الكلية الحربية - شرح بالتفصيل الاختبار الطبي لمتخصصين اناث



كشف الطبي متخصصين حربيه اناث

اولا : الدخول بيكون الساعة 6 صباحا من باب 6 ودا باب صغير كدا ومش باين ودا اسمه باب البنات

ثانيا : يفضل انكوا تسيبوا الموبايلات مع الاهل برا عشان مفيش حد موبايله يضيع او يتأخر وهو بيسلمه وعشان هما جوا بيتنرفزوا عشان الموبايلات

ثالثا : محدش يتكلم كتير وتنفذوا الاوامر من اول مرة يقولوا فيها الامر

تفاصيل الكشف
-----------------------------
اول لما ندخل ونقعد في الاماكن المخصصة هندخل غرفة الحاسب الالي عشان نعمل البصمة وتسجيل دخول اختبارات الكلية

بعد البصمة ببنزل غرفة خلع الملابس ونقلع الهدوم كلها ما عدا الاندر وهنلبس الجاون ( روب العمليات ) واوفر شوز ( اكياس بلاستيك يعني ) وبتلبسوا كذا واحد عشان السقعة وعشان لو اتقطع يكون معاكوا بديل

ممكن يسمحوا بلبس الجاكيت وممكن لا بس ممنوع الحجاب في الكشف الطبي

الكشف بالترتيب
----------------------------
أشعة :
--------
وطبعا لو في اي معدن معاكي بتخلعيه وانتي كدا كدا مش لابسة البرا خالص لانك قلعتيها في غرفة خلع الملابس
طبعا لو في دبلة بتخلعيها ولو في سلسلة بتخلعيها ولو في حلق بردو بتخلعيه ويفضل انك تيجي من غيرهم

بعد كدا كشف قوام :
--------------------
اللي هو طول ووزن

بعد كدا رمد :
------------------
بتشوفي العلامات مفتوحة فين
بعده نفسية ودي بقى ممكن يقولك 66 44 وممكن يسألك اي سؤال عادي

بعده اسنان :
----------------
مبتكلمش على التسوس خالص بس بيتكلم عن شكل الاسنان الخارجي ولازم تكون نضيفة ومفيهاش جير
بعده انف واذن ولازاااااااااااااااااااااااااااام تغسلي ودانك من الشمع

بعده جلدية وجراحة :
----------------------
بيكونوا في اوضة واحدة والكلام اللي الدكتور يقوله لازم يتنفذ وممنوع اعتراض ولو مش عاجبك الكلام اعتذري عن الكشف واتفضلي روحي البيت وممنوع الضحك نهائي مع اي دكتور ( دي كانت تعليمات القائد ) ولو الدكتور هزر معاكي اكتفي بابتسامة خفيفة

بعد كدا باطنة :
-------------------
ودي هتكشفي بالسماعة عادي على بطنك

بعد كدا عظام :
-----------------
هيطلب حركات خفيفة جدا زي اتربعي و اركعي وافردي ايدك وافردي رجلك ع الارض وقرفصي

بعد كدا موجات صوتية :
--------------------------
ودا سونار

بعد كدا قاع عين :
----------------------
بيشوف نسبة الضعف على جهاز وبيحط قطرة بتوسع البؤبؤ

بعد كدا رسم قلب :
----------------------
وهدي نفسك خالص عشان يطلع سليم

بعد كدا قلب :
--------------------
واهدي خالص عشان ضربات القلب متكونش سريعة ويطلعك

بعد كدا المعمل :
---------------------
بيسحب منك عينة دم وبول
--------------------------------------
كدا الكشف الطبي خلص
بترجعو الاستراحة تاني وينادوا على اسماء البنات اللي عندها استشارة ويخلصوا الاستشارة وترجعوا تاني اماكنكم وينادوا على الناس اللي مش هيكملوا عشان يروحوا

البنات اللي مسمعوش اسماءهم هيدخلوا رياضي ان شاء الله

لازم لازم لازم تكوني صايمة ع الاقل 6 ساعات
صيام عن الاكل والعصير
مسموح بشرب الماء بس 
ملحوظة:
اي توضيح غير مسموح بيه ( معلومة من ظابط هناك وكان التحذير شديد)

18 facebook

الا تحتاج كلية الضباط المتخصصين اي خريجين اخرين مثل الصيدله-العلاج الطبيعي-الحقوق-التجاره-...الخ...الا يطلب سوي طب بشري بنين وهندسه بنين وعلوم بنين.كما قرانا....فلماذا؟.نرجو الافاده..وشكرا

شوف الاعلان وابحث عن التخصصات الي انت عاوزها بالتوفيق
http://www.ta2deem-7arbya.com/2016/12/2017.html

هل يجب أن يكون الوزن مثالي بالنسبه للبنات ؟

هل كشف الجراحه بنات بيختلف عن الشباب ؟! وتفصيله !

أيوه كشف الجراحة للبنات زى الشباب
" العضو التناسلي - فتحة الشرج "

أيوه كشف الجراحة للبنات زى الشباب
" العضو التناسلي - فتحة الشرج "

اللي بيكشفوا جلديه وجراحه بيكون دكتور ولا دكتوره ؟

والكلام اللي الدكتور يقوله لازم يتنفذ وممنوع اعتراض ايه مثلا ممكن يكون الكلام اللي هيبقي عليه اعتراض لاني دي الجمله الوحيده اللي علقت معايا الصراحه

والكلام اللي الدكتور يقوله لازم يتنفذ وممنوع اعتراض ايه مثلا ممكن يكون الكلام اللي هيبقي عليه اعتراض لاني دي الجمله الوحيده اللي علقت معايا الصراحه

وده برده سؤالي

مينفعش علوم بنات

كشف جراحه للبنات تجريه طبيبه أم طبيب

الكشف الطبي بيبقي أمتي

لو البنت طولها 157عادى والا لازم160؟؟؟

انا خريجة طب بيطري وطولي ١٥٥ ينفع
واية شروط الرياضي

انا خريجة طب بيطري وطولي ١٥٥ ينفع
واية شروط الرياضي

ينفع من تجاريه قسم اية

في كشف الجراحة. في كشف عذرية؟