الكلية الحربية - تفاصيل اختبار السمات بالصور ومعلومات عن كيفية اتمامه






اختبار السمات هو اول اختبار هيقابلك في اختبارات الكلية الحربية وبيكون يوم تسليم الملف الخاص بك
بيكون 25 سؤال مقسمة ل
معلومات عامة
اسئله ذكاء
اسئله رياضية



بعد تسليم الملف بتاخد رقم القيد وتروح مظلة الاختبار وتقعد حسب العسكري ما بيقولك




 وبعد اكتمال المظلة بيتم تقسيم الطلاب لمجموعات وكل مجموعه ليها نموذج اسئلة مختلف عن الاخري
بيتم تسليمك نموذج الاسئلة وبيكون فية كل الاسئلة 

ممنوع انك تحل في نموذج الاسئلة او تكتب فية لانه مش بيكون ليك لوحدك

وبعد كدا بيسلمك ورقه الاجابة الي هتحل فيها بتكتب فيها اسمك والرقم القومي ورقم القيد ورقم المجموعة ورقم نموذج الاسئلة
لما بيقول ابدا الحل بتفتح نموذج الاسئلة بتلاقي في اول الصفحات تعليمات عن كيفية الحل سيبك منها مفيش وقت تشوفها 😂😂😂


خش علي الاسئلة علي طول بتقراء السؤال وتروح لورقة الاجابة في رقم السؤال وتختار الدائرة الصحيحة وتقوم بتظليلها كاملة زي كدا




طبعا انت بتظلل بالقلم الجف مش زي الصورة بالضبط دي صورة للتوضيح فقط


وعشان الوقت السؤال الي هيحتاج تفكير اختارة عشؤائي او اقرب حل صحيح

اوعي تسيبة للاخر وتقول هحلة بعدين لو فية وقت لا غلط عشان :

  1. ممكن الوقت يخلص وانت معاك اسئلة زي دا كتيير مش هتعرف تكملها
  2. ممكن انك تغلط وتحل السؤال الي بعدة في مكان السؤال دا وطبعا الي بعدة هيكون غلط
طبعا التصحيح بيكون بالكمبيوتر زي الصورة كدا



فاكيد لو انت مش مظلل الدائرة صح الكمبيوتر ممكن ميتعرفش علي الاجابة ويحسبها غلط

ضبط نفسك وخلي معلوماتك العامة كويسة وثق بنفسك وان شاء الله كل حاجه سهلة فقط والتعامل كويس جدا مع الضباط هناك ومسهلين كل حاجه عليك

بالتوفيق ....

كلية الشرطة - كشف القوام و تفاصيل الاختبار الطبي وشرح كل عيادة بالاختبار



 اختبار المقاس والقوام 

بيتم فية قياس طول وعرض صدر الطالب  للتأكُد من استيفائه للمقاييس المطلوبة، والطالـب الذى لا يستوفى تلك الشُروط لا يكون له حق الإعادة، ويتم اختبار القوام من خلال التأكد من (تناسب الطول مع الوزن "الطول – 90") وتكون الإعادة لمرة واحدة فقط.

الاختبار الطبي

تعليمات هامة
  1. لو كنت عامل عمليات قبل كدا افحصها قبل ما تروح الكشف الطبي
  2. اوعي تاخد اي ادوية او مواد مخدرة قبل ما تروح الكشف الطبي
  3. احلق شعر الابط والعانة وشعر الراس والذقن قبل ما تروح
  4. تروح لدكتور اسنان تعمل تلميع اسنان قبل ما تروح بيوم
  5. برضو تروح لدكتور انف واذن تعمل غسيل اذن قبل ما تروح بيوم
  6. الحضور في ميعاد الكشف الطبي من الساعه 6 صباحا لعدم التاخير 
  7. الحضور صائم يوم الكشف الطبي

ملحوظة

  1. اول ما بتدخل بتنتظر لحد ما يندهوا علي اسمك وبتبقوا حوالي 20 واحد ومعاكم امين شرطة بيفضل معاكم من اول لاخر الاختبار
  2. كل واحد يحفظ رقم المجموعة بتاعته ورقمه كام ف المجموعه
  3. متروحش اي مكان من دماغك
بعد كده المجموعة كلها هتطلع ف اوضه وتقلع كل هدومك وتحطها ف دولاب كدة هيبقي في حد قاعد هناك علشان محدش يسرق حاجه ولو عايز تاخد الموبايل خده بس هتسيبه ف الاوضه بعد كده هتروحوا لظابط هيتأكد من اسمكم وبطايقكم وصوركم 
 
بعد كده هتنزل للامين يوديكوا اختبار اختبار وهيا كالتالي :
 

1-كشف الجلدية؛
بيتم عرضك على الدكتور وبيشوف اذا كان عندك اى جرح او مرض جلدى

 
  2-كشف الاسنان؛
الكشف دة مش عاوز تعريف هو بس بيشوف الاسنان مظبوتة ولا ولو مركب طربوش عادي فيه ناس عديت قبل كدا

 
3-كشف العظام؛
دة بيشوف شكل الجسم وبعض الحالات مثل الفلات فوت التقوس الالتصاق الناتج عن التقوس
واحيانا بيطلب منك عمل عقلة وعلى فكرة الكشف دة بيطلع اكثر من 60%من الناس اللى طالعة طبى

 
  4-كشف الانف والاذن؛
لازم تكون رايح الكشف دة غاسل اذنك واحد يقولى اغسلها بالمية والصابون فى البيت لا
يا فالح الغسيل دة بيكون عند دكتور علشان بنظف الاذن من الشمع علشان الدكتور يقدر يشوف داخل الاذن


 

 5-كشف الرمد وعمى الالوان؛
نبدا بعمى الالوان بيعرض عليك كذا صورة وتقول الرقم اللى فيها ولو عاوز تختبر
نفسك الصور دى موجودة على الانترنت ودا موقع بيعملك اختبار (http://www.freeiqquizz.com/?id=552)
الرمد انت طبعا عارف اللوحة اللى عليها دوائر مفتوحة او حرف زي حرف E كدا 


ملحوظة : يسمح للطلبة الحاصلين علي مجموع 92% فما فوق علمي بالكشف بالنظارة لصالح الكلية الفنية العسكرية


6-كشف الجراحة؛
كشف الجراحة مش بيكشف عن العمليات الجراحية وكدا لا دا بيكشف عن البوسير او الاشخاص ال !!!! :)

7-كشف الباطنة؛
كشف الباطنة دا بيكشف عن الطحال والمعدة واشياء اخري في البطن مش عارفين ايه هيا لانه كشف غريب كدا المهم نادر ما حد بيسقط فية

8-كشف النفسية؛
بيطلب منك النطق ببعض العبارت علشان يشوف عندك حرف ولا لا زى(44 66) او امر امير الامراء بحفر بئر في الصحراء وهكذا

9-كشف المعمل؛
بياخد منك عينة دم وعينة بول وبحللها طبعا عشان الفيرس او اي مشاكل في الدم او صديد في البول وكمان اكتشاف اذا كنت بتشرب مواد مخدرة او لا

 
  
10-كشف الموجات الصوتية؛
الكشف دة على الكلى بالموجات فوق الصوتية اكيد اكتر الناس تعرف جهاز الموجات فوق الصوتية الي بيستخدم لتصوير الجنين الي هو دا

11-كشف الاشعة على الصدر؛
بيتم فية الكشف علي الرئتين والبحث عن وجود تليف وكدا  من خلال عمل اشعة للصدر كدا



12-كشف قاع العين؛
كشف قاع العين
وهو ضروري للاطمئنان على شبكية العين والجسم الزجاجي.
بيقوم الدكتور بوضع قطرة مخصصة لتكبير الشبكية لكي يري ما بداخلها طبعا القطرة دي صعبة شوية لانك مش بتعرف تشوف في النور كانك في غرفة مظلمة والكهرباء قاطعة لو النور جا فجاءة مش بتشوف الا بعد ثواني دا بالضبط الي بيحصل بس دا بيدوم شوية 



وبعد كدة هتروح كشف عادي قدام لواءات كدة بيبصوا عليك بصه نهائيه علشان يشوف لو حد سقطك ف حاجه



وبعد كل دا بتلبس وتروح وتستني النتيجه ع الموقع

====================

الطبي النفسي 
 
هيشوف عندك عقدة قديمة او نقص حاجة تمنعك تبقي ظابط شرطة ولا لا
هتروح وتستني لحد ما الدكتور يجي وهيقولوا الي اول اسمهم حرف مثلآ أ او هينادوا علي اسامي علي حسب ما عايزين هما
هتقعد في فصل كدة وهتاخد ورقة وبعد كدة تراجع اسمك وتدخل تمتحن طبي نفسي هيتجاوب علي الاسئلة
الاسئله كلها نفسية وشخصية
تقريباً 40 سؤال وتجاوب يا نعم او لا
وسؤال رياضي ذكي كدة وتكتب حكمة من دماغك وتشرح معناها وبعد كدة تاخد كارت التردد وتروح وتستني النتيجة
يأما تفضل قاعد لحد ما يندهوا على اسمك علشان تدخل للدكتور تقعد مع الدكتور ومش معني كدة انك سقطت لا ده بيبقي شاف حاجة ف اجابتك وعايز يتأكد منها او عايزك تشرح الحكمه الي كتبتها

بعد كدة هتقعد مع دكتور ممكن تقعد مع دكتور كويس وممكن تقعد مع واحد يستفزك علشان يشوف اخرك انت ونصيبك

كلية الشرطة - الاوراق المطلوبة للمتخصصين بنات فقط


الاوراق المطلوبة للمتخصصين شرطة بنات بالتفصيل 
ملاحظات هامة 
  1. لازم تاخدي معاكي مؤهلات الوالدين وشهادة تخرجك وصور 4x6 وبيانات اخواتك و عمامك و خوالك واوراق ملكيه لو في .
  2. لازم انتي بنفسك تروحي تسحبي الملف لانك بتتصوري صور شخصية داخل الكلية اثناء السحب و بتقيسي وزن و طول و يتم سحب الملف ببطاقتك الشخصية 

الاوراق المطلوبة 
  1.  صورة طبق الاصل من شهادة تخرجك بتقدير جيد حد ادني
  2. شهادة حسن سير و سلوك و دي ورقة في الملف بتروحي تختمهيا من الكلية
  3. صور فوتوغرافية حديثة 4 × 6 خلفية بيضاء
  4. القيد العائلي و ده من اصعب الاوارق اللي بتاخد وقت و يُفضل تكوني عاملها قبل ميعاد التقديم و عندك فرصة بعد سحب الملف انك تكملي في باقي الورق عادي هما بيدولك مهلة لاستخراج القيد ، وهما  " القيد العائلي للاب - للجد من الاب - للجد من الام " و بتعملية من سجل المدني الي انتي تابعة لية و خلي بالك عشان تعملي قيد لكل فرد لازم تعملي شهادة ميلاد لكل واحد
  5. صور البطاقات الشخصية للطالب و الوالدين لازم متكونش منتهية و في حالة الوفاة يتم ارفاق شهادة الوفاة مع ذكر بيانات المتوفي بالتفصيل
  6. صور طبق الاصل من مؤهلات الوالدين الدراسية او احدهما لو الاخر لم يحصل علي مؤهل و شهادة لاثبات الوظيفة من محل العمل او السجل التجاري او البطاقة الضريبية في حالة ممارسة الانشطة التجارية الحرة او سيرك المعاش في حالة التقاعد 
  7. دمغه مهن طبية 20 قرش ، طابع تأمين صحي 2 جنية
  8. استمارة 5 جند او 8 جند بتسبهيا فاضية لان بيتم مخاطبة الكلية و الجيش بخصوص خدمتك في الجيش في حالة قبولك ان شاء الله في الكلية
  9. صحيفة الحالة الجنائية ( الفيش و التشبيه ) دي للاكاديمية الحربية فقط شرطة لا
  10. اقرار الزمة المالية للوالد او الوالدة او الاتنين في حالة انهم لو موظفين و بتجبهيا من اي مكتب بريد
  11. كارت طولي للوالدين معا علي خلفية بيضاء و في حالة الانفصال كل منهما في كارت منفصل علي حده
  12. صورة من شهادات رياضية او تفوق رياضي لو مفيش عادي مش مشكلة
  13. اي اوراق اصلية من صور و مستندات ملكية خاصة لاراضي او عقارات او اي نشاط تجاري باسم الطالبة او والدها
  14. اصل مفرادات المرتب للوالد او الوالدة
  15. صورة معتمدة من قرار الوصاية و صورة من بطاقة الواصي او ولي الامر في حالة وفاة الوالد فقط و يتم استخراج اقرار الوصاية بتعيين وصي علي الوريث القاصر من اقاربه ، هذا فقط في حالة وفاة الأب " الولي الطبيعي " و عدم وجود الجد أو تنازله عن الولاية علي حفيدة , و يتم استخراج قرار الوصاية بعد طلب يتقدم به مستحق الوصاية , و يقدم طلب الي نيابة الأسرة و إحضار بطاقته , و إقرار تنازل عن الولاية الشرعية من الجد " آب الأب " اذا كان حيا و مصدق عليه بالشهر العقارى اذا تعذر حضور الجد , و إحضار شهادة قيد وفاة المورث , و شهادات ميلاد القصر المطلوب شمولهم بالوصاية, و حضور من تجاوز ستة عشر عاما من القصر بأي إثبات شخصية " كارنيه جامعة أو مدرسة أو بطاقة الرقم القومى "
الاعلان :- 
 
اعلان شرطة بينزل في شهر 7 الدفعة الاساسية بتبقي في دفعة اطباء و مهندسين و مختلط و الدفعة الاستثنائية بتبقي في شهر 2 طب بس و مفيش شرطة بعد ثانوووي عام او ازهر او فني مفيييش و مينفعش واحدة عاملة دبلومة علم نفس و هي اصلا خريجة تربية او اي كلية تانية مش مطلوبة في المتخصصين و تقدم بالدبلومة انها تقدم و الماجستير للطب فقط مفيش تخصصات تانية و خريجين الكليات الخاصة المعتمدة من وازرة التعليم العالي ينفع يقدموا انما لو معتمدة من مكان تاني مينفعش

كلية الشرطة - الاوراق المطلوبة لملف التقديم بالتفصيل


اولآ موقع اكاديمية الشرطة للتقديم من خلاله

http://academy.moiegypt.gov.eg/policeonlineservices/select_case.aspx

الورق المطلوب

  1. بطاقة الرقم القومي
  2. عشر صور 4×6 خلفيه بيضاء
  3. شهاده الثانوية العامة اصل ان وجد وصورة من الشهادة ومختومه من الأدارة التابع لها
  4. اثبات قيد من الكليه تثبت انك مقيد فيها
  5. كارت الطول والوزن (تم استلامه وقت سحب الملف)
  6. شهادة حسن سير وسلوك مرفقة بالملف يتم تحريرها بمعرفة المدرسة او الكلية المقيد بها الطالب
  7. صورة وجه بطاقة الطالب – صورة ظهر بطاقة الطالب
  8. صورة معتمدة من شهادة المؤهل أو بيان الدرجات
  9. أصل شهادة ميلاد الطالب المميكنة
  10. صور من شهادات التفوق الرياضي معتمدة من الاتحاد الرسمي للعبة إن وجد
  11. موقف الطالب من التجنيد أو نموذج 110 جند
  12. قيد عائلي للوالد 
  13. قيد عائلي للجد من ناحية الوالد وكذلك قيد للجد من ناحية الوالدة
  14. صورة معتمدة من قرار الوصاية في حالة وفاة الوالد فقط
  15. في حالة عمل والد أو والدة الطالب بالأعمال الحرة يتم إرفاق المستندات التي تثبت ذلك من خلال البطاقة الضريبية والسجل التجاري أو حيازة الاراضى الزراعية أو خلافه
  16. في حالة سفر الوالد أو الوالدة للخارج يتم عمل توكيل لأحد الأقارب للتوقيع على الملف مع إرفاق صورة التوكيل المعتمد من جهة إصداره وصورة بطاقة الوكيل وصورة جواز السفر وصورة عقد العمل موثق من الخارجية وشهادة تحركات من مصلحة الجوازات والهجرة من مجمع التحرير
  17. في حالة وفاة الوالد ترفق شهادة الوفاة أما إذا كان أحدهما أو كلاهما بالمعاش يرفق بيانات المعاش معتمدة من المعاشات أو جهة العمل قبل الخروج على المعاش
  18. صورة وجهة بطاقة الوالد – صورة ظهر بطاقة الوالد
  19. صورة معتمدة من مؤهل الوالد إن وجد
  20. صورة وجه بطاقة الوالد صورة ظهر بطاقة الوالدة
  21. كارت طولي للوالدين معا وفى حالة الطلاق أو الانفصال أو السفر لأحد الوالدين يتم تثبيت صورة منفردة مع كتابة السبب خلف الصورة وفى حالة وفاة أحدهما يتم تثبيت صورة للذي هو على قيد الحياة
  22. صورة معتمدة من مؤهل الوالدة ان وجد
  23. صورة من مستندات الأملاك والمدخرات للوالد والوالدة
    بالتوفيق

الكلية الحربية

عرض المزيد »

كلية الشرطة

عرض المزيد »