز البلاستيشين كدا بتدوسي ع الزر المناسب للشكل
لازم تركزي ف وقت كل نموزج وبعد ما بتخلصي كل النمازج والاختبار كله بترجعي لجنتك تاني تراجعي ملغك مع رئيسة لجنتك وبتقولك ع معاد ظهور النتيجه وبتروحي ع كدا تنتظريها

كلية الشرطة - اختبار السمات لضباط المتخصصين شرطه ذكور



اختبار السمات لضباط المتخصصين شرطه ذكور

لازم تكون لائق ف الرياضي

شرح الاختبار

بتروح اللجنه وتكتب اسمك ف ورقه وبعد كدا بتتجمعوا والامين بياخدكم وتروحوا للجنة السمات بتقعدوا بره شويه بتعرفوا التعليمات والامين بياخد رقم موبيل كل شاب فيكم وبعد كدا بتدخلوا القاعه
وكل طالب بيقعد ع جهاز وبعد كدا بتبدا تملي بياناتك ع الكومبيوتر وبعد ما تخلص بتدوس ع زر الاختبار وبيبدا الاختبار وهما 14 نموزج منهم نموزج اسئلة ذكاء ومعدلات رياضيه ونموزجين سرعه يدي عباره عن اشكال
والباقي نمازج مواقف زي اسئلة النفسي وكل نموزج ليه وقت معين
كل شغلك ف النمازج بالموس ما عدا نموزجين سرعه بديها وشغلك فيها بيبقي زي جهاز البلاستيشين كدا بتدوسي ع الزر المناسب للشكل
لازم تركز ف وقت كل نموزج وبعد ما بتخلص كل النمازج والاختبار كلت بترجع لجنتك تاني تراج ملغك مع رئيس لجنتك وبيقولك ع معاد ظهور النتيجه وبتروح ع كدا تنتظرها

كلية الشرطة - اختبار الهيئه لضباط المتخصصين شرطه اناث





اختبار الهيئه اناث

اللبس المطلوب

بنطلون اسود او جيبه سوده قميص او بلوزه بيضه شوز اسود فلات او كعب عالي بس ميزدش عن 3 سم

الطرحه اي لون بس يفضل اسود او ابيض يعني متلبسيش احمر مثلا ولا فشويا

شرح اختبار الهيئه بالتفصيل

بتروحي ع بوابه رقم 5 الساعه 7 الصبح

بتقفي تستني الاتوبيس يجي ياخدك لغاية قاعة المحاضرات وف مكان زي اوضه كدا ممكن تغيري هدومك فيها

بعد كدا بتقعدي لغاية الساعه 8 وبيجي اتوبيس تاني بتتقسموا لجان كل لجنه ف اتوبيس وبتروحي مقر الهيئه بتقعدوا هناك كل لجنه منفصله عن التانيه ويجي الامين ينده ع الاسماء ويديكي رقم الهيئه ومن خلال الرقم دا هيتعاملوا معاكي ف اليوم دا وبيقولكوا ع تعليمات وطبعا لازم تركزي مع الكلام دا وف كاميرار مراقبه بترصد كل حاجه والتعليمات كالاتي


بتقفوا مجموعات متتاليه بتتقسموا 20 او 50 بنت وبتتخلوا ف طرقه وبعدين بتتقسموا ف الطرقه دي لخمسة وبتكونوا طبعا خلاص ع باب اوضه اختبار الهيئه وبتدخل واحده واحده بعد سماع اسمها وتقول افندم بصوت عالي وواضح علشان يعرفوا انك موجوده وبعدها تدخلي جوا عندهم بخطوات ثابته وتقفي انتباه وتقولوا الاتي

اسمك تخصصك تقديرك

وبعدين بيقلك شكرا تقومي خارجه من الباب التاني وبتستني ف طابور الانتظار التاني علشان لو كانت ف حاجه مش واضحه ف الملف هيندهوا عليكي تاني وبمجرد ما يدخلوا بعدك بنتين خلاص ع كدا بتمشي وبتستني بعدها كام يوم لغاية ما يتصلوا بيكي علشان الطبي المتقدم

كلية الشرطة - اختبار الرياضي للضباط المتخصصين شرطه ذكور





الاختبار الرياضي ذكور شرطه


انت بتروح الكلية الساعه 7 من بواية 5 بتكون لابس ملابس رياضيه ومعاك شنطه فيها كل حجاتك بتاخد معاك البطاقه وكارت التردد بس

بتدخل بتلاقي كابتن واقف علي ايدك الشمال بيسالك .. رياضي يا كابتن ؟! انت بتقوله ايوه بيقوله اقعد جنب زمايلك

بتفضل قاعد لحد ما عدد الرياضي اللي ف الورقة مع الكابتن كله يحضر

بعد كده بيمشوا نحيه مكان الرياضي

بتدخلوا ملعب حمام السباحة وتقعدوا ع المدرجات لحد ما ياجي ظابط ينادي الاسماء من تاني بعد كده كل واحد بياخد رقم. ... الرقم ده تحفظه زي اسمك لانك هتتعامل بيه طول اليوم تكتبه ع ايدك افضل

بعد كده الظابط بيطلب منكم تغيروا ملابسكم وتلبسوا علشان تبدأوا الاختبارات :

اولا : اختبار قفزة الثقة :

الظابط يقولكم شويه تعليمات بخصوص قفزة الثقه مثلا ممنوع تثني رجلك وانت بتنط ممنوع تنط قبل ما الظابط يطلب منك مسموح ليك ثانيتين بس بعد ما الظابط يأمرك انك تنط لو منتطش يبقي كده لاغي

قفزه الثقة درجتها بتكون ف وقتها لو منتطهاش الرياضي بيتلغي بالنسبالك نطيتها وزي الفل بتكمل باقي الاختبارات

ثانيا : اختبار المهاري :

يعتبر صعب شويه وعايز تركيز منك لان لو معملتوش ف الوقت المحدد بيتروح بيتكم ومش بتكمل زيه زي قفزه الثقه
عبارة عن مسافه انت بتجريها اول 10 متر بتعبر تحت مانع بارتفاع 80 سم وبطول 2 متر

بعد كده بتشيل كوره وزنها 5 كيلو وبتجري بيها مسافه 10 متر بعد كده بتحطها ف مكان معين وبتقفز من فوق مانع اسمه الحصان بطول 150 سم وبتجري 5 متر

بعد كده حاجز زجزاجي بطول 2 متر اللي هو يمين شمال يمين شمال وهكذا .... زيه بالظبط حاجز زجزاجي بس بدل يمين شمال هيبقي فوق تحت فوق تحت وهتفهم دا لما تكون هناك سهله متخاقش

بعد ما تخلص دا كله بتجري لحد ما توصل الخط الكبير وبتقول اسمك ورقم الرياضي بصوت عالي

مطلوب منك الحوار ده كله ف وقت 40 ثانيه ... اكيد طبعا مستغرب بس متقلقش والله هو سهل بس عايز منك تركيز وبعد كده تروح للملاعب اول حاجه مطلوبه منك ف الملاعب الجري 60 متر اسبرنت ف زمن 9 ثانيه وده بالدرجات يعني مش زي المهاري

بعد كده العقله مطلوب منك 16 عقله وتلعبها براحتك بشرط دقنك تعدي الحديد لو جبت اكتر من 16 براحتك برضو

بعد كده الوثب من ثبات عباره عن ارضيه رمليه بطول 300 سم انت بتقف ثابت وبتجمع قوتك وبتنط وانت واقف ثابت وبيحسبلك انت قفزت كام سم

بعد كده اختبار المرونه سهل جدا انت بتقعد ع الارض وبتمد رجليك قدامك ع الاخر وبتمد دراعك ع رجليك بحيث دراعك يعدي مشط رجليك وبالتالي بيحسبلك دراعك عدي كام سم بعد مشط رجليك

اخر حاجه بقي يا باشا تعتبر اصعب حاجه لانك بتكون تعبت وطلع عينك هو اختبار 800 متر

ودا بيعتمد ع حاجتين اول حاجه عدد الطلبه اللي بيعملوا معاك الاختبار ف اليوم ده وعلي مرونتك ف الجري

عدد الطلبه بيفرق لان في ايام بيكون 50 طالب بس ف الرياضي ف بتتقسموا نصين كل 25 يجروا مع بعض وفيه ايام تانيه بيكون 70 طالب ف الرياضي وهكذا

الاختبار بالاتي بتقفوا صفوف ورا بعض بالعرض وبتجروي تراك 400 متر طبعا بتجروه مرتين كل مره ب 400

التراك ده متقسم مستويات 1 و 2 و 3 و 4 و 5 و 6 و X

هقولك ازاي

مطلوب منك تلف التراك دا مرتين ف زمن 2 دقايق

انت لو لفيته ف 2 دقايق بتكون مركز اول 1 ومش معني كده انك مركز اول لوحدك ممكن يكون كذا واحد معاك ف المركز ده

لو لفيته ف دقيقتين ونص يبقي انت مركز تاني 2 ولو لفيته ف 3 دقايق يبقي انت مركز تالت وهكذا

طب اي حكايه المركز X

التراك دا عباره عن مستطيل كل زاويه فيه عندها مثلث هناك بحيث انك لو عملت نفسك واد ناصح وعديت من جوه التراك علشلن تختصر الوقت والجري يبقي انت كده X ودا بياخد اقل درجات

كل مركز بيقل طبعا عن اللي قبله ف المراكز

بكده نكون خلصنا الرياضي بتغير هدومك براحتك وبتروح والنتيجه بتظهر تاني يوم او في نفس اليوم ع النت علي حسب ما هما يقولولك

طب افرض لقدر الله غير لائق بتروح لجنتك تاني يوم وبتعمل اللتماس وبتعيد الاختبار من تاني

كلية الشرطة - اختبار الهيئه ضباط متخصصين شرطه ذكور




كشف الهيئه شرطه

هنصحك ف الهيئه ب 3 حاجات اول حاجه الثقة تاني حاجة الثقة واخيرا الثقة برضو وهتعرف كلامي دا بعدين لما تطلع من اختبار الهيئه

بص يا ريس كل الاختبارات اللي عملتها دا كوم والهيئه دي كوم تاني خاااالص لانه هو الاساس

اللبس

بنطلون اسود قماش وقميص ابيض ساده وجزمه سوده كلاسيك وحزام اسود


ممنوع تلبسوا بدله كامه او حتي كارافته بالنسبه للناس اللي من محافظات بعيده مسموح ليك تاخد لبسك وتلبسه هناك قبل ما تدخل الاختبار

شرح الاختبار بالتفصيل

بتدخل من بوابه 5 الساعه 6 الصبح ياريت تروح بدري معاك البطاقة وكارت التردد بس ممنوع التلفونات يا شباب لان دا اهم واختر اختبار فيهم بلاش تديهم فكره وحشه عنك

بتدخل هتلاقي ع ايدك الشمال زمايلك لابسين نفس لبسك واقفين جنب الاوتوبيس اللي هيوديكم

مقر الهيئه هيكون في ساحة التخرج

هتروحوا هناك وهيجيلكم امين شرطة ينادي اسمائكم من تاني وكل واحد هياخد رقم يحفظه زي اسمه لانك هتتعامل بيه جوه قدام القيادات

بعد كده الامين هيقولكم ع كل التفاصيل الصغيرة والكبيرة عن الهيئة

قيادات الهيئه عباره عن 6 لواءات شرطة منهم رئيس الاكادمية ومدير الكلية وكمان ممكن يكون الوزير منهم

القيادات بيجوا بالظبط حوالي الساعه 10 بعد كده بتتقسموا علي حسب اللجان لجنه اولي تيجي هنا لجنه اتنين هنا وهكذا وبالطبع لجنه اولي هي اللي هتدخل الاول

لما الامين يقول من رقم 1 لحد مثلا 25 يقفوا صف ورا بعضهم اعرف انهم نصبوا الصوان

هتتدخل يا باشا تقف قدام باب الهيئه لازم تخلي بالك من كل تصرفاتك لان الكاميرات هناك ف كل مكان راسك مرفوعه لفوق ايديك جنبك ممنوع الكلام

انت مثلا رقم 1 هتلاقي ظابط جوه مقر الهيئه بيقول بصوت عالي اللجنه الاولي رقم 1 الطالب فلان الفلاني هتقول تمااااااام يافندم بصوت عالي

هتدخل دخله ميري هيكون الباب ع ايديك الشمال ركز بقي معايا في الدخله

هتدخل علي ايدك الشمال هتلف وشك هتلاقي مسرح في وشك علي طول فيه سلالم هتطلع عليهم بكده هتكون لجنه الهيئه علي ايدك اليمين هتلف وشك هتلاقي في نص المسرح خشبه هتقف عليها رجليك ع شكل 7 وايديك جنبك بحزي البنطلون وراسك مرفوعه لفوق وبكده لجنه الهيئه هتكون قدامك ع طول

اول ما تقف الوقفه دي متستناش حد يسألك ع حاجه هتبدا تقول ال 6 حاجات اللي احنا عارفينهم

اسمك ومجموعك والتنسيق رشحلك كلية اي وموهبتك وموقفك من الكلية الحربية ( قدمت حربية قبل كده ولا لا ) اما سادس حاجه ف دي خاصه بالطلبه اللي قدموا شرطة قبل كده هتقول طلعت السنه اللي فاتت ف اختبار ايه

بعد ما تخلص دا كله هتقف ثابت مكانك لحد ما لجنه الهيئه تسألك

هو عموما السؤال الشائع والوحيد بيسألوك ... قدمت شرطة ليه يا فلان ؟!

انصحك بلاش تقول كلام انت حافظة وبلاش حكاية الوطن والشعب والارهاب والكلام اللي يدل انك حافظ مش فاهم

بعد ما تخلص كلامك هيقولك شكرا اتفضل ...

هو مين اللي هيتكلم معايا ؟؟

دا بيكون اللواء اللي ف النص غالبا بيكون رئيس الاكادمية

طيب افرض حد من اللواءت التانيين سالني

دا نادرا بس ساعتها خلي راسك ثابته زي ما هي وعينك بس هي اللي باصه نحيته

طيب لما اتكلم مع اي خد منهم ابص ف الارض ؟!

لا بص ف عنيه متخافش وخلي صوتك عالي ... خالي القاعه صوتك يزلزلها هما بيحبوا كده

خليك اسد جوه القاعه

بعد ما تخلص كلام هيقولك شكرا اتفضل انت هتنزل من علي الخشبه وهتطلع عكس المكان اللي دخلت منه يعني الجنب التاني اول ما هتطلع هتقف قدام الباب التاني وهتقف ... طب لييه ؟!

علشان القيادات منهم مثلا يعني تلاته موافقين عليك وتلاته معترضين ف ساعتها بينادوا عليك من تاني بس دا نادرا لما بيحصل

طيب اتحرك امتا واخرج ؟!

اول ما تلاقي الطالب وقم 2 جه وراك تستعد واول ما تلاقي الطالب رقم 3 جه وقف ورا الطالب رقم 2 ساعتها انت تتحرك تخرج ورقم 2 يتحرك خطوه واحده ويجي مكانك

بكد انت يا رقم 1 خلصت وتتفضل تطلع من مقر الهيئه وتمشي زي ما جيت بس المره دي ع رجليك من غير اوتوبيس

متستناش نتيجه الهيئه لانها بتظهر متاخر جدا ومتستنهاش ع النت لان مهمه النت ع كده خلاص

باذن الله لو ناجح هيتصلوا بيك تمتحن طبي متقدم ولو لقدر الله ساقط مش بيتصلوا بيك ولا اي حاجه

ادعي ربنا يكون معاك وبالتوفيق باذن الله

كلية الشرطة - الاوراق المطلوبه ف الملف وسحب ملف شرطه ذكور



مكان سحب الملف 
 
اكادمية الشرطه التجمع الاول بوابه رقم 5

الموصلات

وجه بحري :

- لو هتركب عربيه هتنزل عند الدائري هتلاقي ف عربيات بتحمل شرطه هتنزلك قدام بوابة السحب

- لو قطر هتنزل رمسيس ختعدي الجمب التاني عند جامع الفتح هتلاقي عربيات بتحمل شرطه هتنزلك قدام بوابة السحب

وجه قبلي :
 هتنزل رمسيس هتعدي الجمب التاني هتلاقي عربيات بتحمل شرطه عند جامع الفتح هتنزلك قدام البوابه


الاوراق المطلوبه

بالنسبه لظباط وظابطات التخصص فى كليه الشرطه .

المطلوب منك اول يوم

طبعا مفيش تقديم على النت الكل يروح على الكليه على طول
  1. عدد 6 صوره شخصيه4*6 خليهم بزيادة
  2. بطاقتك الشخصيه
  3.  200جنيه رسوم سحب الملف لو ازيد يكون افضل للاحتياط
  4. شهاده الكليه

وبالنسبه للناس اللى لسه مطلعتش شهاده الكليه هتجيب افاده من الكليه انك نجحت بتقديرك وتخصصك

الاوراق المطلوبة ف الملف
  1. شهادة حسن سير وسلوك مرفقة بالملف يتم تحريرها بمعرفة الكلية المقيد بها الطالب
  2. صورة وجه بطاقة الطالب – صورة ظهر بطاقة الطالب
  3. صورة معتمدة من شهادة المؤهل أو بيان الدرجات
  4. أصل شهادة ميلاد الطالب المميكنة
  5. صور من شهادات التفوق الرياضي معتمدة من الاتحاد الرسمي للعبة إن وجد
  6. موقف الطالب من التجنيد أو نموذج 110 جند
  7. قيد عائلي للوالد
  8. قيد عائلي للجدين

في حالة عمل والد أو والدة الطالب بالأعمال الحرة يتم إرفاق المستندات التي تثبت ذلك من خلال البطاقة الضريبية والسجل التجاري أو حيازة الاراضى الزراعية أو خلافه

في حالة سفر الوالد أو الوالدة للخارج يتم عمل توكيل لأحد الأقارب للتوقيع على الملف مع إرفاق صورة التوكيل المعتمد من جهة إصداره وصورة بطاقة الوكيل وصورة جواز السفر وصورة عقد العمل موثق من الخارجية وشهادة تحركات من مصلحة الجوازات والهجرة من مجمع التحرير

في حالة وفاة الوالد ترفق شهادة الوفاة أما إذا كان أحدهما أو كلاهما بالمعاش يرفق بيانات المعاش معتمدة من المعاشات أو جهة العمل قبل الخروج على المعاش

صورة وجهة بطاقة الوالد – صورة ظهر بطاقة الوالد

صورة معتمدة من مؤهل الوالد إن وجد

صورة وجه بطاقة الوالد صورة ظهر بطاقة الوالدة

كارت طولي للوالدين معا وفى حالة الطلاق أو الانفصال أو السفر لأحد الوالدين يتم تثبيت صورة منفردة مع كتابة السبب خلف الصورة وفى حالة وفاة أحدهما يتم تثبيت صورة للذي هو على قيد الحياة

صورة معتمدة من مؤهل الوالدة ان وجد

صورة من مستندات الأملاك والمدخرات للوالد والوالده

------------
الاوراق المطلوبه فى القيد العائلى اول حاجه انت هتعمل 3 قيد...

والدك

جدك من ناحيه الوالد

جدك من ناحيه الوالده

اولا قيد الوالد ....

صوره من بطاقه الرقم القومى للوالد او شهاده الميلاد<كمبيوتر> فى حاله الوفاه

صوره لبطاقه الرقم القومى للوالده او شهاده الميلاد كمبيوتر

صوره من شهادات ميلاد الابناء (اخواتك يعنى) كمبيوتر

صوره من وثيقه الزواج فى حاله تعدد الزوجات

صوره من وثيقه الطلاق فى حاله وجود واقعات طلاق

صوره لشهاده الوفاه فى حاله وجود حالات وفاه لأى فرد من افراد الاسره

ثانيا : القيد العائلي للجد ابو الوالد ..

صور بطايق الابناء بما فيهم والدك

صورة بطاقة جدك

صور بطاقة جدتك لو عايشين .. لو متوفيين اللي متوفي فيهم تطلعله شهادة ميلاد ووفاة كمبيوتر

ثالثا : القيد العاءلي للجد ابو الوالدة

صور بطايق الابناء بما فيهم والدتك

صورة بطاقة جدك وصورة بطاقة جدتك واللي متوفي فيهم تطلعله شهادة ميلاد ووفاة كمبيوتر

ملاحظات

شهادات الميلاد تغني عن صور البطايق وصور البطايق تغني عن شهادة الميلاد

وقيد الجد لابو الوالده نفس نظام ابو الوالد

بتسحب الملف وفى نفس اليوم بتمتحن قدرات

وهتسجل على النت هناك وتاخد رقم

وتعرف نتيجتك وموعد الاختبار اللى بعدو من على النت او هيتصلوا بيك

اول يوم هتسحب الملف هتمتحن قدرات

يعنى اسئلة عامة عن مصر ( تاريخ - جغرافيا - رياضة )

لو نجحت وظهر ع النت لائق هتروح فى اليوم اللى اتحدد ليك تقيس وزن وطول

لو نجحت وظهر لائق هتروح فى الميعاد اللى اتحدد ليك علشان تمتحن طبى

كلية الشرطة - تخصصات بنات شرح الاختبار الرياضي



الاختبار الرياضي تخصصات شرطة بنات

اول حاجه طبعا محدش بيدخل رياضي غير لما بيبقي لائق طبي نفسي
اول حاجه بتروحي ع اللجنه وبتستلمي بطاقتين وبتملي البيانات وبعدها بتسلميها للامين وعليهم صورتين

وبعدين تستنوا تبقوا مجموعه وبعدين هتيجي مندوبه او مندوب
ياخدوكوا وهيكون ف باص مستنيكوا تحت عشان يوديكوا للمكان المخصص للاختبار ولما توصلو المكان بتنزلو الجيم طبعا الي عاوز يغير هدومه وكدا
وبعدين بقه الكل بيتجمع وبيجي الظابط الي هيمتحنكوا
وف الرياضي ف 5 اختبارات وهما؛ -
  1. البطن
  2. وثب من الثبات
  3. المرونه
  4. بديل العقله
  5. بديل الجري
نتكلم بالتفصيل عنهم بقا

اول حاجه البطن
ف زي جهاز كدا بتنامي عليه ورجلك بتتثبت فيه وركبتك متنيه وايدك ع صدرك او ف مستوي صدرك وبتنامي وتقومي توصلي لركبك وترجعي تاني بدون لمس ايدك لركبك المفروض تعملي 30 عده في 30 ثانيه
" لو مش رجعتي لحد ركبك مش بتتحسب العده "

وتاني اختبار وهو الوثب من ثبات
وبتقفي ع زي شلته كبير اووي معموله عليها الارقام وبتقفي ع اول الشلته وتنطي بكل قوتك وايدك لورا عند المكان الي فيه الارقام والمكان الي بتقفي فيه بيتكتبلك الرقم وطبعا المفروض 200 سم فاكثر

ثالث اختبار وهو المرونه
بتروحي تقعدي ع الارض وقدام صندوق عليه مسطره وتفردي رجلك قدام الصندوق وتحطي ايدك الاتنين ع بعض وتنزلي بكل قوتك عند المسطره والرقم الي ايدك هتقف عليه هو الي هيتكتب والمفروض تيجي عند 40 سم

رابع بديل العقله ودي من الاختبارات السهله
وبتقفي ع حديده وايدك ماسكه ف الحديده الحديده التانيه وواقفه مايله وفرده رجلك وايدك والمفروض تعملي 35 عده ف 20 ثانيه
" وهنا لو مش فرده رجلك وايدك وطالع بي شكل مايل مش بتتحسب العده لازم تطلعي بشكل مستقيم "

وتيجي لاخر اختبار واصعب اختبار وهو بديل الجري
 وهو بيبقي عباره عن
انك بتبقي ف وضع الاستعداد للجري وبعدين تفرضي رجلك لورا وبعدين ترجعي تاني لوضع الاستعداد وبعدين تقفي ودي كدا تبقي عده المفروض بقه تعملي 20 عده ف 30 ثانيه

وبكده اختبارات خلصت وتستني النتيجه تظهر عشان تروحي بعد كدا تحددي سمات

الاوراق المطلوبه
1 _ صورتين
2_ كارت التردد

تنبيه هاااام
لازم زي رياضي

كلية الشرطة - تخصصات بنات شرح مفصل للاختبار الطبي وبعض النصائح واختبار النفسي



نصايح لطبي شرطة بنات متخصصين

اولا ف نوعين من النصيحة
1_الحجات اللي هتعمليها من دلوقتي
2_الحجات اللي هتعمليها قبل الطبي بيومين أو تلاته كدا

نبدأ ف نصايح دلوقتي

هتروحي تعملي تحليل بول ودم وسونار ولو ف اي حاجة تروحي تعلجيها وتروحي لدكتور متخصص ويكون كويس وتقوليلو انك مقدمة علشان يساعدك ف وقت قليل

تظبطي بقا جسمك لو ف اي حاجة ممكن تخرجك ف الطبي والكشوفات احنا قولناها ف البوست اللي فات فأنتي هتشوفي الكشوفات دي برا لو ف مشكله حاولي تحليها يعني

مثلا الجلدية ف ناس بيكون عندها حروق قديمه فأنتي بالشكل ده هتروحي لدكتور جلدية يديكي علاج ومراهم تخفي الحروق دي
بالنسبة للأكل طبعا تبطلي معلبات ومشروبات غازية والهري ده كلو وتشربي عصير قصب كتييييير وميه علشان لو ف أملاح ولا حاجة

نيجي بقا للنوع التاني من النصايح

قبل الطبي بيوم تروحي تغسلي ودنك ومفيش واحده تطلع تقولي انا بغسلها كويس بالصابونه والقطنه مبتكذبش لا ياختي القطنه بتكذب انتي بتروحي عند دكتور يغسلها

وبالنسبة للسنان بتروحي عند دكتور ينضفهالك من الجير وكدا

وطبعا تشربي ميه كتييييير وعصير قصب
ولما تروحي قبلها من باليل كدا تنامي كويس اوووووي وتهدي نفسك تماما وطبعا تعملي حسابك انك هتقلعي هدومك ف الطبي فلازم تكوني مظبطه نفسك بقا


الاختبار الطبي
 
 وطبعا بتدخلوا بعد ما يظهرلكوا لائق ف القياس والقوام

اول حاجه بتطلعوا اللجنه وتاخدوا 3 ورقات تملوهم وبعد كدا تتجمعوا مجموعه من 20 بنت وتنزلوا مع طالب للطبي تدخلوا مبني تشتروا الدمغات وبعد كدا المندوب او المندوبه تستلمكوا وتسمي اسم للمجموعه بتاعكوا وبعد كدا تروحه ع عربيه الاشاعه وبتتقسموا ع مجموعتين
والاشاعه عباره عن انك بتدخلي تقفي ع جهاز بكل قوتك وبعد ما بتخلصوا الاشاعه بتروحه للتحاليل وبتاخدوا منهم علب وبعدين تدخلوا الحمام طبعا عارفين تعملوا اي وبعدين بتخرجوا تقفوا صف واحد ويتحط زي شريط بيوضح ف حاجه ف البول ولا لا
وبعدين بيوزعوا امبول باسم كل واحده لتحليل الدم وبعدها بياخدوا الدكاترا منكوا دم


وبعدين بتتجمعوا كلكوا تاني وتروحه اول عياده وهيا انف واذن واسنان ونفسي ثبات
وهيا عباره عن اي بتقفوا صف ودكتوره الاسنان بتقلكوا دوسوا ع درسكوا بكل قوتكوا وانتوا مبتسمين وبعد ما بتخلصوا دكتور الانف والاذن بيجي ع واحده واحده يكشف ع ودنها وانفها وبعد ما بتخلصوا بتيجي دكتوره النفسي بتقلعوا الشراب والشوز وبقفوا ع طرطيف رجلك وتغمضوا عينكوا وتفردوا ايدكوا لقدام للمده الي الدكتوره تحددها
وبعدين بتتجمعوا كلكوا تاني وتروحه تاني عياده وهيا الرمد
بتقفوا طابور ورا بعض بتعدي عليكوا اول دكتوره بتكشف باليزر ابيض وبعدين تاني دكتوره تعدي بي كتاب فيه الوان وحروف وطبعا ده بيبقي لاكتشاف عمي الالوان وبعد ما بتخلصوا بتعدوا ع كرسي وتلبسوا نضاره وتردوا ع العلامات الي الدكتوره بتشورلكوا عليه وبعد ما بتخلصوا كلكوا

بتخرجوا لاخر عياده وهيا عياده الجراحه وجلديه وبطنه وعظام
والعياده دي بتقلعوا فيها وبتبقوا بالاندر والبرا فقط والعياده كلها دكاترا ستات
وبتقفو صف ودكتوره دكتوره تعدي اول واحده وهيا البطنه بالسماعه وبتكشف من عند القلب وبعدين تعدي تاني دكتوره وهيا العظام بتقفو تضموا رجلكوا ع بعض وايديكوا لقدام
وبعدين تيجي تالت دكتوره وهيا الجلديه بتقفه انتباه وترفعوا ايديكوا لقدام ولفوق وبعدين تلفه لورا وترفعوا ايديكوا لفوق وبتشوف وشكوا كمان عشان لو فيها حاجه
وبعدين بتيجي اخر دكتوره وهيا الجراحه
وبتعدي تعملوا نفس حركات الجلديه بسال بالاضافه انكوا بتنزلوا الاندر من قدام عند الرحم كدا عشان لو واحده عندها جرح او حاجه وبعدين بتدخلوا زي حاجه متغطيه وحده وحده للدكتوره عشان تكشف بواسير وبعد ما بتخلصوا بتلبسوا وتخرجوا من الاوضه وتستنوا تطلعوا العرض العام
وبعدها بتطلعوا العرض العام وفايده اي بقه ده لو اي واحده اتحط عليها ملاحظه ف الورقه الاستشاري بيشوفها ومش تقلقوا منه عشان ف بنات كتير كان مكتوبلها غير لائق وف العرض العام ده عدها وده بتقفه طابور وواحده واحده بتدخل تقف انتباه وتلف وبعدين تخرج ولو حد مكتوبله ملاحظه الاستشاري بيشوفها وبعد ما بتخلصوا كل واحد بيروح ع بيته
الاوراق المطلوبه
1 _كارت التردد
2_البطاقه الشخصيه
3_25 للدمغات
4_ صورتين

وطبعا نصيحه مني
ياريت يكون منظف اسنانه وودانه وطبعا النظافه الشخصيه مهمه جداا

وبالنسبه لرابع اختبار ف تخصصات شرطة بنات

وهو الطبي النفسي وهو طبعا بعد ما بتعدي الطبي
بتروحه تسالوا ع لجنه الطبي النفسي
بتدخلوا عليها ع طول تسلموا للطالب كارت التردد عشان يحضركوا
وبعد كدا تدخلوا اللجنه لحد اما تكمل وكل واحد يعرف رقمه ويجي الدكتور ويعرفكوا التعليمات وتستلموا ورقه فيها 65 سؤال بيترد عليها بي لا و احيانا و دايما ف مده 10 دقايق

وبتبقي اسئله شخصيه و مواقف وفيها امثال شعبيه ومسائل رياضية وبعد ما بتخلصوا بتخرجوا تقعدو والدكتور بيشوف الورق والورقه الي الدكتور بينده ع صاحبتها بيبقي عاوز يستفسر ع حاجه ف الورقه يعني جاوبت السؤال ده كدا ليه وبعد ما بتخلصوا بتطلعوا اللجنه للنقيب عشان تعرفوا مواعيد تسليم الملفات والوثائق

والاوراق المطلوبه
1 _ كارت التردد
2_صوره
3_البطاقه الشخصيه احتياطيا

ونصيحه مني بلاش تجاوبي ع الاسئله بي مثاليه اووي لان ف نسبه كدبت وصدق بتتعرف من الورقه
والاجابه ع الاسئله بكل صراحه وياريت تعرفوا امثال شعبيه ومعناها عشان هيتطلب منكوا مثل شعبي ومعناه ف الورقه
وبعد كدا بتروحو البيت وتستنوا 48 ساعه للنتيجه لان من بعد الطبي نتايج الاختبارات بعد 48 ساعه مش 24 ساعه 
بالتوفيق

كلية الشرطة - اختبار الطبي متخصصين شرطه ذكور




الطبى

هتروح تقعد فى مكان كدة لحد ما الدكاترة كلهم يجوا ويجهزوا بعد كدة خدمة الطلبة هتقسمكوا على مجاميع كل مجموعة 20 طالب تقريباااا

هيبقى معاهم امين شرطة او واحد من الكلية مسئول عن المجموعة او طالب من طلبة الكليه دة من اول اختبار لحد اخر اختبااار

كل واحد يحفظ رقم المجموعة بتاعتة ورقمة كام فى المجموعة علشان ميتوهش

هيخدكوا ورا بعض وتطلعوا تقلعوا هدومكوا وهتختبروا بالبطاقة بس

هتروحوا قدام ظابط يشوف البطاقة واسمكوا وبعد كدة تروحوا تكشفوا الطبى مجموعة مجموعة

الكشوفات :

جراحة وعظام ورمد وجلديه الانف والاذن والحنجره وبياخدوا منك عينة دم والكشف العام

شرح العيادات

عياده الانف والاذن والحنجره :

الدكتور بيبص في الاذن لو الطبله مخرومه او كده والانف لو فيه اعوجاج في الحاجز الانفي ولو فيه حاجه من دول حاول تعالجهم قبل التقديم

وملحوظه لازم تكون غاسل ودانك عند دكتور قبل متروح الكشف

عياده الاسنان :

ودي سهله برضو بيشوف الفكين متطابقين ولا لا وبيشوف الدروس لو بايظين

عياده الجراحه :

بتدخل علي الدكتور وتنزل اللبس وبيمسك الخصيتين وبيخليك تكح عشان يشوف فيه دوالي ولا لا وبعد كده بتلف وتوطي وبيشوف فيه عمليات بواسير او عمليات تانيه

عيادات الرمد :

ودي بتقيس النظر عباره عن لوحه فيها دواير بتقف علي مسافه معينه والعسكري بيشاور علي علامه وانت بتقول مفتوحه في انهي اتجاه

عياده العظام :

ودي من اصعب العيادات اللي كتير بيسقط فيها بتدخل تقف سبعه بيشوف شكل الجسم لو مش متناسق بيطلعك من قبل ما الكشف يبدأ وبعد كده بيشوف التقوس واللتصاق الفخدين وتراكب الركب وعدم تناسق الفقرات وهيخليك تعمل 3ضغطات وياريت تركزو في الكشف ده

عياده الجلديه :

بتدخل العياده والدكتور بيشوف عرق الايدين اللي عندو املاح كتير بيخرج وبعد كده بيشوف حب الشباب لو كتير هتسقط وبعد كده بيشوف لو فيه غرز او تعاوير لو فيه بشكل كبير بتخرج وبيشوف الحروق والوحمات لو فيه باينين اوي بتخرج

الموضوع مش بياخد اكتر من ساعه او سعتين للمجموعة ان شاء الله ومفيش كشف بالترتيب يعنى حسب م الامين او الطالب اللى معاكوا يدخلكوا

والكشف العام دة بيبقى عبارة انى لواء او عقيد ومعاة ناس تانية بيشوفوا شكلك العام فية حاجة ولا ولا والصح انهم بيشوفوا الطلبة اللى سقطوا فى حاجة اثناء الكشوفات وبيتاكدوا اذا كان الكشف دة بيسقط فعلا ولا لا

يعنى لو سقطت فى حاجة عبيطة وانت بتكشف ممكن الكشف العام دة يعديك منها لو عادية مش هتاثر عليك
وبعد كدة تلبسوا وتروحوا

الطبى النفسى فى كلية الشرطة

انت هتروح تفضل هناك لحد ما الدكتور يجى وبعد كدة هيقولوا اللى اسمهم اولة حرف كذا يجى هنا او هينادوا على الاسامى اللى فى الكشف حسب ما عايزين هما

بعد كدة هتروح تراجع اسمك وتدخل تمتحن طبى نفسى

هتقعد كدة فى فصل وتستلم ورقة هتجاوبها

الوقت هيكون براحتك ان شاء الله بس مش اوى يعنى

الاسئلة كلها اسئلة نفسية وشخصية يعنى خاصة بيك ( علشان محدش يقولى ممكن نموذج للاسئلة دة )

انا مش فاكر هما كام سؤال بالظبط بس تقريبا 40 والاجابات كلها يا اما بنعم او لا او ربما بس مش اكتر

وسؤال رياضة ذكى كدة وتكتب حكمة من دماغك وتشرح معناها بس كدة

بعد كدة بترجع تقعد تانى فى مكان ويا اما بينادوا على اسمك وبتاخد كارت التردد وتروح تستنى النتيجة

يا اما بتفضل قاعد لحد ما ينادوا على اسمك علشان تدخل للدكتور وهتقعد مع الدكتور

فى دكتور هيبقى كويس هيتكلم معاك براحة خالص وهيحاول يدرس حالتك عن طريق اجابتك على كام سؤال كدة

وفى دكتور هتلاقية رخم بيحاول يستفذك اوووى علشان يعرف اخرك اية بس

وبعد كدة بتروح البيت وبتستنى النتيجة ع النت ومفيش ميعاد معين لظهور النتيجة

اليوم دة هيبقى طويل اوى اوى اوى فا اللى اهلة هيكون معاة احسن انة يخليهم يروحوا ويجوا لما انت تخلص لانك هتقعد فترة طويلة جوة

اللى بيدخل للدكتور دة بيبقى مثلا فى ورقتة حاجة الدكتور حابب يسئلة عليها كدة يعنى

ومفيش حاجة اسمها اجابتى صح ولا غلط دة شغل طب نفسى يعنى لو دخلت للدكتور مش معنى كدة انك سقط فى الامتحان

كلية الشرطة - تخصصات بنات شرح اختبار القوام الطول



  اختبار الطول والقوام وده بيبقى بعد القدرات واستلام الملف

الأوراق المطلوبة ف اليوم ده :- 
 
  1.   صورتين شخصية
  2. المؤهل موضح فيه التقدير وسنه المؤهل
  3.   شهادة الثانوية العامة

وهو بيكون الاختبار التاني بعد طبعا ما عديتي من اول اختبار وظهرلك النتيجه لائق
بتروحي تطلعي ع طول ع اللجنه وبعدين بيجي طالب بيتاكد ان الموجودين هما الي ناجحين قدرات ولا لا
وبعدين بعد ما بيتاكد بيدلك ورقتين وهما واحده للقياس وواحده للقوام

وبعدين بتاخديهم تمليهم وبعدين تسلميهم للامين الي قاعد ع الدفتر الي فيه الاسماء والارقام ومعاهم تسلميه كارت التردد وبيكتب عليه رقم ده رقمك
وبعدين بيرجعلك كارت التردد تاني وبعدين بتقفي طابور وتروحي للنقيب تراجع معاكي شهاده المؤهل وشهادة الثانوية العامة والورقتين وبعدين تختملك ختم اللجنه وبعدين تخرجي بره اللجنه تقفي طابور والامين هياخد منك الورقتين وتروحه عند اوضه القياس طبعا اول حاجه لازم تبقي لابسه طرحه واحده بس وبتقلعي الشوز والشراب بس
وبعد ما بتقيسي بتعرفي نتيجه القياس وانتي واقفه اقل من 160 يبقي غير لائق اكتر من 160 يبقي لائق وبيتختملك ع الورقه القوام لائق او غير لائق وبعدين تخرجي تقفي نفس الطابور وبعدين تستني لحد ما كل الي معاكي يخلصوا قياس وبعدين تروحه لاوضه الوزن وبرضوا بتقلعي الشوز والشراب بس وبتقفي ع الميزان وف ورقه صغيره بتطلع من الجهاز والامين بياخدها وبيدبسها ف ورقه القوام وبتمضي ع الورقه الصغيره وع الورقه الكبيره وبعدين تروحي
وتستني نتيجه القوام تاني يوم اما بالنسبه للقياس بتظهر يوميها بليل

ونصيحه مني
بلاش تشربوا مايه قبل اختبار القوام عشان المايه بتوزن ممكن قبلها بي ساعتين

اااه والقياس والقوام بيختلفوا عن ما بتقسيهم بره

كلية الشرطه - تخصصات بنات شرح استلام الملف واختبار القدرات




شرطه تخصصات بنات اول يوم ليكي ف الكليه وهو استلام الملف واختبار القدرات

الاوراق المطلوبه ف اول يوم :-

  1. شهاده المؤهل موضح فيها التقدير وسنه المؤهل
  2. ولو معهد يبقي معاكي شهاده المعادله يا اما هتكتبي اقرار لحد الطبي وبعدها لو مش معاكي الشهاده المعادله مش بتكملي باقي الاختبارات
  3. شهاده الثانويه العامه
  4. قلم
  5. صورتين شخصيه ع خلفيه بيضه
  6. 200 جنيه حق الملف
  7. ورقه مكتوب فيها بيانات العمام والعمات والجدين بالنسبه للاب والام وبيانات الخيلان والخالات والاب والام والاخوه والبيانات دي لازم تبقى الأسماء رباعية والمؤهلات وسنه المؤهل والوظيفة بالتفصيل

خلاص جمعتي الورق ده تتوكلي ع الكليه بقا تدخلي من بوابة 5
وهناك هتقعدو ف قاعه المحاضرات وتتقسمو ع اللجان وكل تخصص يعرف لجنته ايه وتتطلعو بقا ع اللجنه اللي تبعك تستنو النقيب يجي

وبعدين بتقفو طابور ف اللجنه النقيب بتشوف شهاده المؤهل وشهادة الثانوية العامة
وبعدين بتختم ع الشهاده والمؤهل وتنزلي تشتري الملف

وتطلعي لجنتك تاني تملي البيانات
ف ورقتين ف الملف هتمليهم وهما هياخدوهم وف 3 ورقات هما هيدهملك هياخدوا اتنين والورقه التالته كارت التردد

وبعد ما بتملي البيانات هتقعدي مع طالب تراجعي البيانات معاه وبعدها تروحي تراجعيها مع النقيب ولو تمام بتروحي تسجلي ع النت مع طالب وف رقم القيد هتاخديه منه تحفظي عليه كويس وبعد ما تخلصي تسجيل تستني لحد لما تبقوا جروب وتنزلوا
لاول اختبار وهو القدرات بتنزلي تمتحني والوقت قليل جدا

وبعدين بتستني تاني يوم تعرفي النتيجه اي لو لائق بيكون الاختبار التاني متحدد ليكي ميعاده
مش لائق كدا يبقي خلاص
ده بالنسبه لاول يوم
استنو تاني يوم بعد ساعتين من دلوقتي

كلية الشرطة - إختبار المقاس والقوام شرح مفصل



إختبار المقاس والقوام :
 
 المطلوب:
  1. كارت التردد 
  2. صورتين ٤*٦ 
  3. قلم جاف 
  4. البطاقه
الشرح
اولاً : طبعاً يا رجاله ده تانى اختبار بعد القدرات وبيتحددلك ميعاده على النت من خلال موقع الوزاره إذا كنت لائق فى اختبار القدرات .

 ثانيا: بتدخل من البوابه بالبطاقه وكارت التردد وأول ما هتدخل هتلاقى عساكر قولهم إنه تانى اختبار ليك وعندك مقاس وقوام لإنك هتلاقى صفوف واقفه ، صف لسحب الملف وصف للمقاس والقوام وصف للطبى وهكذا تقف مع المقاس والقوام وهيجى طالب ياخدكم مجموعات بردوا وبعدين بتتقسموا لجان .

ثالثا: هتطلع لجنتك وهيبقى معاك طالب دايما هيديك ورقتين هتملأهم فيها بياناتك انت وقرايبك وهتدبس الصورتين ف الورقتين هو بيفهمك

 رابعا: بتروح أول حاجه ع الطول باللجان وده عباره عن إيه ؟ بيبقى جهاز لقياس الطول بتقف عليه من غير كوتشى وبهدومك عادى وبيبقى مسكك ظابط او شخص عموما اللى بيقيسلك طولك وبيقوله للظابط اللى قاعد بيكتب بصوت عالى ع سبيل المثال ١٧٥ ،١٨٥ وهكذا ولو أقل من ١٧٠ بيقول تحت الطول وطبعاً الطول المطلوب من ١٧٠+ يعنى ١٦٩ هتكون غير لائق وبتعرف فى ساعتها وتقريباً هيقولك إلعب عقله وتعالى كمان أسبوع تانى .
خامسا: بعد ما بتخلص القوام بتنزل تستنى فى المدرجات اللى امتحنت فيها القدرات لحد ما الكل يخلص وينزل وبعدين ياخدوا لجنه لجنه تطلع على الوزن طيب الوزن عباره عن ايه ؟ بتخلع هدومك وبتطلع عالميزان بتوزن وبيطلع منه ورقه من غير ما بتشوفها بتديها للظابط وبيدبسها ف الورقتين اللى انت ملأتهم واللى دبست فيهم الصورتين وبعد كده بتخرج تغير هدومك وبتروح بيتك تستنى النتيجه على النت . 

سادسا: طبعاً انت بتبقى عارف نتيجه القوام وبيبقى على النت مكتوبلك لائق أول ما بتروح إذا كان طولك ١٧٠+ بس قدام المقاس بيبقى فراغ وده اللى بتستنى نتيجته بعدها بيوم او بيومين . 

وبالتوفيق يارجاله

كلية الشرطة - اختبار القدرات وسحب ملف شرح مفصل



اختبار القدرات وسحب ملف شرطه :
المطلوب :
  1. البطاقه
  2.  صور 4*6
  3. قلم جاف
  4. والورقه اللى بتطبعها بعد مابتسجل من عالنت وبتحدد على اساسها ميعاد اختبار القدرات 
  5.  ٢٠٠ جنيه عشان تشترى بيها الملف
  6. وبيان النجاح احتياطى معاك الاصلى 
  7. موبايل بتاعك عشان تقدر تتصل بقرايبك عشان تعرف بياناهم
    الشرح
اولا :- بتسجل من عالنت بيانات خاصه بيك وبتحدد ميعاد يكون مناسب معاك انت اللى بتختاروا لكشف القدرات وبتاخد معاك الحاجات دى 
ثانيا:- بتروح اكاديميه الشرطه ومكانها ف التجمع الاول-اكاديميه الشرطه- هتدخل من البوابه بالبطاقه والورقه اللى طابعها 
ثالثا:- بتدخل والعساكر بتبقى واقفه وهيقولولك هتدخل فين وهيبقى فى طلاب واقفه من الكليه ف سنه ٢ هما اللى بيقولولكم هتعملوا ايه 
رابعا:- هيوقفواكم صفوف وبعدين هيظبطوكم مجاميع ع حسب مجموعك الثانوى بمعنى ايه ! هيقولوا اللى جايب من ٩٣.١٪‏ حتى ١٠٠٪‏ مجموعه اولى ومن ٩٣.١٪‏ حتى ٩١.١٪‏ مجموعه تانيه وهكذا لحد مايجمعوا حوالى ١٥ مجموعه كده . 
خامسا:- هياخدوكم ف المدرجات وهتقعدوا هيبقى فيه ظابط غالبا رائد او نقيب بيبقى قاعد ومع كل مجموعه طالب بيتكلم معاكم الظابط شويه وبعدين بينزل مجموعه مجموعه تشترى الملف وترجع مكانها تانى وطبعا بتشترى الملف ب ٢٠٠ج 
سادسا:- هترجع مكانك الظابط هيقولك اقطع صافحتين من الملف هيقولك عليهم واملئ فيهم بياناتك وبيانات اخوالك واعمامك وجدك وجدتك ولو مش حافظهم بتتصل بحد من اهلك يقولك عادى بس كل حاجه بتبقى بسرعه 
سابعا:- خلى بالك هيسلمك كارت تردد او هيبقى ف الملف بتملئ فيه بياناتك وحافظ عليه لان ده اللى هتدخل بيه ع طول الكليه طوال فتره الاختبارات 
ثامنا:- هيوزعوا عليكم ورقه فيها اكتر من ١٠٠ سؤال اختار وصح وخطأ واكمل بتحلهم وبتروح بيتك تستنى النتيجه بعدها بيوم او يومين ع النت وبيتحددلك الاختبار الذى يليه من عالنت بردوا والاختبار اللى بعده هو مقاس وقوام بيتكتبلك لائق او غير لائق امام كل اختبار


وبكده يبقى اول يوم انتهى يا شباب بالتوفيق

الكلية الحربية - شرح يوم سحب الملف ويوم التسليم بالتفصيل




اولا : سحب الملف

اولا : الملف بيتسحب بالبطاقه - ثمن الملف 200 ج - بوابة سحب الملف بوابه رقم 3
ثانيا : تلبس لبس محترم وتكون حالق شعرك ودقنك عشان يبقا منظرك حلوا ف الصور ال هتتصورها
ثالثا : المواصلات

محافظات وجه بحري :
1 : ال هيركب عربيه ينزل عند الدائري هيلاقي عربيات بتحمل حربيه من هناك
2 : ال هيركب قطر ينزل رمسيس هيعدي الجمب التاني عند جامع الفتح هتلاقي عربيات بتحمل حربيه

محافظات وجه قبلي :

هتنزل رمسيس وهتركب من عند جامع الفتح الكليه الحربيه
رابعا : ال هيحصل بالظبط ف يوم سحب الملف

هتدخل من بوابه رقم 3 وهي بوابة مكتب التنسيق يكون معاك البطاقه عشان مش هتدخل غير بيها ومش هتسحب الملف الا بيها

- طب ممكن حد يسحب الملف مكاني ؟؟
لا مش ممكن لازم حضرتك تسحبه بنفسك

اول ما هتدخل هتقف ف طابور الاول لو العدد كبير ف اليوم دا هتلاقي ع اليمين كراسي هيكون قاعد عليها زمايلك ال جاين يسحبوا الملف زيك .
هيكون فيه حوالي 3 منافذ لبيع الملفات واحد للدبلومات وواحد للعلمي وواحد للادبي
هيكون ف ظباط وعساكر واقفين تسمع الكلام وتقول حاضر يا فندم متتكلمش مع حد وبلاش مشاكل اقلها هيقلك اتفضل روح 
 هتدخل تسحب الملف من احد المنافذ ع حسب شهادتك هتديله البطاقه وال 200 ج ثمن الملف وبعد كدا هتقيس طول ووزن .

- طب لو طولي اقل من 170 / وهل الوزن مهم جدا ف سحب الملف ؟؟
لو طولك اقل من 170 سم هتتحول جويه / الوزن مش مهم ف سحب الملف بس بيبقا ليه دور ف قبول الملف بس الاهم طبعا ف الطبي

- طب لو مجموعي اقل من 70% ؟؟
هتتحول جويه بدون نقاش

بعد ما بتقيس طول ووزن هتروح ف مكان جوه هتتصور فيه هتقف وقفه عسكريه وهيكون جنبك مسطره بتحدد طولك وهتتصور وانت واقف جنبها

- طب الصور دي هنعمل بيها ايه ؟؟
الصور دي هتدبسها ف الملف والباقي يفضل معاك طول الاختبارات 

 بعد ما بتتصور بتطلع فوق ف قاعه كبيره هتقعد فيها بيجيلك ظابط بيشرحلك ازاي هتملي الملف ع شاشة عرض كبيره تكون مركز معاه وتراجع ملفاتك ورقه ورقه عشان لو ف ورقه ناقصه تاخدها معاك قبل ما تتطلع
بعد القاعه هتخرج بره تاخد الصور بتعتك ال انت اتصورتها وبعد كدا تروح وكدا اليوم دا خلص


ملحوظة :
الملف بيبقا مكتوب عليه معاد المعاد دا مينفعش تسلم ملفك قبليه بس ينفع بعديه ف اي وقت
مثال : المعاد ال مكتوب ع الملف ولنفرض 2/9/2017
يبقا ممنوع منعا بتاآ تقدم ملفك قبل يوم 2 بس مسموح ليك تقدم ملفك ف اي يوم بعد يوم 2
 
 ملحوظة :
اتاكد قبل ما تخرج ان معاك كل الاوراق الخاصة بالملف زي الصور
ثانيا : يوم تسليم الملف

بيكون تقديم الملف فى بوابة الاستاد بتاع الكلية الحربية وهناك بيقسموكم على حسب المجموع فى الثانوية العامة والثانويه الازهريه لان الثانويه الازهريه بتعمل معادله هناك
وبيقيس الطول والوزن علشان تعرف و تحاول تظبط الطول مع الوزن واللى طوله اقل من 170 بيحول الى
لجنة الجوية هو واللى جايب اقل من 70% وبتمتحن اول امتحان امتحان القدرات ودة عبارة عن 25 سؤال
بتجواب عنهم فى 10 دقائق فقط وبتكون اسئلة عن التاريخ والعلوم والجغرافيا واسئلة شخصية وبعد ما بتمتحن وبيقولك على ميعاد النتيجة
- إختبار السمات الشخصية
  1. يهدف إختبار السمات الشخصية إلى الوقوف علي قدرة الطالب على التكيف مع الحياة العسكرية وأن رغبته هذه ليست نتيجة ضغوط معينة بالإضافة إلى قياس تناسب شخصية الطالب مع متطلبات الحياة العسكرية وكيفية التصرف في المواقف المختلفة
  2. يتم إختبار الطالب في نفس يوم تقديمه طلب الإلتحاق على أن يكون مع الطالب الأدوات الكتابية للإختبار
  3. تعلن نتيجة هذا الإختبار بمقر مكتب التنسيق وعلى الطالب معرفة توقيت الكشف الطبي الموضح أعلى الكشف المدون به إسمه حيث أن توقيتات الكشف الطبي ليست واحدة لجميع الطلبة .
  4. قبول الملف بيعتمد علي هيئته وليست علي اختبار السمات

الكلية الحربية

عرض المزيد »

كلية الشرطة

عرض المزيد »