الكلية الحربية - تحميل اسطوانة معلومات عن مصر الخاصة بالكلية الحربية




تحميل اسطوانة معلومات عن مصر الخاصة بالكلية الحربية التي كان يتم تسليمها قديما عند سحب الملف للطلاب تبع الشرح الاتي :

اضغط علي الرابط التالي للتحميل 

بعد الضغط علي الرابط هيفتح موقع التحميل هتضغط 


وبعد كدا لو بتستخدم انترنت دونلود منجر هيظهر ليك النافذة دي هتضغط بدء التحميل


وتنتظر انتهاء التحميل وتفتح الملف ياي برنامج يدعم ضيغة pdf

بالتوفيق.....

الكليه الحربيه - شرح مفصل لاختبار الرياضي المتقدم





معلومات مهمه قبل ذهابك للاختبار

  1. عدم تناول اي منشطات او ادويه قبل يوم من ذهابك للاختبار قد يؤثر سلبا علي لياقتك
  2. عدم السهر لفترات طويله قبل يوم من الاختبار لقدرتك لتكمله الاختبار
  3. عدم بذل اي مجهود في اليوم قبل الاختبار ويكون اطالات خفيفه لتأخذ الراحه الكافيه 
  4. التدريب علي اداء التمارين قبل الذهاب للاختبار لكي تظل علي استعداد
  5. تجنب تناول اي اطعمة تؤدي الي سرعه التبرز او تؤدي الي الاسهال 

المطلوب للاختبار
  1. تيشرت رياضي
  2. بنطلون رياضي
  3. مايوة سباحة
  4. كوتش رياضي
كما في الاختبار الرياضي السابق

شرح الاختبار


لما تنجح في اختبار العرض العام بي لائق هيقولولك في نفسي اليوم تيجي امتي الرياضي المتقدم وبوابه كام وهتكون غالبا بوابه 4 الي حضرتك دخلت منها اول مره تسحب الملف وتاخد معاك المطلوب الي فوق دا بعد كده يابطل هتخش من البوابه وهتتجمعوه وكلكم وهيدوكم ارقام وفيها استمارات الرياضي بعد شويه هيجي صف ضابط هياخدكم علي التراك او ممكن نطه الثقه الاول علي حسب ميحددوه هما 
قفزة الثقة = 7.5 متر




وبعد قفزة الثقة هتروح مكان اختبار الرياضي اختباراتك هتكون كالأتي :

اختبار الضاحيه 2000 متر في 8 دقائق


بعد متخلص كل ده هتتجمعوه وتستنوا النتيجه الي سقط هيقولوله اما بالنسبه للي نجح فبتختلف من سنه لسنه حسب الحاجه في تحديد اذا كان فيه اختبار معلومات عن مصر او لا ان كان فيه بيقولك هتيجي امتي وكدا وربنا يوفقكم جميعا باذن الله

الكلية الحربية - شرح مفصل لكشف العرض الطبي المتقدم

معلومات مهمه يجب اتباعها قبل ذاهبك للكشف

  1. عدم السهر لتجنب الارهاق والذي قد يؤثر سلبا عليك في الاختبارات
  2. عدم تناول اي نوع من انواع المنشطات اوالادويه التي قد تؤثر في التحاليل
  3. يفضل ان تكون صائم عند ذهابك للاختبار  
  4. حلق شعر الراس والعانة والابط 
  5. احضار سلب ابيض سبعة للكشف
  6. كرت التردد والبطاقة الشخصية
 
شرح الاختبار

العرض العام الطبي هي هي نفس الكشوفات و الاجراءات وزياده عليه :

 كشف المدي السمعي
بتدخل حاجه زي كبينه كده بتدخل بتقفل ع نفسك الباب وبتقعد ع كرسي وبيكون ف قدامك سماعات بتاخدهم وبتحطهم ع ودانك الدكتور بيقولك لو سمعت صوت ف ودنك اليمين ارفع ايدك اليمين لو ف الشمال ارفع ايدك الشمال تكون مركز متشتتش زهنك وكون واعي بال بيحصل عشان تميز الصوت ومتقلقوش هو اسهل مما تتخيلوا

 والكشف عن التشوهات في الجسم 

والتحاليل 
للكشف عن لو فيه فيرس او تلوث في الدم وهو ده الكشف الطبي التاني الي بيمر بيه الطالب في اختبارات الكليه الحربيه عشان يلتحق بالكليه وده حاجه في كل الكليات العسكريه ولازم الطالب يكشف بس هو هيكون بسرعه وفي يوم واحد بس


الهدف من اجراء الكشف العرض الطبي العام

هو التاكيد علي صحه وسلامه الطالب ولياقته الطبيه وميكونش اتعرض لاي نوع من انواع الاصابه زي كسر اومرض او اي نوع من التأثير الطبي في الفتره مابين اختباره للكشف الطبي العادي والكشف طبي عرض عام وبيكون بردو لو فيه حاجه اتفوتت في الكشف الطبي العادي او متكشفتش فيه بتتعرف في العرض العام وبيكون دقيق اكتر من الطبي العادي وطبعا مفهوش التماس زي العادي سقوطك في اي كشف انت كده للاسف مش هتكمل اختبارات


وطبعا معاد الكشف هيجيلك ان شاء الله في رساله الهيئه لو لائق ان شاء الله هتعرف امتي المعاد وغالبا بيبقا 6 الصبح وبعد لما الكشف يخلص كل واحد هيعرف نتيجته في نفس اليوم والي عدي هيقولولك معاد الرياضي المتقدم واخر شئ معلومات عن مصر وبعد ذلك انتظار النتيجه النهائيه

ازاي اعرف اني نجحت ؟؟
اولا مش بتعرف نتجتك ف اليوم ده دي هتجيلك ف رساله وبيحددلك فيها الرياضي المتقدم
لكن لو عديت اليوم عادي والكارت ما اتخدش منك او ما اخدوش اسمك تطمن انت كده ف السليم وتنتظر الرساله
بالنسبه للتحريات 👇👇
التحريات بتفضل شغاله لغاية النتيجه النهائيه 


 وربنا يوفقكم ان شاء الله 

كلية الشرطة - شرح اختبار الهيئة من دخولك من باب الكلية لخروجك منه مرة اخري بالتفصيل



معلومات عامة
  1. حلق شعر الراس علي الدرجة 1او 2 وعدم تقصير الجوانب اكثر من اعلي الراس
  2. الاهتمام بالمظهر جيدا والثقة بالنفس والانضباط من اول دخول الكلية
  3. الالتزام بالتعليمات الموجهة من امناء الشرطة او الضباط
  4. الدخول من باب رقم 5
  5. الالتزام بالحضور قبل المعاد المحدد منعا للمشاكل 

المطلوب شرائة
  1. قميص ابيض سادة بكوم كامل جودة جيدة
  2. بنطلون اسود سادة قماش جودة جيدة
  3. جزمة سوداء سادة جودة جيدة  
  4. حزام اسود بدون علامات او رسومات 

 مثال للملابس 



ملحوظة مش لازم نفس الجزمة في الصورة المهم تكون سوداء وسادة

شرح الاختبار

حضرتك هتروح الكليه الصبح الساعه 6 الصبح تكون واقف قدام باب الكليه هتخش بوابه رقم 5 بس من نحيت الشمال هتدخل جوه هتلاقي اوتوبيس واقف هتقف جمبه ولو عايز تروح لابس الهدوم ماشي ولو عايز تحطها في كيس بس يكون نضيف وكيس يحافظ عليها من الكرمشه و كده وخد معاك شنطه تحط فيها هدومك وهتلاقي الاتوبيس هيتحرك لما يكون فيه مجموعه طلبه كتير وهياخدكم مكان كشف الهيئه



 وهتنزلو الي عايز يغير يغير والاتوبيس هيرجع تاني عشان يجيب ناس وهيسبوكم لحد الساعه 10 كده او 9 ونص لحد ما اعضاء كشف الهيئه يجوا وهتلاقي امين شرطه جاي هيقولكم علي كل حاجه تقفوا رجليك سبعه وفارد ضهرك وباصص قدامك وضامم ايدك خلف خياطه البنطلون وهيشرحلكم كل حاجه هتعملها

يمنع لبس الساعات او الخواتم او الحظاظات :)
 ولحد ما الاتوبيس يجي مرتين وله حاجه هيجي الامين ينده علي الاسامي ويدي كل واحد رقم يحفظه زي اسمه عشان ده رقمك الي هتدخل بيه جوه وهيتعاملوا معاك بيه وعلي الساعه 10 او 9 ونص هيجي الامين ياخود اول 25 واحد واول 5 طلاب هيقفوا طابور وكل واحد يدخل من الطابور يدخل واحد من الي عليه دور في الطابور 


بعد ما تدخل وتقف علي المنصه زي الصورة 



فيه حوالي 5 حاجات بتوع ثانوي عام للعام الحالي هيقول الاتي بعد ما يقف علي المنصة
  1. اسمك
  2. النسبه المئويه
  3. الكلية الي تم ترشيحك ليها
  4. الهواية
  5. موقفك من الكلية الحربية
خريجين السانوية العامة السنة الي قبل السنه الحالية فقط مطلوب منهم الاتي
  1. اسمك
  2. النسبه المئويه
  3. الكلية الي تم ترشيحك ليها
  4. الهواية
  5. موقفك من الكلية الحربية
قدمت كلية شرطة قبل كدا او لا وبعد ما تخلص تقف ثابت بانتظار ان يتم سؤالك او لا وبعد الانتهاء بتخرج من الباب المعاكس للباب الي دخلت منة وتقف في طابور بعد الخروج في انتظار دورك للخروج


مفيش اي داعي للقلق ان شاء اليوم هيخلص بسرعه جداا باذن الله

يرجي اتباع الاتي 

  1. الثقة بالنفس اهم شي
  2. عدم التهته في الكلام ابدا
  3. لو مش عارف اجابة سؤال قول مش عارف يا فندم
  4. حفظ وظائف الاعمام والاخوال لان من المحتمل انك تتسال فيهم
  5. ايضا لزم تعرف اجابة للسؤال انت عاوز تدخل شرطة لية

وربنا معاكم ويوقفكم واليوم مش هيطول ان شاء الله

شروحات التقديم - شرح اختبار الهيئة للكلية الحربية بالتفصيل



شرح كشف الهيئة  


تعليمات عامة

  1. حلق شعر الراس علي الدرجة 1او 2 وعدم تقصير الجوانب اكثر من اعلي الراس
  2. الاهتمام بالمظهر جيدا والثقة بالنفس والانضباط من اول دخول الكلية
  3. الالتزام بالتعليمات الموجهة من الجنود او الضباط
  4. الدخول من باب رقم 3 مكتوب علية مكتب تنسيق القبول بالكليات و المعاهد العسكرية


المطلوب شرائة
  1. قميص ابيض سادة نصف كم جودة جيدة
  2. بنطلون اسود سادة قماش جودة جيدة
  3. جزمة سوداء سادة جودة جيدة 
مثال للملابس المطلوبة 






    شرح الاختبار

    بعد ما تدخلوا هيجي جندي ينادي علي الاسماء المطلوبة للاختبار وبرضو هيحضر مندوب الكلية الجوية يقول موقف المرشحين للجوية وطبعا هيتم شرح كل شي هناك بعد كدا  
    بعد كدا هتروحوا قاعدة للانتظار ويتم تقسيمكم علي مجموعات من 20 الي 25 طالب كل مجموعة بتدخل تختبر ولما بيخصلوا يجي الدور الي الي بعدهم بعد ما يتم خروج المجموعة من القاعة بتتوجهوا للمبني الرئيسي للكلية وتقعدوا علي كراسي استراحة واول 5 طلاب فقط هما الي واقفين وواحد
     واحد يدخل وكل ما طالب يخرج بيرن جرس والي علية الدور يدخل والي علية الدور من الي قاعدين يقف في اخر ال خمس طلاب عشان يفضلوا ديما خمسة لحد نهاية المجموعة وهكذا ولما يجي عليك الدور هتدخل علي مديرين الكليات وتقول الاتي بعد ما تخدل وتقف في المكان المحدد هيطلب منك تعريف نفسك هتقول الاتي :

    1. رقم القيد
    2. الاسم رباعي
    3. النسبة المئوية
    4. الشعبة
    5. موقفك من الكلية الجوية
    6. مجموع الاختبار الرياضي
    7. رغباتك في الكليات العسكرية بالترتيب زي ما كتبت
    للتوضيح اكثر 
    1. رقم القيد: 14625
    2. الاسم : محمد محمد محمد محمد 
    3. النسبة المئوية : 95.5%
    4. مرشح جوية وغير لائق او غير مرشح جوية 
    5. مجموع الرياضي: 175 من 200
    6. الرغبات: فنية عسكرية - دفاع جوي - حربية - معهد فني

    بعد ما تخلص تقول (تمام يا فندم
    هيبدا بقا يسئلك زي ايه انه مثلا يسئلك في الملف بتاعك مثلا عمك الفلاني بيشتغل اية وكدا واسئلة تانية عامة او معلومات عن مصر او عواصم الدول طيب لو انت مش عارف الاجابة متفتيش هههههههه تقول (مش عارف يا فندم) وانت واثق من نفسك كدا مش تتهته وكدا واوعي تخاف خالص ومدير او كلية انت كتبتها في رغباتك هيسئلك سؤال يختبرك بية ولما تخلص هيقوم مدير الكلية الحربيو يقولك اتفضل وتلف وتخرج وانت ماشي امشي مضبوط وخلي خطواتك ثابتة وجريئة وانت داخل برضو نفس الحال اوعي تمشي غلط لانه بياثر عليك كا مثال طالب دخل غلط شوية قالة اطلع وادخل من تاني لان مشيتك زي مشيت البنات
    علشان كدا خليك ثابت و اوعى تتوتر لانك لو اتوترت ثانية واحده مش هتعرف تسيطر على نفسك تانى ( بصراحه يا جدعان منظرهم يخوف ) مش عشان هما هيعملولك حاجه وكدا لا عشان دا اول مرة تكون في موقف زي دا وانت محتاج للمكانة دي فدا الي بيدي الرهبة جواك انك لو غلطت هتضيع حلمك عشان كدا بتكون خايف فقط خلي عندك ثقة بالنفس لا اكثر
    و بعد المجموعه بتاعتك بقى ما تخلص فى عسكرى هياخدكم و هتخرجوا على طول وهتعدوا ان شاء الله
    بالتوفيق ....

    الكلية الحربية

    عرض المزيد »

    كلية الشرطة

    عرض المزيد »